Ndeuteronomio̱ 17:8 - Xo̱jo̱n eén Néná

⁸ »Tsi ni xi niꞌin ngase, xikoó kjiꞌanga ngo xota̱ sa̱ꞌínkꞌién kje̱ꞌe xota̱, ko̱jo tsi kjiꞌanga ngo nínga ikixkán kisꞌie xota̱ xi kamáꞌoón, chjiéngá ndiꞌandikoón ko̱e̱je̱.

Ndeuteronomio̱ 17:8 ပူးပေါင်းရင်းမြစ်များ

Éksondo̱ 18:15

Kó Moisee̱ bi̱ katsoó chiꞌyaá: —Kꞌi̱e̱ foeꞌekónna xota̱ Israee̱l kjiꞌanga ngo kjo̱a̱xti tjiín ko̱jo kje̱ꞌe xota̱. An foeꞌetsáyána kui kjo̱a̱xtii̱, tsi̱ꞌe̱ nga Néná xí ka̱tso̱yà ꞌyání xi tjiín ngakixi̱ kjo̱a̱a̱ kui nii̱. Kó án boá xi xiyàa̱ ni xi tsó Néná, kó bokoyáa̱ kjo̱a̱botíxomaa̱ ko̱jo kjo̱a̱kitii̱ Néná.

Éksondo̱ 18:26

Kó kui jaá ngatsjéni̱xtjin nga katsꞌénseén kjo̱a̱xtii̱ xotaa̱, ni xi ꞌniújín niꞌin, kó Moisee̱ íjñaá ni xi ꞌniú niꞌii̱n, tsi̱ꞌe̱ nga kui sa̱ꞌíndajin.

Éksondo̱ 21:20

»Tsi tjín xí ngo yá ko̱ꞌon moso̱ xi stiñaá tsi chjo̱on ko̱jo tsi xi̱ꞌin, kó tsi ti̱ kjiꞌaa̱ kꞌien, chjiéngá ka̱majeé kjo̱a̱a̱ kui ini̱ma̱ xi katsꞌénkꞌieén.

Éksondo̱ 21:22

»Tsi kjín já xí skja̱n xtín, kó tsi ngo na̱ xi yaꞌa ndí sa̱ꞌínꞌoón, kuí nii̱ xi ka̱ma si̱ꞌan: Tsi jmí ni kamájiín kui naa̱, ta̱nga tsi stse̱n xtió ndií, kó ko̱yà, kui xi bo̱a̱ katsꞌeén chjiéngá ku̱i̱ꞌíchjií xi̱ꞌii̱n kui naa̱ xikó kjiꞌi ku̱i̱ꞌa, ta̱nga chjiéngá nendiꞌamasiee̱n skósoón nga ndakjiꞌi chjí xí ku̱i̱ꞌaa̱.

Éksondo̱ 21:28

»Tsi ngo cho̱yojo toro̱ tamá sa̱ngií ndi̱ja̱a̱ tsi ngo xi chjo̱on ko̱jo tsi ngo xi xi̱ꞌin, kó tsi ko̱yà, chjiéngá ndi̱jo̱ kjoyá nga si̱ꞌankꞌienni kui cho̱yojoo̱, ta̱nga ka̱májín xi̱ni̱e̱ yojoo̱. Kó ndi̱a̱a̱ kui cho̱yojoo̱ ka̱majéjiín.

Éksondo̱ 22:2

Kó tsi kui cho̱ xi kiniꞌánchejeé ta̱kó tikón ngi̱ya tsja xi katsꞌénchejeé, kui chejeé chjiéngá jó cho̱ tsja̱á ngajoo̱ xi tsi̱ꞌe̱ kui cho̱o̱. Ngayeje xi sa̱ꞌínchejé, chjiéngá ku̱i̱ꞌíchjí xikó kjiꞌi chjií kui cho̱o̱. Tsi ka̱májiín ku̱i̱ꞌíchjí, chjiéngá sti̱ñá kui chejeé xikoó ngo moso̱ xi stiñá, tsi̱ꞌe̱ nga ka̱machjí kuí cho̱ xi katsꞌénchejé. »Tsi ngo nda̱ xi tikoón ngo ngi̱ndie sku̱i̱e̱ nga ngo xi tjítsꞌénchéjeé nga jñoó, kó tsi sa̱ꞌínkꞌién, jmí jé kꞌuiéjiín. Ta̱nga tsi nga ni̱xtjii̱n nga sku̱i̱e̱ kui xi tjítsꞌénchéjeé, kó tsi sa̱ꞌínkꞌién, tjínrií jé.

Éksondo̱ 22:8

Tsi tsanga xi katsꞌénchejeé, kui nda̱ xi tsi̱ꞌe̱ ndiꞌa nínga kachjaꞌátjó kui nii̱, chjiéngá kongínjo̱ na̱ngo̱xi̱i̱, kó ngindyi̱ko̱n Néná ka̱tso̱yà nga kuijín xi yeꞌé tsja kui nii̱.

