Ndeuteronomio̱ 18:6 - Xo̱jo̱n eén Néná

⁶ »Tsi ngo chináꞌmii̱ xi ka̱mamejeén ko̱e̱je̱ ndiꞌandikoón Néná, kó tsi ku̱i̱ꞌíjñámasien na̱xi̱ńdáꞌniuú, ngata̱ ꞌbíchjájínjnúu̱.

Ndeuteronomio̱ 18:6 ပူးပေါင်းရင်းမြစ်များ

Xo̱jo̱n Salmoo̱ 26:8

Ji Ne, achichí tsjána ndiꞌa nínga tindyin ji, ko̱jo ki̱a̱ ngi̱ndie nínga boke ji kjo̱a̱jèe̱.

Xo̱jo̱n Salmoo̱ 27:4

Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 84:10

Ngatꞌa̱ ta̱sá nda ngase nga ngo ni̱xtjin kotíjña̱ an na̱ngo̱xi̱i̱, ta̱bo̱a̱jiín tsi ngo mi̱ ni̱xtjin kjin kotíjña̱ñaa. Ta̱sá kjo̱a̱ꞌajin an nga ki̱a̱ kotíjña̱ an nga̱ntjo̱a̱ Ndiꞌaa̱ Néna, ta̱bo̱a̱jiín nga ki̱a̱ kotíjña̱ an ndiꞌaa̱ nínga ndajín kjima.

Xo̱jo̱n Salmoo̱ 84:5

¡Achichíra̱tsjaa̱ kui nda̱ xi ji boeꞌée̱ ngaꞌniú, kui xi ngayeje ini̱ma̱a̱ nga ki̱a̱ ko̱e̱je̱ ndi̱yàa̱!

Ndeuteronomio̱ 12:5

»Néná kjo̱a̱ꞌájin ngo ngi̱ndie nínga kꞌuijñá nga kꞌuijñájinjnú kuí, kó ki̱a̱ boá nínga kongínjnú tsi̱ꞌe̱ nga si̱ꞌantsjajnúu̱, nga xꞌi̱a̱jnú kjo̱a̱tjó xi kꞌuitíjnú nganda tsi̱ꞌe̱. Kó ti̱ ki̱a̱a̱ chjiéngá kongínjo̱jnú tie nga úchaán ngayeje ni xi si̱ꞌánjnú, ko̱jo chji̱e̱ xi ngayeje ini̱ma̱jnú nga si̱ꞌankꞌasꞌienjnú, ko̱jo ndí xí tjoón cho̱yojojnú, ko̱jo cho̱tsa̱nga̱jnú, ko̱jo kje̱ꞌe ngase kjo̱a̱tjó xi kiꞌmíyatjónjnú nga ko̱e̱ꞌéjnúu̱.

Ndeuteronomio̱ 16:2

»Ni̱xtjin tjoón sꞌué paskuaa̱, nga jñoó, chjiéngá kongínjnú ki̱a̱ ndiꞌandikoón, kó ngo cho̱yojo, ko̱jo ngo cho̱tsa̱nga̱ ti̱ꞌankꞌasꞌiénjnúu̱ Néná. Ngata̱ ki̱a̱jín na̱xi̱ńdáꞌniú xi tsja̱ajnú Néná niꞌánkꞌasꞌiénjnú kui cho̱o̱, chjiéngá ta̱ ki̱a̱ tsí ndiꞌandikoón ti̱ꞌankꞌasꞌiénjnú, kó nga kjimajñoó boá nga ti̱ꞌánjnú kui nii̱, ngatꞌa̱ bo̱a̱ chon nga jatjojnú nangi Ejipto̱. Ka̱má xi̱ni̱e̱jnú yojoo̱ kui cho̱o̱, ta̱nga ta̱ pan xi jmí nisanjiín tsí xi ka̱ma xi̱ni̱e̱tꞌajo̱jnú, kó ka̱májín chií si̱ꞌankꞌangíjnú tsi̱ꞌe̱ kamángindyiojón. Chjiéngá xi̱ni̱e̱ yejejnú. »Ngo xomana̱ ndo̱jò ndójo̱ nga ka̱ma kui sꞌueé. Ngayeje kui ni̱xtjii̱n ta̱ pan xi jmí nisanjiín tsí xi ka̱ma xi̱ni̱e̱jnú, xikoó xi kichiniejnú kui ni̱xtji̱e̱e̱n, kjiꞌanga xi tsá xi boaꞌa jatjojnú ki̱a̱ nangi Ejipto̱. Kui paa̱n, kuí boá xi “paa̱n kjo̱a̱ni̱ma̱” kꞌuin. Ngatsjéni̱xtjin nga xi̱ni̱e̱jnú, chjiéngá kjo̱a̱ꞌátsjienjnú kui kjo̱a̱ni̱ma̱ xi ikitjajinjnú ki̱a̱ nangi Ejipto̱, ko̱jo kótsꞌèn jatjojnú kui ngi̱ndiee̱. Ngayeje kui xomana̱ nga ka̱ma kui sꞌueé, nde ka̱májín chií nisan chjiéngá kꞌuié ngayeje kui na̱xi̱ńdaá. »Nga kamángindyiojón, ngije kiniꞌánchjánjnú ko̱jo ngije kichiniejnú kui cho̱ xi kiniꞌánkꞌasꞌienjnúu̱ Néná, ka̱ma kongín nginíjnú ndiꞌajnú.

Ndeuteronomio̱ 18:7

Ta̱sá tasíko̱jojnú tsi̱ꞌe̱ nga kjo̱chó ko̱jo nga sa̱ꞌínkjatjosón xaá, xikoó já xkjín xí ngasee̱ xi je ki̱a̱ ndyi̱tsꞌènxá ki̱a̱ ndiꞌandikoón.

1 Timoo̱ 3:1

Én xí maꞌniátakón boá xi̱ꞌbi̱: Tsi tjín xí mejeén nga kui xi ngito̱ko̱o̱ na̱ngo̱xi̱i̱ ka̱ma, ndakjíꞌí xá xí mejeén sa̱ꞌín.

1 Xo̱jo̱o̱n Peé 5:2

Chónjnú xota̱ na̱ngo̱xi̱ xi Néná katsꞌénkꞌindájnú xikoó ngo nda̱ xi koo̱n cho̱tsa̱nga̱a̱, chónjnú, kó jmí tsi kjo̱a̱ꞌniú nga bo̱a̱ si̱ꞌánjnú, ta̱sá ngayeje takónjnú, xikótsꞌèn mejeén Néná, jmí tsi kjo̱a̱a̱ kjo̱a̱xkéto̱n, ta̱sá kjo̱a̱a̱ nga tsja májnú nga niꞌánjnú kui xaá.