Ndeuteronomio̱ 21:21 - Xo̱jo̱n eén Néná

²¹ »Ngije bo̱a̱ katsó, ngayeje xota̱ xi síndo kui na̱xi̱ńdáꞌniuú ndi̱jo̱ kꞌo̱ya nga sa̱ꞌínkꞌiénni kui ndí xí kitikjo̱a̱a̱. Bo̱a̱ tsꞌén nga jmí ni xi ndajín kꞌuiéjín ki̱a̱ na̱xi̱ńdá Israee̱l, ngatꞌa̱ ngayeje xotaa̱ stsa̱kjonní nga ni xi ndajín sa̱ꞌín».

Ndeuteronomio̱ 21:21 ပူးပေါင်းရင်းမြစ်များ

Éksondo̱ 21:17

»Kui xi chꞌo ka̱tso̱o̱ na̱ꞌmii̱ ko̱jo tsi na̱aa̱n, chjiéngá ko̱yà.

Énkjínkón 30:17

»Xota̱ xi mojnókie na̱ꞌmii̱, ko̱jo xi tsꞌenchꞌó kjo̱a̱bokoyaá na̱aa̱n, kuí boá xi tsoboaá nga ni̱sie kuerboo̱ kꞌo̱xié ndyi̱ko̱n, ko̱jo nga cho̱ xi kjinie yojo siee̱n skji̱ni̱e̱ tikón.

Lebitiko̱ 20:2

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Tsi ngo xota̱ Israee̱l ko̱jo tsi ngo xota̱ xi xín nangi xi tikón kui na̱xi̱ńdaá, xi ndií sa̱ꞌínkjién nga sa̱ꞌínkꞌasꞌiee̱n ngo kjo̱a̱tjó ne Moloo̱k, chꞌo ka̱mana kui nii̱, kó xi bo̱a̱ katsꞌeén chjiéngá an skjánjo̱na, ngatꞌa̱ jè ngiti̱ kamábendikónjín ndiꞌandikónna. Chjiéngá ko̱yà xí bo̱a̱ katsꞌeén, kó sa̱ꞌinkjiéni an ngi̱jii̱n xota̱ na̱xi̱ńdána.

Lebitiko̱ 20:27

»Tsi tjín xí chjo̱on ko̱jo tsi xi̱ꞌin xi skótꞌa yojoo̱ nga ko̱e̱je̱koo̱n tsi ngo xi je kꞌien ko̱jo tsi ngo xi kotꞌasón, chjiéngá ndi̱jo̱ nga niꞌánkꞌiénni».

Lebitiko̱ 24:14

«Kjo̱a̱a̱ nga chꞌo katsóna kui nda̱a̱, kuíni nga chjiéngá ko̱ꞌna̱xié ji ki̱a̱ nínga síndo ndiꞌaa̱ xotaa̱. Ngayeje xota̱ xi tsintꞌié nga chꞌo katsóna chjiéngá tsja ku̱i̱ꞌíjñasoón to̱ko̱, sꞌe̱ jaskan ndi̱jo̱ ngatꞌaya nga sa̱ꞌínkꞌién kui nda̱a̱.

Xki̱ 15:35

Kó Néná bi̱ tsꞌén atíxomaa̱ Moisee̱: «ꞌNa̱xiéjnú kui nda̱a̱ ki̱a̱ ngi̱ndie nínga síndo ndiꞌaa̱ xotaa̱, kó ngayeje xota̱ xi ngasee̱ ndi̱jo̱ ngatꞌaya ngaskande nga sa̱ꞌínkꞌién».

Xki̱ 15:36

Kó bo̱a̱ katsꞌén xota̱ Israee̱l.

1 Xota̱ Korinto̱ 5:13

Ngatꞌa̱ Néná xí bo̱a̱ ka̱tso̱ tsi nda ko̱jo tsi ndajínkjiꞌi ni xi ndyi̱tsꞌèn xota̱ xi na̱ngo̱xi̱i̱jín chji̱a̱ni, ta̱nga jún chjiéngá ku̱i̱yotjingíjnúu̱ kui nda̱jé xí ki̱a̱ tikónjinjnú.

Ndeuteronomio̱ 13:12

»Tsi ngo na̱xi̱ńdáꞌniú xi je katsjájnú Néná, kó tsi xota̱ xi ndajiín kui ngi̱ndiee̱ sa̱ꞌín nga xota̱ xi ngasee̱ sa̱ꞌíntsjaá ne xi nde yàjín ꞌyá kuií bo̱a̱, nda nda má ti̱ndyi̱séndi̱yàjnú ꞌyání bo̱a̱ xi bo̱a̱ sa̱ꞌiín. Tsi xcha̱ ngakixi̱i̱ kui nii̱, chjiéngá si̱ꞌankꞌiénjnú ngayeje xotaa̱ kui na̱xi̱ńdaá. Nga ngojín xi ꞌbíndo ngase nga̱sondie, ti̱ꞌankꞌiènjnú ngayeje cho̱o̱ nga. Ti̱ꞌankjatsón yejejnú na̱xi̱ńdaá, kó ki̱a̱ ngamasiee̱n kui na̱xi̱ńdaá tꞌíndojnú ngayeje ni xi kisꞌiee̱ kui xotaa̱. Kósꞌe̱ ki̱a̱ tꞌítíjnú kui nii̱ ngandaa̱ Néná, kó ngiti̱ niꞌándayajín kui na̱xi̱ńdáꞌniuú, ta̱sá ngatꞌíjñá jatson kjin. »Tsi ko̱nda̱ꞌyáꞌénjnúu̱ Néná, jmíni̱xtjin sa̱ꞌínxchánjo̱jnú. Ta̱sá sa̱ꞌíntjójnú, kó ngo na̱xi̱ńdá xí ꞌniú je sa̱ꞌínjnú, ngatꞌa̱ bo̱a̱ tsꞌén katsóyàtjoón xota̱ xi xchájnú. Tsi si̱ꞌankjatjosónjnú kui kjo̱a̱botíxoma xi tsꞌéntsjájnúꞌun ngotꞌe̱, kó tsi si̱ꞌánjnú ngayeje ni nda xi tsꞌénbotixómájnú kuí, Néná ngatsjéni̱xtjin nga nda sa̱ꞌínjo̱jnú.

