Ndeuteronomio̱ 19:13 - Xo̱jo̱n eén Néná

¹³ »Ngata̱ niꞌánjetakónjínjnúu̱ ngo xota̱ xi ini̱ma̱ sa̱ꞌínkꞌién. Ngata̱ boeꞌéndièjínjnú nga ta̱xkiya si̱ꞌankjiesón xota̱ xi jmí jéjiín ki̱a̱ na̱xi̱ńdá Israee̱l. Bo̱a̱ tsꞌén nga nda ko̱e̱je̱jnú ngayeje ni xi si̱ꞌánjnú.

Ndeuteronomio̱ 19:13 ပူးပေါင်းရင်းမြစ်များ

Lebitiko̱ 24:17

»Xi ngo xota̱ sa̱ꞌínkꞌién, ti̱ bo̱a̱ ti̱ tsꞌén si̱ꞌankꞌien nga. »Xi ngo cho̱ sa̱ꞌínkꞌién, ti̱ ngo cho̱ tsjangojo nga. »Xi sa̱ꞌínꞌoón ngo xkjín, ti̱ bo̱a̱ ti̱ tsꞌén ku̱i̱ꞌíchjí xikótsꞌèn katsꞌénꞌoón nga: tsi ngo ndyi̱ko̱n tsꞌaxié, ti̱ chjiéngá ngo tsi̱ꞌe̱ ko̱ꞌna̱xié nga, tsi ngo ṉꞌni̱u̱ tsꞌeje̱n, ti̱ chjiéngá ngo tsi̱ꞌe̱ ko̱ꞌna̱je̱n nga, tsi ngo ńdaa̱ iskjítꞌó, ti̱ chjiéngá ngo tsi̱ꞌe̱ chjátꞌó nga.

Xki̱ 35:31

Kjiꞌanga ngo xota̱ xi je si̱ꞌankꞌien kjo̱a̱a̱ nga ngo xota̱ katsꞌénkꞌién, ka̱májín kjo̱tjoꞌa nga jmí ni si̱ꞌanjo̱jín tsi ku̱i̱ꞌíchjí ngo to̱n, chjiéngá ko̱yà.

Ndeuteronomio̱ 19:12

xota̱ ngito̱ko̱o̱ kui na̱xi̱ńdáꞌniuú sa̱ngíyákjaꞌá, tsi̱ꞌe̱ nga xkjín kuí nda̱ xi kiniꞌánkꞌieén si̱ꞌankꞌasꞌiee̱n, kósꞌe̱ ki̱a̱ ka̱majeé nga si̱ꞌankꞌien.

Ndeuteronomio̱ 25:12

chjiéngá ku̱i̱chájnú tsja kui xota̱chjo̱on. Ngata̱ ni̱ma̱jín májnú.

Ndeuteronomio̱ 7:16

»Ndokꞌóchji̱nií ngaꞌniuú Néná nga jún achichí kjín xota̱ na̱xi̱ńdá xí si̱ꞌánjnúu̱ nga ku̱i̱xkánjo̱jnú. Ta̱nga ngatjaꞌátsjienjnú nga ni̱ma̱jín ka̱majnú kui xotaa̱, ta̱sá ti̱ꞌankjiejnú, ngindiee̱ nga jún ki̱a̱ nijan si̱ꞌantsjajo̱jnú nee̱.

Ndeuteronomio̱ 7:2

Ni̱xtjin nga Néná tsja̱ndiè nga jún xi ko̱ti̱xomájnúu̱ kui xota̱ na̱xi̱ńdaá, ngata̱ ni̱ma̱jín májnú, ti̱nde nga jmí ni ꞌbíndajo̱jínjnú, ¡ti̱ꞌankjie yejejnú!