Xki̱ 35:11

Jun na̱xi̱ńdáꞌniú ku̱i̱ꞌíjñátꞌaxín tsi̱ꞌe̱ nga ki̱a̱ kꞌuíndo xota̱ xi jmí tsi xá katsꞌénkꞌiénni ngo xota̱. Ján kui na̱xi̱ńdáꞌniuú xi kꞌuíndo xi ingoboaá ndejèꞌ Jorndaa̱n, sꞌe̱ ján kꞌuíndo ki̱a̱ nangi Kanaa̱n. »Kjiꞌanga ngo xota̱ jmí tsi xá sa̱ꞌínkꞌiénni ingo xota̱, tsi xota̱ Israee̱l, ko̱jo tsi xota̱ xi xín nangi chji̱a̱ni, ko̱jo tsi xota̱ xi ta̱ ngotjón jachókꞌíjñá tsi ki̱a̱a̱, ka̱ma ko̱nga, kó ki̱a̱ ka̱ma kꞌuijñá ngo kui na̱xi̱ńdáꞌniuú, tsi̱ꞌe̱ nga jmí ni si̱ꞌanjo̱jín. Kó bo̱a̱ tsꞌén nga kui xi katsꞌénkꞌieén, skoón yojoo̱ tsi̱ꞌe̱ nga ngojín xkjín kui xi kiniꞌánkꞌieén sa̱ꞌíngojo tsi̱ꞌe̱ nga sa̱ꞌínkꞌién nga. Ta̱nga kjiꞌanga kui xotaa̱ kjo̱chó kui na̱xi̱ńdá nínga ma mindyionꞌmaá, xota̱a̱ kui ngi̱ndiee̱ chjiéngá sa̱ꞌíndajin máraa̱ tsi nda ko̱jo tsi ndajín katsꞌén, sꞌe̱ jaskan bo̱a̱ ka̱tso̱ tsi kꞌuijñá ko̱jo tsi ko̱yà. Chjiéngá si̱ꞌankꞌien xota̱ xi katsꞌén kui jé xi̱ꞌbi̱:

Xki̱ 35:16

»Kui xi ngo ni xi ki̱cha̱ katsꞌénkꞌiénni ngo xota̱.

Ndeuteronomio̱ 12:5

»Néná kjo̱a̱ꞌájin ngo ngi̱ndie nínga kꞌuijñá nga kꞌuijñájinjnú kuí, kó ki̱a̱ boá nínga kongínjnú tsi̱ꞌe̱ nga si̱ꞌantsjajnúu̱, nga xꞌi̱a̱jnú kjo̱a̱tjó xi kꞌuitíjnú nganda tsi̱ꞌe̱. Kó ti̱ ki̱a̱a̱ chjiéngá kongínjo̱jnú tie nga úchaán ngayeje ni xi si̱ꞌánjnú, ko̱jo chji̱e̱ xi ngayeje ini̱ma̱jnú nga si̱ꞌankꞌasꞌienjnú, ko̱jo ndí xí tjoón cho̱yojojnú, ko̱jo cho̱tsa̱nga̱jnú, ko̱jo kje̱ꞌe ngase kjo̱a̱tjó xi kiꞌmíyatjónjnú nga ko̱e̱ꞌéjnúu̱.

Ndeuteronomio̱ 19:17

ja̱ kui chistikoo̱ ko̱jo kui xi tjifongítaꞌii̱n chjiéngá ndiꞌandikoón ko̱e̱je̱, kó ki̱a̱ ngatjí ngindyi̱ko̱n já chináꞌmii̱ ko̱jo nendiꞌamasiee̱n.

Ndeuteronomio̱ 21:5

»Kjiꞌanga ka̱ma kui nii̱, chjiéngá ki̱a̱ ko̱e̱je̱ chináꞌmii̱. Néná boá xi jaꞌájin nga kui xi kꞌuíndotjoón nga si̱ꞌantsjaa̱ Néná, ko̱jo nga kuí boá xi sa̱ꞌínchikonñé xota̱ na̱xi̱ńdaá nga sa̱ꞌínkjién jaꞌeén Néná, ko̱jo nga kuí boá xi ka̱tso̱yà nga fetꞌa, mí ni xi si̱ꞌan kjiꞌanga tjín ngo kjo̱a̱se, ko̱jo tsi ngo kjo̱a̱xti.

Ndeuteronomio̱ 25:1

»Ngayeje xi kꞌuieé ngo kjo̱a̱xti ngi̱jinjnú, chjiéngá ngindyi̱ko̱n jáxaá kongínjo̱, tsi̱ꞌe̱ nga kui jáxaá xi bo̱a̱ ka̱tso̱ ꞌyání xi tjiín jé, kó ꞌyání xi jmíjéjiín.