Ndeuteronomio̱ 13:5

Kó kjo̱a̱a̱ kui chji̱ni̱e̱ꞌén ndísoó, chjiéngá ti̱ꞌankꞌiènjnú, ngatꞌa̱ kuí boá xi tjítsꞌén nga jún ngiti̱ ko̱nda̱ꞌyáꞌénjínjnúu̱ Néná katsaki. Kó bo̱a̱ tsꞌén nga si̱ꞌankjiejnú kui ni xi ndajín xi tikónjinjnú. Néná boá xi katsꞌéndéjnú jún kjiꞌanga moso̱ ka̱majnú ki̱a̱ nangi Ejipto̱, kuíni nga ta̱kuítsí xi chjiéngá ko̱nda̱ꞌyáꞌénjnúu̱.

Ndeuteronomio̱ 13:6

»Tsi tjín xí ka̱tso̱yàjnú tsi̱ꞌe̱ nga kje̱ꞌe ne si̱ꞌantsjajnúu̱, tsi tiña ko̱jo tsi kjin chji̱a̱ni, ngata̱ niꞌánsénjínjnúu̱. Ta̱sá ti̱ꞌankꞌiènjnú kui xotaa̱, kó jún boá xi tjón ngatamajnú nga si̱ꞌankꞌiénjnú. Ngata̱ ni̱ma̱jín májnú, jmí ndasénjín tsi ntsꞌiejnú má, ko̱jo tsi ndí xíꞌínjnú, ko̱jo tsi ndí chjo̱ónjnú, ko̱jo ndatsi chjo̱ónjnú ma, ko̱jo tsi nda̱ xi ꞌniú nda yaꞌajnú. Ngata̱ niꞌánjetakónjínjnúu̱ kui ni xi ndajín xi katsꞌén, ta̱sá ndi̱jo̱ tjayàjnú nga si̱ꞌankꞌiénjnú. Kuí boá ni xi tsoboaá ta̱ꞌya xota̱ní xi sa̱ꞌínkjinjnú Néná xi chji̱a̱ni Israee̱l, ngatꞌa̱ kuí boá Néná xi tsꞌaxiénijnú nangi Ejipto̱, kó kuí boá xi katsꞌéndéjnú. Bo̱a̱ tsꞌén nga ko̱e̱ꞌéjnúu̱ ngo chi̱bo̱a̱ xi nda ngayeje xota̱ na̱xi̱ńdaá, kui xi chjiéngá stsa̱kjonní, kó nga ngiti̱ ka̱májiín sa̱ꞌín nginí kui jeé.

Ndeuteronomio̱ 17:5

tangínjo̱jnú kui xotaa̱ ngindyi̱ko̱n xota̱xá xí tikón ngi̱ndie nínga botíjeé ki̱a̱ na̱xi̱ńdáꞌniuú, kó kuí boá kui jáxaá, xi bo̱a̱ ka̱tso̱ nga ndi̱jo̱ si̱ꞌankꞌienni.

Ndeuteronomio̱ 17:7

Tsi tjiín jé kui xotaa̱, kui xi tjón kꞌo̱ya ndi̱jo̱o̱ kuí boá xi chistikoo̱, sꞌe̱ jaskan xota̱ na̱xi̱ńdá xí ngasee̱. Kó bo̱a̱ tsꞌén nga kꞌuiéjín ni xi ndajín ngi̱jinjnú.

Ndeuteronomio̱ 21:20

Kósꞌe̱ bi̱ ka̱tso̱o̱ xota̱ ngito̱ko̱o̱: “Ndíjne̱ achichí kitikjo̱a̱ ko̱jo tamá. Ntꞌiéꞌénjínje̱, ¡kó ngaskande ta̱ nda̱ xki̱ꞌá, ko̱jo ta̱ nda̱ chꞌi̱ tsí boá!”

Ndeuteronomio̱ 22:21

já xí chji̱a̱ni kui na̱xi̱ńdáꞌniuú nga tꞌaxiéni ndiꞌaa̱ na̱ꞌmii̱, kó ki̱a̱ ngatꞌaya ndi̱jo̱ nga sa̱ꞌínkꞌién. Kuí nii̱ xi tsoboaá nga ka̱maa̱ ngo xota̱ xi ndajín tsꞌén ki̱a̱ na̱xi̱ńdá Israee̱l, ko̱jo nga ta̱ngatꞌanii̱ kui nga ngo xtín xota̱ xi kjo̱a̱soboá foaꞌa. Tsi kui nii̱ xi si̱ꞌánjnú, bo̱a̱ tsꞌén nga si̱ꞌanchajajnú ni xi ndajín ki̱a̱ na̱xi̱ńdájnú.