Ndeuteronomio̱ 18:18 - Xo̱jo̱n eén Néná

¹⁸ »Néná boá xi kjo̱a̱ꞌájin kui nda̱ chji̱ni̱e̱ꞌe̱én ngi̱jii̱n xota̱ na̱xi̱ńdaá. Kó ngo xota̱ xi tsa̱ñá ka̱ma, kó ti̱ bo̱a̱ ti̱ sa̱ꞌín xikótsꞌen an ngotꞌe̱, ka̱tso̱yàjnú ngayeje én xí Néná mejeén ka̱tso̱jnú.

Ndeuteronomio̱ 18:18 ပူးပေါင်းရင်းမြစ်များ

Xo̱jo̱n Salmoo̱ 110:4

Néná jè katsjá tsꞌoa, kó sa̱ꞌínkjatjosón eén: «Jí boá xi chináꞌmi ji ngatsjéni̱xtjin, xikoó xi kamá Melkisendee̱k».

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Éksondo̱ 4:12

Ngotꞌe̱ ꞌne̱, tꞌen ji nangi Ejipto̱, ngatꞌa̱ án boá xi kosiko̱joo nga nda ko̱ndókjo̱e̱ ji, kó án boá xi xiyaá mí ni xi ko̱ndókjo̱e̱ ji.

Éksondo̱ 4:15

Ndókjo̱e̱je ji Aaroo̱n, kó tꞌíyée̱ ngayeje ni xi je kixiaan, tsi̱ꞌe̱ nga kui xi ku̱i̱chji̱a̱jo xota̱ na̱xi̱ńdaá ngajo tse̱, xikó maá tsi ji xi tindokjo̱e̱, xikótsꞌèn ji ndokjo̱e̱je ji xikó maá tsi an xi tsꞌénchji̱a̱ an, kó an kosiko̱jójnúꞌun nga ko̱ndókjo̱a̱jnú ko̱jo kokojnúꞌun ni xi si̱ꞌánjnú.

Xki̱ 12:13

Kósꞌe̱ Moisee̱ tsíꞌaá Néná nga ka̱mandaya na̱ Riyaa̱,

Xki̱ 23:16

Kó Néná jatjokjaà Balaa̱n, kó kui eén katsjaá: «Tꞌen nginí ji nínga tikón Balaa̱k, kó tꞌíyée̱ nginíi̱ kui én xi je katsjaa».

Xki̱ 23:5

Kósꞌe̱ Néná katsjaá kui eén Balaa̱n: —Tꞌen nginí ji nínga tikón Balaa̱k, kó ndókjo̱e̱je ji kui én xí je katsjaa.

Rkaa̱ 24:19

Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Juaa̱ 1:21

Kó bi̱ kiꞌmií nga akasíyaá: –Ja̱, a jí xí Eliyaa̱ ji tsobo̱a̱. Kó bi̱ katsó Juaa̱: –Jmí, ánjín bo̱a̱. Sꞌe̱ bi̱ tsꞌén akasíyá nginií: –A jí xí chji̱ni̱e̱ꞌe̱én Néná jí. Sꞌe̱ bi̱ katsó. –Jmí.

Juaa̱ 1:25

Kó asíyaá Juaa̱, nga bi̱ katsoó: –Ja̱ kó míkjo̱a̱a̱ nga botíndé jí, tsi jijín xi Kristoo̱, tsi jijín xi Eliyaa̱, ti̱nde jijín xi ngo nda̱ chji̱ni̱e̱ꞌe̱én Néná xi kjo̱e̱ꞌe̱é.

Juaa̱ 1:45

Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 12:48

Xi sa̱ꞌínchꞌóna, kó sa̱ꞌínjo̱ꞌojín énna, jè tikoón xi ko̱tíjeé, én xí je tsíchji̱a̱ an, kuí xí ko̱tíjeé nga kjo̱chó ni̱xtjin nga kju̱i̱e̱tꞌaa̱.

