Ndeuteronomio̱ 24:19 - Xo̱jo̱n eén Néná

^19-22 »Tsi kjiꞌanga kachjaꞌáꞌyájnú ni xi ikꞌítji̱e̱jnú kichíyájnú ngo chꞌo̱ kui nii̱, ngata̱ monginꞌóyájínjnú nga kongínchjaꞌájnú. Ki̱a̱ tꞌíndojnú kui nii̱ tsi̱ꞌe̱ xota̱ ni̱ma̱ xi jmí to̱njiín, ko̱jo xota̱ xi ki̱a̱ jachókꞌíndo tsá ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Kó nga xꞌi̱e̱je̱njnú to aseitunaa̱, ko̱jo tostsi̱je̱è, ti̱ bo̱a̱ ti̱ ti̱ꞌánjnú: ngata̱ bichájínjnú ngayejee̱, tꞌíndo chiboajnú tsi̱ꞌe̱ kui xotaa̱. Ngata̱chiíjín niꞌánchíyájnú nga moso̱ kamájnú jún ki̱a̱ nangi Ejipto̱, kuíni nga tsꞌénxiyàjnúꞌun nga tangíntji̱ngíjnú ngayeje kui kjo̱a̱botíxomaa̱. Tsi bo̱a̱ si̱ꞌánjnú Néná sa̱ꞌínchikonñé ngayeje ni xi si̱ꞌánjnú.

Ndeuteronomio̱ 24:19 ပူးပေါင်းရင်းမြစ်များ

Joo̱b 42:12

Kó Néná katsꞌénchikonñé ni xi jaskan kamaá Joo̱b, ta̱bo̱a̱jiín xikótsꞌèn kisꞌijña nga tjón tjón. Ngatꞌa̱ bi̱ kjiꞌi ni xi kisꞌiee̱: tienijón mi̱ cho̱tsa̱nga̱, ko̱jo jun mi̱ cho̱toꞌoyitsꞌe̱n, ko̱jo jó mi̱ cho̱yojo xi bokján tꞌanangi, ko̱jo ngo mi̱ bórró ínchjín,

Xo̱jo̱n Salmoo̱ 112:9

Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

Énkjínkón 14:21

Tjítsꞌénjé boá xota̱ xi ni̱ma̱kjo̱a̱ tsꞌénjo̱ xota̱ xi ngasee̱, ta̱nga achichíra̱tsjaa̱ xota̱ xi ni̱ma̱ maa̱ xota̱ xi ni̱ma̱a̱.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Lebitiko̱ 23:22

»Kjiꞌanga chja̱ꞌátikójnú cha̱a̱n ni xi ikꞌítji̱e̱jnú, ngata̱ bichájínjnú ńtín xí kamáxchá nga̱ndee̱ kui tꞌanangii̱, ti̱nde ngata̱ chjaꞌátikónjínjnú ńtín xí ixóngí tꞌanangii̱. Ki̱a̱ tꞌíndojnú, tsi̱ꞌe̱ nga skjíbé xota̱ xi ni̱ma̱ xi jmí to̱njiín, ko̱jo xota̱ xi xín nangi chji̱a̱ni, xi kui na̱xi̱ńdaá síndo. Án boá xi Nee̱ xota̱ Israee̱l».

Rkaa̱ 6:35

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Rkaa̱ 6:38

Te̱ꞌéjnúu̱ ni xi ka̱machjieén ngo xota̱, kó Néná tsja̱ajnú ni xi ka̱machjiénjnú jún. Tsja̱ajnú ngo stsa chi̱bo̱a̱ xi sꞌi̱kitsie má nga ꞌniú xi̱ndyiá. Ngatꞌa̱ ti̱ kuii̱ yáchi̱bo̱a̱ xi si̱ꞌankjiénjnú nga xꞌi̱chi̱bo̱a̱jnú, ti̱ kuii̱ xi sa̱ꞌínkjién Néná nga kꞌo̱chi̱bo̱a̱jojnú jún.

Ndeuteronomio̱ 15:10

Ta̱sá ngatsjéni̱xtjin tasíko̱jojnú xota̱ xi ni̱ma̱ xi jmíjiín to̱n, kó tsja ngatamajnú nga si̱ꞌánjnú kui nii̱. Tsi bo̱a̱ si̱ꞌánjnú, nda ku̱i̱ndyionjnú, kó Néná sa̱ꞌínchikonñéjnú kjo̱a̱a̱ ngayeje ni xi si̱ꞌánjnú.

Ndeuteronomio̱ 24:18

»Ngata̱chiíjín niꞌánchíyájnú nga xota̱ moso̱ kamájnú jún ki̱a̱ nangi Ejipto̱, kó nga Nejnú boá xi tsꞌaxiéꞌájnú. Kuíni nga tsꞌénxiyàjnúꞌun nga tangíntji̱ngíjnú ngayeje kui kjo̱a̱botíxomaa̱.

Ndeuteronomio̱ 26:13

Ngije kiniꞌánkꞌasꞌienjnú ngayeje kui nii̱, chjiéngá bi̱ kꞌuínjnú ki̱a̱ kje̱n ṉchandikoón: “Ji Ne, jè ijñátꞌaxín an ngo tjín ni xi kamáxchána, kó jè katsꞌenkꞌasꞌièe̱n chináꞌmii̱, ko̱jo xota̱ xi ta̱ ngotjón síndo ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Je katsꞌenkjatjosón an ngayeje kjo̱a̱botíxomàa̱, kó nde ngojín kui nii̱ xi katsꞌenjo̱ an. Jmí ni̱xtjin nga iskjíni̱e̱ an tji̱e̱nga tsjiejín kamá an, ko̱jo tsi kisꞌijña xa̱ꞌya̱ an, ti̱nde katsjajáa̱n a̱si̱énni̱xtjii̱n xota̱ xi je jesoón.

Na̱ Ruu̱t 2:16

Kó tatítsojo chiboajnú ńtín xí je ndyi̱ꞌbíꞌniújnú, ki̱a̱ ka̱maa̱ nga kjo̱a̱ꞌáꞌyá. Kó ngata̱ niꞌánxtíjínjnúu̱.