Ndeuteronomio̱ 2:30 - Xo̱jo̱n eén Néná

^30-36 »Ta̱nga nda̱ re Sijoo̱n katsjandièjínná nga ki̱a̱ ku̱i̱tjá, ngatꞌa̱ Néná boá xi katsꞌén, nga jmí katsó. Kósꞌe̱ Néná bo̱a̱ katsóna nga kjiꞌá boá nga ñá boá xi ko̱ti̱xomáa̱ Sijoo̱n, kó nga ti̱ kjiꞌa ka̱ma ku̱i̱tjásꞌi̱e̱n nangii̱ ko̱jo nga si̱ꞌáa̱n nga ku̱i̱xkánjo̱. »Nda̱ re Sijoo̱n jatjojo̱ jájuún tsi̱ꞌe̱ nga nangi Jaa̱ skjánjo̱ná, ta̱nga Néná boá xi katsꞌén nga ñá kiniꞌán. Kó kiniꞌáa̱n ngayeje na̱xi̱ńdáꞌniuú, kó kiniꞌánkjatsón ngayejee̱, kiniꞌánkjié ngayeje xotaa̱, ta̱kuítsí cho̱ tji̱e̱é ko̱jo ni chjí xí kisꞌiee̱ xi kachjábé. Nde ngojín kui na̱xi̱ńdáꞌniuú xi kichikjoaá nga ikixkánjo̱, ngayejee̱ nga kiniꞌánkjié, kuí má tjón na̱xi̱ńdáꞌniú Aroee̱r, kui xi tikón nga jó ngoboaá ndejèꞌ Arnoo̱n, kósꞌe̱ na̱xi̱ńdáꞌniú Ngalaa̱nd jetꞌani. Ngaskande kui ni̱xtjii̱n to̱kó ñá boá xi botíxomá ki̱a̱a̱.

Ndeuteronomio̱ 2:30 ပူးပေါင်းရင်းမြစ်များ

Éksondo̱ 11:10

Kó Moisee̱ ko̱jo Aaroo̱n ngindyi̱ko̱n nda̱ ree̱ katsꞌén ngayeje kui chi̱bo̱a̱ ko̱jo kjo̱a̱ndikón xi katsoó Néná nga sa̱ꞌín, ta̱nga nda̱ ree̱ achichí tajá katsꞌénra ini̱ma̱a̱, kó katsjandièjiín xota̱ Israee̱l nga kjo̱tjoni nangi Ejipto̱.

Éksondo̱ 4:21

Néná ja̱bo̱a̱ jè bi̱ katsoó Moisee̱: «Ngije kjóchí ji nangi Ejipto̱, ti̱ꞌin ji ngindyi̱ko̱n nda̱ ree̱ ngayeje kjo̱a̱ndikón xí kixiaan nga si̱ꞌin ji nga si̱ꞌinkjìn jí yánísiée̱. Án boá xi sa̱ꞌintajá án ini̱ma̱a̱ nda̱ ree̱ tsi̱ꞌe̱ nga sa̱ꞌínkjatjójín xota̱ na̱xi̱ńdaá.

Éksondo̱ 7:14

Néná tsíchji̱a̱jo Moisee̱, kó bi̱ katsoó: «Nda̱ ree̱ nangi Ejipto̱ achichí je tajá ini̱ma̱a̱, kó mejénjiín tsja̱ndieè xota̱ na̱xi̱ńdána nga kjo̱tjoni nangii̱.

Kjo̱a̱chaꞌaá 3:65

Jí boá xi si̱ꞌintejé jí ini̱ma̱a̱, kó kuí ngatꞌákanieé ni xi ndajiín.

Xki̱ 21:23

Ta̱nga nda̱ re Sijoo̱n, ngindiee̱ nga tsja̱á kjo̱a̱ nga ki̱a̱ kjo̱a̱ꞌajin nangi nínga botixómá, ta̱sá ítikó jájuún, kó askjanjo̱ xota̱ Israee̱l ki̱a̱ nangi kixií, ki̱a̱ tiña nangi xi ꞌmí Jaa̱.

Xki̱ 21:33

Sꞌe̱ jaskan kijí nangi Basaa̱n, ta̱nga nda̱ re Oo̱j kijí nangi Endreii̱, kó kijíjo̱ jájuún nga kijíkjánjo̱ xota̱ Israee̱l.

Xki̱ 21:34

Kósꞌe̱ Néná bi̱ katsoó Moisee̱: «Ngata̱ ndakinjín máa̱ nda̱ re Oo̱j. Án boá xi kosiko̱joo nga si̱ꞌìi̱n kui ko̱jo ngayeje jájuún. Ta̱nga mejénna nga bo̱a̱ si̱ꞌinje̱ ji kui, xikó kiniꞌínje̱ ji Sijoo̱n, nda̱ re xi chji̱a̱ni xota̱ Amoo̱r».