Ndeuteronomio̱ 24:14 - Xo̱jo̱n eén Néná

^14-15 »Tsi ngo xota̱ xi ni̱ma̱ nga jmí to̱njiín ko̱e̱ꞌéxájnúu̱, ngije kju̱i̱e̱ ni̱xtjii̱n ndakjiꞌi tꞌíchjíjnúu̱. Xota̱ xi ni̱ma̱a̱, xota̱ Israee̱l, ko̱jo xota̱ xi xín nangi chji̱a̱nii̱, tsꞌénxá tsi̱ꞌe̱ nga skji̱ni̱e̱ ko̱jo kꞌuí, kó kuíni nga to̱n chjieén. Tangíntji̱ngíjnú kui kjo̱a̱botíxomaa̱, ngatꞌa̱ tsi bo̱a̱jín si̱ꞌánjnú, kui xotaa̱ ngindyi̱ko̱n Néná ko̱óngítaꞌínjnú, kó Néná ko̱tíjéjnú jún.

Ndeuteronomio̱ 24:14 ပူးပေါင်းရင်းမြစ်များ

Énkjínkón 14:31

Kui xi ꞌniútsꞌeén xota̱ ni̱ma̱a̱, Néná boá xi tsꞌénkjánjo̱, ta̱nga kui xi ni̱ma̱ maa̱ xota̱ ni̱ma̱a̱, tsꞌénbendikón Néná.

Énkjínkón 22:16

Xota̱ xi tsꞌénchéjeé xota̱ ni̱ma̱a̱ tsi̱ꞌe̱ nga kꞌuié ngasee̱ to̱n, nga kju̱i̱e̱tꞌaa̱ kuí xí ni̱ma̱ tsꞌén kꞌuijñá ngase.

Lebitiko̱ 19:13

»Nda ti̱ꞌanjo̱jnú xingi̱jnú, kó ngata̱ chjaꞌéxínjínjnúu̱ ni xi tsi̱ꞌe̱. »Tꞌíchjíjnúu̱ xota̱ xi tsꞌénxájnú ngije kjife nga ngo ni̱xtjii̱n.

Rkaa̱ 10:7

Kó ti̱ kuii̱ ndiꞌaa̱ ti̱ndyiónjnú, kó chi̱ni̱e̱jnú, ko̱jo tꞌi̱o̱jnú ta̱ ni xi tjínrií xi tsja̱ajnú kui xotaa̱, ngatꞌa̱ nda̱ xi tsꞌénxaá tjínrií kjo̱a̱nda nga ka̱machjií. Ngata̱ xki̱ ndiꞌajín mińtja̱jnú.

Ndeuteronomio̱ 15:7

»Tsi tjín xota̱ Israee̱l xi ni̱ma̱ nga jmí to̱njiín ki̱a̱ na̱xi̱ńdá nínga tindyiónjnú, nda ti̱ꞌanjo̱jnú, ngata̱ ꞌbejínjnú kjo̱a̱ꞌontakón, ta̱sá, jún te̱ꞌéjnúu̱ ko̱jo ti̱ꞌankíyájnúu̱ ngayeje ni xi ka̱machjieén. Ngata̱ ꞌbíxi̱a̱njínjnúu̱ ngo ni. Ngata̱ niꞌánkjójínjnú nga je tsá kjo̱chó nó ndeé, sꞌe̱ bo̱a̱ kꞌuínjnú nga ka̱májín si̱ꞌankíyájínjúu̱ to̱n. Ngatꞌa̱ tsi kui xotaa̱ ko̱óngítaꞌínjnú ngindyi̱ko̱n Néná, jún xí chjiéngá si̱ꞌanjéjnú kjo̱a̱a̱ kui jeé.

1 Timoo̱ 5:18

Ngatꞌa̱ bi̱ tsó xo̱jo̱n eén Néná: “Ngata̱ foꞌméjín tsꞌoa cho̱yojo xi̱ꞌii̱n xi bitjiá to ndso̱ko̱a̱n ṉño̱paa̱n”, kó ti̱ bi̱ tsó nga: “Nda̱ xi tsꞌénxaá tjínrií kjo̱a̱nda nga ka̱machjií.”