Ndeuteronomio̱ 23:11 - Xo̱jo̱n eén Néná

¹¹ Nga ka̱mangixoón kui nda̱a̱ chjiéngá ko̱ngóyá, kó nga jñoó ka̱ma ko̱e̱je̱ nginí nínga síndo ndiꞌaa̱ xotaa̱.

Ndeuteronomio̱ 23:11 ပူးပေါင်းရင်းမြစ်များ

Xo̱jo̱n Salmoo̱ 51:2

¡Taníjín ngase ji ni ndajín xi katsꞌen an, kó ti̱ꞌintsjiejín ji jéna!

Xo̱jo̱n Salmoo̱ 51:7

Isopo̱ ti̱ꞌinkjìn jí nga ti̱ꞌintsjiejínní, kó ka̱matsjiejón an, Taníjínní kó tsjie ngase ka̱ma an ta̱bo̱a̱jiín nchꞌaàn.

Lebitiko̱ 14:9

Xi ma yitoo̱ ni̱xtjii̱n ti̱ ngataniè nginí ńjñoo̱, kó ngatangóyá nginí, sꞌe̱ ngatꞌijón nginií ngayeje yojoo̱. Kósꞌe̱ kjiꞌá boá nga ka̱matsjie yeje yojoo̱.

Lebitiko̱ 15:11

Ti̱ kui nii̱ xi sa̱ꞌín tsi ngo nda̱ katsꞌénjo̱ kui nda̱a̱, tsi aniéjónjín tsja.

Lebitiko̱ 15:13

»Tsi ka̱mandaya kui nda̱a̱, chjiéngá yito ni̱xtjin skoyákjo̱a̱, ngije jaꞌa kui ni̱xtjii̱n, chjiéngá ko̱nié ńjñoo̱, kó ndáfoaa̱ ndáńchꞌi̱ ngatangóyáni. Ta̱ bo̱a̱ tsí tsꞌén nga ka̱matsjie ngijee̱.

Lebitiko̱ 15:16

»Tsi ngo nda̱ xi nde bejín nga xtjón ndáxójmaá yojo ndikoón, chjiéngá tsjiejín ka̱ma ngaskande nga ka̱majñoó, kó chjiéngá ngatangóyá.

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Ndeuteronomio̱ 23:10

Xikoó kui nii̱: Tsi nga jñoó tjín xi ngiti̱ tsjiejín ka̱ma, chjiéngá kjo̱tjoni nínga síndo ndiꞌaa̱ xotaa̱ kó ngiti̱ ka̱májín kꞌo̱sꞌien nga ngo ni̱xtjii̱n.

Ndeuteronomio̱ 23:12

»Néná ki̱a̱ tikónjinjnú jún, tsi̱ꞌe̱ nga skónjnú kó tsja̱ajnú nga jún xi si̱ꞌánjnú nga ku̱i̱xkánjo̱jnú kondra̱jnú. Kuíni nga chjiéngá tsjie ka̱ma ki̱a̱ nínga kꞌuíndo ndiꞌaa̱ xotaa̱, ka̱májín kꞌuié ni xi tsjajín maá. Chjiéngá ndi̱tsen nínga síndo ndiꞌaa̱ kui xotaa̱ ku̱i̱ꞌíjñá ngo ngi̱ndie nínga kjo̱tì, kó ngo ti̱xa̱ ngatsꞌénda nínga ku̱i̱ndyianijín ngayeje kui nii̱. Tsi Néná sa̱ko̱ó ki̱a̱ nínga síndo ndiꞌaa̱ xotaa̱ ngo ni xi tsjajín ka̱maa̱, kuí boá xi ko̱ngaboaꞌájnú.

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,