Ndeuteronomio̱ 24:1 - Xo̱jo̱n eén Néná

¹ Kjo̱a̱a̱ xota̱ xi je ixán sꞌe̱ jaskan ꞌbíndo xkjín, Moisee̱ bi̱ katsoó xota̱ na̱xi̱ńdaá: «Tsi ngo nda̱ ku̱i̱xan, kósꞌe̱ ngi̱chí sájín ngo ni xi ndajínkjiꞌi sku̱i̱e̱ kjo̱a̱a̱ chjo̱on, ka̱má ku̱i̱ꞌíndo xkjín. Tsi̱ꞌe̱ nga ku̱i̱ꞌíndo xkjín, chjiéngá ngo xo̱jo̱n nínga je je kjo̱a̱bixaa̱n sa̱ꞌínkꞌasꞌiee̱n, kósꞌe̱ ngatangatji̱ngii̱ ndiꞌaa̱ ngijee̱.

Ndeuteronomio̱ 24:1 ပူးပေါင်းရင်းမြစ်များ

Éksondo̱ 21:10

»Tsi xi tsꞌatsie kui tsa̱kji̱ín ku̱i̱xanjo̱, kósꞌe̱ jaskan kꞌuieé ingo chjo̱on, ka̱májín kjo̱a̱ꞌáxiín kjo̱a̱nda xi tjiín ngo chjo̱on, kui na̱ xi kitsꞌítsieé, ti̱nde ka̱májín kjo̱a̱ꞌáxiín chiboa nichinie ko̱jo ńjño xi boajá xi tsoboaá nga tsja̱á.

Xki̱ 5:12

«Bi̱ tꞌíi̱n xota̱ Israee̱l: tsi ngo xota̱chjo̱on xí tjítsꞌéntꞌaa̱ kjo̱a̱ xi̱ꞌii̱n nga kje̱ꞌe xíꞌín tsꞌénfojñajo̱, kó tsi jmíjín xi sku̱i̱e̱ ni xi katsꞌén, ti̱nde xi̱ꞌii̱n sku̱i̱e̱jín,

Xki̱ 5:28

»Ta̱nga tsi kui naa̱ tsꞌenṉcha̱jojín xi̱ꞌii̱n, jmí ni xi ndajín ka̱maa̱, kó ka̱ma kꞌuieé ndí.

Matioo̱ 1:19

Kó Kosiee̱ nda̱ xi ka̱ma xi̱ꞌii̱n na̱ Riyaa̱, ngo nda̱ xi kixi̱ kamá, kó kamámejénjiín nga kjo̱a̱soboá tsja̱á ngindyi̱ko̱n xotaa̱. Kó katsꞌénkjó nga ta̱ ꞌma ꞌma ku̱i̱ꞌíjñá.

Rkaa̱ 16:18

Ta̱ ꞌyání xi ku̱i̱ꞌíjñá chjo̱ón, kó tsi kje̱ꞌe chjo̱on ku̱i̱xanjo̱, tsꞌén bendikónjín kjo̱a̱bixaa̱n, kó xi ku̱i̱xanjo̱ chjo̱on xí je ikꞌíjñaá, ti̱ tsꞌén bendikónjín kjo̱a̱bixaa̱n kui nga.

Ndeuteronomio̱ 21:15

»Tsi ngo nda̱ xi jó ka̱ma chjo̱ón, kó tsi nga joó nga kꞌuieé ndí, ta̱nga tsi ta̱ ngo tsí xi tjoó, kó tsi tjójiín xi ingoo̱. Kó tsi ndí xi tjoón kui nda̱a̱, na̱ xi tjójiín boá xi kisꞌiee̱, kjiꞌanga sa̱ꞌínda xo̱jo̱n nínga kjitꞌa ni xi sa̱ko̱ó ndií, kui ndií, jó bo̱a̱ kjiꞌii̱ ni xi ku̱i̱ꞌíjñaá ndií xi ngasee̱ xi nga sakoó xi̱ꞌbi̱, ngatꞌa̱ kuí boá xi ndí tjoón. »Ka̱májín jó bo̱a̱ kjiꞌi ni xi sa̱ko̱ó ndií kui xota̱chjo̱on xi tjoó kui nda̱a̱, ngatꞌa̱ kuijín bo̱a̱ xi ndí tjoón. Ndí xí ja̱koxi̱ nga kui xi tjoón, kuí boá xi tjiín kjo̱a̱nda nga jó bo̱a̱ kjiꞌi ni xi sa̱ko̱ó, ngatꞌa̱ kuí boá xi tjón katsen. Tsi kje̱ꞌe tsꞌén si̱ꞌan kui nii̱, ja̱ ndajín si̱ꞌanjo̱ ndí xí ja̱koxi̱ nga kui xi tjoón tsobo̱a̱.

Ndeuteronomio̱ 22:13

»Tsi ngo nda̱ xi ku̱i̱xan, kó kjojñájo̱ chjo̱ón, ta̱nga tsi jaskan ngiti̱ ka̱mamejénjiín.

Ndeuteronomio̱ 22:19

Kó kui nda̱a̱, chjiéngá ku̱i̱ꞌíchjií na̱ꞌmii̱ kui naa̱ úchán to̱ntiboa nga bo̱a̱ kjiꞌi machjí kjiꞌanga yandikónjín ngo na̱ Israee̱l. Kó ka̱májín ku̱i̱ꞌíjñámasien, ta̱sá kꞌuijñájo̱ ngatsjéni̱xtjin ngijee̱.

Ndeuteronomio̱ 22:29

kui nda̱a̱ chjiéngá ku̱i̱ꞌíchjií na̱ꞌmii̱ kui naa̱ ngo chjí xí ichítié to̱ntiboa, kósꞌe̱ chjiéngá ku̱i̱xanjo̱ ngijee̱. Kó nga kjo̱a̱soboá katsjaá nga kjo̱a̱ꞌniú katsꞌeén nga jajñajo̱, jmíni̱xtjin ka̱ma nga ku̱i̱ꞌíjñá ngije ixánjo̱.

Ndeuteronomio̱ 24:2

»Tsi kui naa̱ kje̱ꞌe xíꞌín ku̱i̱xanjo̱ ngijee̱,

Ndeuteronomio̱ 24:3

kó tsi kui xi̱ꞌin xi sꞌe̱ kasakoo̱ ti̱ ku̱i̱ꞌíjñá nginí, ko̱jo tsi ko̱yà,