Ndeuteronomio̱ 18:15 - Xo̱jo̱n eén Néná

^15-17 »Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.

Ndeuteronomio̱ 18:15 ပူးပေါင်းရင်းမြစ်များ

Xki̱ 12:6

Néná bi̱ katsoó nga jaán: «Nda má tasiénijónjnúꞌun. Ánní nga ma kon takónjnú nga chꞌo tsꞌén ndyi̱ndokjo̱a̱taꞌínjnú Moisee̱. Jè yàjnú jún nga kjiꞌanga tjín ni xi xiyàjnúꞌun, kjiꞌanga ngo chji̱ni̱e̱ꞌén tsꞌénkjién án, kuí boá kui chji̱ni̱e̱ꞌe̱én xi chjiájo an nga bokóo̱ ngo ni, ko̱jo tsi ngi̱jin ńjñaá chjiájo an. Ta̱nga Moisee̱, kuí boá xi ta̱nisién ꞌniáko̱n an ngi̱jii̱n ngayeje xota̱ xi tsꞌénxátꞌana, kó tíkje̱n tíkje̱n chjiájo an kui. Kó kuí boá xi xiya cha̱n cha̱a̱n nii̱, kó tsjandiè an nga be kje̱n án».

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 21:11

Kó xota̱ kjiín, bi̱ katsó: –¡Kjisoo̱, nda̱ chji̱ni̱e̱ꞌe̱én Néná boá, nda̱ xi chji̱a̱ni na̱xi̱ńdáꞌniú Nasaree̱t, nangii̱ Ngalilea̱!

Rkaa̱ 10:16

Kui xi ku̱i̱ntꞌièjnú jún, ndyi̱ntꞌièna án nga, kó xi sa̱ꞌínchꞌójnú jún, ti̱ tjítsꞌénchꞌóna an nga, kó xi tjítsꞌénchꞌóna an, tjítsꞌénchꞌó kui Néná xí katsangiyana nga.

Rkaa̱ 2:25

Kó ki̱a̱ na̱xi̱ńdáꞌniú Jerusale̱n kisꞌijña ngo nda̱ xi ꞌmí Simeoo̱n xi tikónjii̱n A̱si̱énni̱xtjii̱n Néná, ngo nda̱ xi kixi̱ ko̱jo xi ni̱ma̱takón kamá, xi tsꞌénkoyaa̱ nga Néná kꞌo̱xiéꞌá xota̱ Israee̱l,

Rkaa̱ 2:32

kui xi xikoó ngo ndiꞌí xí sa̱ꞌíntsijee̱n xota̱ xi jundío̱jín, kui xi ka̱ma kjo̱a̱jee̱ xota̱ na̱xi̱ńdáa̱ Israee̱l.

Rkaa̱ 24:19

Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Rkaa̱ 7:16

Kó ngayeje xotaa̱ katsakjónní, sꞌe̱ katsjaá kjo̱a̱je Néná, nga bi̱ katsó: –Ngo nda̱ chji̱ni̱e̱ꞌe̱én Néná xí ꞌniú nkꞌa xaá jatjojinná. Kó tjín xi bi̱ katsó: –Néná jè kjoeꞌekoón xota̱ na̱xi̱ńdá xí tsi̱ꞌe̱.

Rkaa̱ 9:35

Kó ngi̱jii̱n kui ṉdi̱i̱ kandaꞌyá ngo nda̱, xi bi̱ katsó: –¡Kuí xi̱ꞌbi̱ xi ndí tjóna xi jaꞌajin an, kui ndaꞌyájnúu̱!

Juaa̱ 1:21

Kó bi̱ kiꞌmií nga akasíyaá: –Ja̱, a jí xí Eliyaa̱ ji tsobo̱a̱. Kó bi̱ katsó Juaa̱: –Jmí, ánjín bo̱a̱. Sꞌe̱ bi̱ tsꞌén akasíyá nginií: –A jí xí chji̱ni̱e̱ꞌe̱én Néná jí. Sꞌe̱ bi̱ katsó. –Jmí.

Juaa̱ 1:25

Kó asíyaá Juaa̱, nga bi̱ katsoó: –Ja̱ kó míkjo̱a̱a̱ nga botíndé jí, tsi jijín xi Kristoo̱, tsi jijín xi Eliyaa̱, ti̱nde jijín xi ngo nda̱ chji̱ni̱e̱ꞌe̱én Néná xi kjo̱e̱ꞌe̱é.

Juaa̱ 1:45

Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 4:19

Sꞌe̱ bi̱ katsó kui xota̱chjo̱on: –Ndi̱a̱, bee̱ko̱n an nga xota̱ chji̱ni̱e̱ꞌe̱én Nénárá ji.

Juaa̱ 6:29

Sꞌe̱ Kjisoo̱, bi̱ katsó: –Kuí xi̱ꞌbi̱ xi xaá Néná, nga si̱ꞌansꞌijinjnú kui xi katsangiya kui.

Juaa̱ 9:17

Sꞌe̱ ti̱ bi̱ ti̱ kiꞌmí nginií nda̱ xi kamáti̱ka̱a̱: –Kó se ji kjo̱a̱a̱ nda̱ xi katsꞌéntsijee̱n ndyikin. Kó bi̱ katsó kui nda̱ xi kamáti̱ka̱a̱: –Nda̱ chji̱ni̱e̱ꞌe̱én Néná boá.

Ni xi kamá 7:37

Kó ti̱kuíní kui Moisee̱, xi bo̱a̱ katsoó xota̱ Israee̱l: “Néná kui xi Ndi̱a̱ná sa̱ꞌínkjastjíe̱n ngi̱jii̱n ntsꞌiejnú ngo chji̱ni̱e̱ꞌe̱én xikoó an.”

Ndeuteronomio̱ 34:10

Jmí ni̱xtjin kisꞌie ingo nda̱ chji̱ni̱e̱ꞌén xí xikoó Moisee̱, kui nda̱ xi tíkje̱n tíkje̱n tsíchji̱a̱jo Néná.

Ndeuteronomio̱ 5:5

Án boá xi kamá an chji̱ni̱e̱ꞌe̱én Néná, kó an kixiyajnúꞌun ni xi katsó Néná, ngatꞌa̱ jún kandakonnijnú ndiꞌií, kuíni nga tsangínjínjnú ki̱a̱ na̱xi̱i̱, kó ki̱a̱ boá nínga Néná bi̱ katsó:

1 Timoo̱ 2:5

Ngatꞌa̱ ta̱ ngo tsí má Néná, kó ta̱ ngo tsí má xi chji̱a̱tjená ñá ngindyi̱ko̱n Néná, kó kuí boá xi Kristo̱ Kjisoo̱, kui xi xota̱ nga̱sondie boá nga.

1 Xo̱jo̱o̱n Juaa̱ 3:23

Nga si̱ꞌansꞌijin Jesukristoo̱, kui xi ndií Néná, ko̱jo nga si̱ꞌantjó ja̱kꞌi̱e̱ ja̱ngaján xingi̱ xikótsꞌèn íjñá Néná nga si̱ꞌán, kuí bí kui nii̱ xi kjo̱a̱botíxomaa̱ Néná.