Ndeuteronomio̱ 24:18 - Xo̱jo̱n eén Néná

¹⁸ »Ngata̱chiíjín niꞌánchíyájnú nga xota̱ moso̱ kamájnú jún ki̱a̱ nangi Ejipto̱, kó nga Nejnú boá xi tsꞌaxiéꞌájnú. Kuíni nga tsꞌénxiyàjnúꞌun nga tangíntji̱ngíjnú ngayeje kui kjo̱a̱botíxomaa̱.

Ndeuteronomio̱ 24:18 ပူးပေါင်းရင်းမြစ်များ

Éksondo̱ 22:22

»Ka̱májín ndajín si̱ꞌanjo̱jnú ínchjín kꞌán xi je kꞌien xi̱ꞌii̱n ko̱jo xota̱ xi xꞌi̱a̱n xi jmíjiín na̱ꞌmi ko̱jo na̱an.

Lebitiko̱ 19:33

»Ngata̱ niꞌánxtíjínjnúu̱ xota̱ xi xín nangi chji̱a̱ni xi ki̱a̱ jachókꞌíndo nangi nínga tindyiónjnú.

Ndeuteronomio̱ 15:15

Ngata̱chiíjín niꞌánchíyájnú nga xota̱ moso̱ kamájnú ki̱a̱ nangi Ejipto̱, kó nga Néná boá xi katsꞌéndéjnú. Kuíni nga kui kjo̱a̱botíxomaa̱ tsꞌéntsjájnúꞌun.

Ndeuteronomio̱ 16:12

»Ti̱ꞌankjatjosónjnú kui kjo̱a̱kitii̱, kó nga jmíni̱xtjin niꞌánchíyájnú nga moso̱ kamájnú ki̱a̱ nangi Ejipto̱.

Ndeuteronomio̱ 24:17

»Nda ti̱ꞌanjo̱jnú xota̱ xi ki̱a̱ jachókꞌíndo tsá ki̱a̱ na̱xi̱ńdaá, ko̱jo xota̱ xi xꞌi̱a̱n. »Tsi tjín ni xi si̱ꞌankíyájnúu̱ ngo xota̱chjo̱on kꞌán xi je kꞌien xi̱ꞌii̱n, nga ńjñoo̱jín chjiáꞌajnúu̱ tsi̱ꞌe̱ nga kui nii̱ xi ku̱i̱ꞌíjñangini.

Ndeuteronomio̱ 24:19

»Tsi kjiꞌanga kachjaꞌáꞌyájnú ni xi ikꞌítji̱e̱jnú kichíyájnú ngo chꞌo̱ kui nii̱, ngata̱ monginꞌóyájínjnú nga kongínchjaꞌájnú. Ki̱a̱ tꞌíndojnú kui nii̱ tsi̱ꞌe̱ xota̱ ni̱ma̱ xi jmí to̱njiín, ko̱jo xota̱ xi ki̱a̱ jachókꞌíndo tsá ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Kó nga xꞌi̱e̱je̱njnú to aseitunaa̱, ko̱jo tostsi̱je̱è, ti̱ bo̱a̱ ti̱ ti̱ꞌánjnú: ngata̱ bichájínjnú ngayejee̱, tꞌíndo chiboajnú tsi̱ꞌe̱ kui xotaa̱. Ngata̱chiíjín niꞌánchíyájnú nga moso̱ kamájnú jún ki̱a̱ nangi Ejipto̱, kuíni nga tsꞌénxiyàjnúꞌun nga tangíntji̱ngíjnú ngayeje kui kjo̱a̱botíxomaa̱. Tsi bo̱a̱ si̱ꞌánjnú Néná sa̱ꞌínchikonñé ngayeje ni xi si̱ꞌánjnú.

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.