Juaa̱ 15:15

Ngiti̱ moso̱jín xiánjnúꞌun, ngatꞌa̱ mosoo̱ bejín ni xi tsꞌén ndi̱a̱ xi tsi̱ꞌe̱, ta̱nga amingo̱ kixianjnúꞌun, ngatꞌa̱ ngayeje ni xi katsóyàna Na̱ꞌmina, jè kixiyajnúꞌun.

Juaa̱ 17:18

Xikó tsꞌén kanangiyení kui nga̱sondiee̱, ti̱ bo̱a̱ ti̱ tsꞌén katsangiya an kui xotaa̱, kui nga̱sondiee̱,

Juaa̱ 17:8

Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 4:25

Sꞌe̱ bi̱ katsó kui xota̱chjo̱on: –Jè be an nga sꞌe̱ ndibá Mesiyaa̱, kui xi Kristo̱ ꞌmií, kó kjiꞌanga kjo̱e̱ꞌe, kuí xí ka̱tso̱yàjne̱ ngayeje nii̱.

Juaa̱ 8:28

Kó kuíni nga Kjisoo̱, bi̱ katsoó: –Kjiꞌa ngije chjanínkꞌájnú ndií nda̱ xi̱ꞌii̱n, kjiꞌa xcha̱jnú nga an, kó nga ni xi akóyána Na̱ꞌmina xí chjiá an, jmí tsi ni xi an so̱bo̱a̱ mejénna tsꞌen an.

Ni xi kamá 3:22

Ngatꞌa̱ Moisee̱ bi̱ katsoó xota̱ xi xcháná: “Kuí Néná xi Ndi̱a̱ná xi kjo̱a̱ꞌájin ngi̱jii̱n ntsꞌiejnú ngo nda̱ chji̱ni̱e̱ꞌe̱én Néná xikoó án, kuí boá xi ndaꞌyájnúu̱ ngayeje ni xi ku̱i̱chji̱a̱.

Ni xi kamá 7:37

Kó ti̱kuíní kui Moisee̱, xi bo̱a̱ katsoó xota̱ Israee̱l: “Néná kui xi Ndi̱a̱ná sa̱ꞌínkjastjíe̱n ngi̱jii̱n ntsꞌiejnú ngo chji̱ni̱e̱ꞌe̱én xikoó an.”

Ndeuteronomio̱ 18:15

»Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.

Ndeuteronomio̱ 33:5

Kó jún ko̱jo xi ngito̱ko̱jnú, kamáyàndikónjnú Néná nga kui xi ree̱jnú».

Ndeuteronomio̱ 34:10

Jmí ni̱xtjin kisꞌie ingo nda̱ chji̱ni̱e̱ꞌén xí xikoó Moisee̱, kui nda̱ xi tíkje̱n tíkje̱n tsíchji̱a̱jo Néná.

Ndeuteronomio̱ 5:5

Án boá xi kamá an chji̱ni̱e̱ꞌe̱én Néná, kó an kixiyajnúꞌun ni xi katsó Néná, ngatꞌa̱ jún kandakonnijnú ndiꞌií, kuíni nga tsangínjínjnú ki̱a̱ na̱xi̱i̱, kó ki̱a̱ boá nínga Néná bi̱ katsó:

1 Timoo̱ 2:5

Ngatꞌa̱ ta̱ ngo tsí má Néná, kó ta̱ ngo tsí má xi chji̱a̱tjená ñá ngindyi̱ko̱n Néná, kó kuí boá xi Kristo̱ Kjisoo̱, kui xi xota̱ nga̱sondie boá nga.

Xota̱ Ebreo̱ 7:22

Kuíni nga Kjisoo̱ boá xi bokóná nga Néná katsꞌén ngo kjo̱a̱ꞌbínda tja̱tsi̱e̱ xi nda ngase.