Ndeuteronomio̱ 18:22 - Xo̱jo̱n eén Néná

²² Tsi kui nda̱ chji̱ni̱e̱ꞌe̱én ngo ni ka̱tso̱yà, kó tsi kjo̱tjosónjín ni xi katsó, kuí boá kui nii̱ xi ngo chi̱bo̱a̱ ka̱ma nga Nénájín xi katsangiya. Kui nda̱ chji̱ni̱e̱ꞌe̱én ta̱ nda̱ nkꞌakon boá, kó ni tsi̱ꞌe̱ boá xi chji̱a̱, kó jún ngata̱ ndakonjínmájnú».

Ndeuteronomio̱ 18:22 ပူးပေါင်းရင်းမြစ်များ

Énkjínkón 26:2

Xikó maá ngo ni̱sie ngorrio̱n xi tsoꞌbá kichajá, ko̱jo xi tsi xikó maá ngo ni̱siestsé xí jmíjiín ndo̱bo̱a̱, bo̱a̱ má tsꞌén ni xi ꞌniú ndajiín nde kjo̱chójín tsí jmí kjo̱a̱jín nga kjo̱chó.

Jonaa̱ 3:4

Kó tsꞌasꞌien Jonaa̱ na̱xi̱ńdáꞌniuú, kó nga ngo ni̱xtjii̱n nga askjandáyaá xotaa̱ nga bi̱ katsoó: «¡Ngotꞌe̱ yichán ni̱xtjii̱n, Néná sa̱ꞌínkjié kui na̱xi̱ńdáꞌniuú!»

Jonaa̱ 4:2

Kó achichí xtií nga bi̱ katsoó Néná: —¡Ja̱ bo̱a̱ jè bo̱a̱ kixian an Ne, ja̱bo̱a̱ jè bo̱a̱ kixian an! Bo̱a̱ má kiniꞌín ji ni xi katsꞌenkjó án nga si̱ꞌin ji nga kisꞌijña an nangina. Kuíni nga kamámejénna nga kjinnii̱ nínga tindyin ji tsanga an. »Jè be an nga achichí nda ji xota̱ Ne, nga ma ni̱ma̱a̱ ngayeje xotaa̱, ko̱jo nga achichí niꞌin kjiꞌi nga si̱ꞌinxchín jí. Achichí tsie kjo̱a̱tjó tjiín, nga kjiꞌanga sa̱ꞌinjée̱ xotaa̱ se ji, jaskan bosíkje nginí ji ni xi kandokjo̱e̱, kó bo̱a̱jín niꞌínje̱ ji ngijee̱.

Ndeuteronomio̱ 18:20

»Tsi ngo xota̱ kjo̱tjokjá xi bo̱a̱ ka̱tso̱ nga ngo eén Néná tsꞌényaꞌa, kó tsi nga ja̱koxi̱ Nénájín xi katsangiya, chjiéngá si̱ꞌankꞌiénjnú. Ti̱ bo̱a̱ ti̱ ti̱ꞌanjo̱jnú ta̱ꞌya xota̱ chji̱ni̱e̱ꞌénní xi kji̱ndi̱bá nga eén kje̱ꞌe ne ndyi̱yaꞌa nga.

Ndeuteronomio̱ 18:21

»Kó ngotꞌe̱ ꞌne̱, tsi jún bosíyájnú kótsꞌèn xcha̱ tsi ngo xota̱ yaꞌa ko̱jo tsi yaꞌajín ngo én xí Néná katsjaá. Kui kjo̱a̱botíxomaa̱ tangíntji̱ngíjnú: