Ndeuteronomio̱ 23:20 - Xo̱jo̱n eén Néná

²⁰ Ta̱kuítsí xota̱ xi xín nangi chji̱a̱ni xi ka̱ma chje̱ꞌéchjíjnúu̱ ndyi̱ko̱n to̱n. Tsi si̱ꞌankjatjosónjnú kui kjo̱a̱botíxomaa̱, Néná sa̱ꞌínchikonñé ngayeje ni xi si̱ꞌánjnú ki̱a̱ na̱xi̱ńdá nínga ku̱i̱ndyionjnú.

Ndeuteronomio̱ 23:20 ပူးပေါင်းရင်းမြစ်များ

Xo̱jo̱n Salmoo̱ 15:5

kui xi jmí ndyi̱ko̱n foaꞌáchjíjín nga to̱n tsꞌénkíyà, ti̱nde jmí to̱n kjíbéjín tsi̱ꞌe̱ nga ndajín si̱ꞌanjo̱ ngo xota̱ xi jmí jéjiín. Kui xota̱ xi sa̱ꞌín ngayeje kui nii̱, ngatsjéni̱xtjin nga ꞌniú kꞌuijñá.

Éksondo̱ 22:24

kó ꞌniú sa̱ꞌinxchán án nga sa̱ꞌinkꞌiénjnúꞌun. Kósꞌe̱ ínchjínjnú, ínchjín kꞌán ka̱ma, kó ndíjnú, ndí xꞌi̱a̱n ka̱ma ngijee̱.

Éksondo̱ 22:25

»Tsi tjín xí sa̱ꞌínkíyaá to̱n ngo xota̱ Israee̱l xi ni̱ma̱ xi jmí to̱njiín, chjiénjín nga ndyi̱ko̱n kjo̱a̱ꞌáchjií, ti̱nde ka̱májín bo̱a̱ si̱ꞌanjo̱jnú xikó tsꞌén xota̱ xi foaꞌáchjí nga tsꞌénkíyà to̱o̱n.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Lebitiko̱ 25:36

Tsi ngo to̱n si̱ꞌankíyájnúu̱, ngata̱ jmí ndyi̱ko̱n chjaꞌáchjíjínjnúu̱, tsi nichinie ko̱e̱ꞌéjnúu̱, nga jmí tsi kjo̱a̱a̱ nga to̱n si̱ꞌánjnú nga bo̱a̱ si̱ꞌánjnú. Cha̱ndikónjnúꞌun, kó te̱ꞌéndièjnúu̱ kui xotaa̱ nga ki̱a̱ kꞌuijñájinjnú.

Rkaa̱ 14:14

kó achichí tsjangatamaa̱, ngatꞌa̱ kui xotaa̱ ka̱májiín ku̱i̱ꞌíchjií, ta̱nga kjiꞌá boá nga ka̱machjií, kjiꞌanga kjo̱a̱ꞌáꞌyaá xota̱ xi kixi̱i̱.

1 Xota̱ Korinto̱ 15:58

Kó kuíni jún bo̱a̱ ndí ntsꞌie xi tjóna, ꞌniú ti̱ndyiàjnú, kó ndyiojón ndyiojón, ko̱jo saꞌniú sáꞌniú ti̱ꞌánjnú xaá Ndi̱a̱ná, ngatꞌa̱ jún jè yàjnú nga ta̱ kjo̱a̱ndajiín xaá Ndi̱a̱ná xí ndyi̱niꞌánjnú.

Ndeuteronomio̱ 14:21

»Tsi ngo cho̱ ko̱yà soboá, ngata̱ chiniejínjnú yojoo̱, ngatꞌa̱ jún boá xi ngo xota̱ na̱xi̱ńdá xí jè tsi̱ꞌe̱ Néná, ngatꞌa̱ bo̱a̱ tsꞌén je atíxoma kui. Ta̱nga ka̱má ko̱e̱ꞌéjnúu̱ kui yojoo̱ xota̱ xi xín nangi xi síndo ngi̱jinjnú, ko̱jo tsi ko̱ti̱ñájnúu̱ ngo xota̱ xi xín nangi chji̱a̱ni xi jachó ngotjón ki̱a̱ nangi nínga tindyiónjnú. »Ti̱nde ka̱májín nga ki̱a̱ ngi̱jin ntsjeén na̱aa̱n ndí tindso̱ chichií si̱ꞌanchjánjinjnú.

Ndeuteronomio̱ 15:10

Ta̱sá ngatsjéni̱xtjin tasíko̱jojnú xota̱ xi ni̱ma̱ xi jmíjiín to̱n, kó tsja ngatamajnú nga si̱ꞌánjnú kui nii̱. Tsi bo̱a̱ si̱ꞌánjnú, nda ku̱i̱ndyionjnú, kó Néná sa̱ꞌínchikonñéjnú kjo̱a̱a̱ ngayeje ni xi si̱ꞌánjnú.

Ndeuteronomio̱ 28:12

ngatꞌa̱ Néná boá xi skjíxꞌá nkꞌa jàn, nínga foaꞌátjó stseé, kó ko̱síndaá nínga tjitjíe̱njnú ni. Ngayeje ni xi si̱ꞌánjnú, ngatsjéni̱xtjin nga nda ko̱e̱je̱jnú. Jmí ni̱xtjin nga ngo ni chji̱yajnú, ta̱sá tsꞌatio ni kꞌuiéjnú tsi̱ꞌe̱ nga kje̱ꞌe na̱xi̱ńdá si̱ꞌankíyájnúu̱.