Ndeuteronomio̱ 17:5 - Xo̱jo̱n eén Néná

⁵ tangínjo̱jnú kui xotaa̱ ngindyi̱ko̱n xota̱xá xí tikón ngi̱ndie nínga botíjeé ki̱a̱ na̱xi̱ńdáꞌniuú, kó kuí boá kui jáxaá, xi bo̱a̱ ka̱tso̱ nga ndi̱jo̱ si̱ꞌankꞌienni.

Ndeuteronomio̱ 17:5 ပူးပေါင်းရင်းမြစ်များ

Joo̱b 31:28

Tsi bo̱a̱ katsꞌen an, ngora̱ jé xí ta̱nisién je xi katsꞌen an, ngatꞌa̱ kondraa̱ Nénárá kisꞌijña an tsobo̱a̱.

Éksondo̱ 22:19

»Ta̱ꞌya xota̱ní xi chꞌo sa̱ꞌínjo̱ kjo̱a̱ꞌniú ngo cho̱, chjiéngá ko̱yà.

Lebitiko̱ 20:2

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Tsi ngo xota̱ Israee̱l ko̱jo tsi ngo xota̱ xi xín nangi xi tikón kui na̱xi̱ńdaá, xi ndií sa̱ꞌínkjién nga sa̱ꞌínkꞌasꞌiee̱n ngo kjo̱a̱tjó ne Moloo̱k, chꞌo ka̱mana kui nii̱, kó xi bo̱a̱ katsꞌeén chjiéngá an skjánjo̱na, ngatꞌa̱ jè ngiti̱ kamábendikónjín ndiꞌandikónna. Chjiéngá ko̱yà xí bo̱a̱ katsꞌeén, kó sa̱ꞌinkjiéni an ngi̱jii̱n xota̱ na̱xi̱ńdána.

Lebitiko̱ 24:14

«Kjo̱a̱a̱ nga chꞌo katsóna kui nda̱a̱, kuíni nga chjiéngá ko̱ꞌna̱xié ji ki̱a̱ nínga síndo ndiꞌaa̱ xotaa̱. Ngayeje xota̱ xi tsintꞌié nga chꞌo katsóna chjiéngá tsja ku̱i̱ꞌíjñasoón to̱ko̱, sꞌe̱ jaskan ndi̱jo̱ ngatꞌaya nga sa̱ꞌínkꞌién kui nda̱a̱.

Ndeuteronomio̱ 13:5

Kó kjo̱a̱a̱ kui chji̱ni̱e̱ꞌén ndísoó, chjiéngá ti̱ꞌankꞌiènjnú, ngatꞌa̱ kuí boá xi tjítsꞌén nga jún ngiti̱ ko̱nda̱ꞌyáꞌénjínjnúu̱ Néná katsaki. Kó bo̱a̱ tsꞌén nga si̱ꞌankjiejnú kui ni xi ndajín xi tikónjinjnú. Néná boá xi katsꞌéndéjnú jún kjiꞌanga moso̱ ka̱majnú ki̱a̱ nangi Ejipto̱, kuíni nga ta̱kuítsí xi chjiéngá ko̱nda̱ꞌyáꞌénjnúu̱.

Ndeuteronomio̱ 17:4

Kjiꞌanga xcha̱jnú nga tjín xota̱ xi ndyi̱tsꞌèn kuí nii̱, tjón mára nda ti̱ndyi̱séndi̱yàjnú tsi ja̱koxi̱ kui nii̱. Kó tsi ja̱koxi̱ nga kui jé xí ta̱nisién chꞌokjiꞌii̱ tjítsꞌén,

Ndeuteronomio̱ 21:21

»Ngije bo̱a̱ katsó, ngayeje xota̱ xi síndo kui na̱xi̱ńdáꞌniuú ndi̱jo̱ kꞌo̱ya nga sa̱ꞌínkꞌiénni kui ndí xí kitikjo̱a̱a̱. Bo̱a̱ tsꞌén nga jmí ni xi ndajín kꞌuiéjín ki̱a̱ na̱xi̱ńdá Israee̱l, ngatꞌa̱ ngayeje xotaa̱ stsa̱kjonní nga ni xi ndajín sa̱ꞌín».

Ndeuteronomio̱ 22:21

já xí chji̱a̱ni kui na̱xi̱ńdáꞌniuú nga tꞌaxiéni ndiꞌaa̱ na̱ꞌmii̱, kó ki̱a̱ ngatꞌaya ndi̱jo̱ nga sa̱ꞌínkꞌién. Kuí nii̱ xi tsoboaá nga ka̱maa̱ ngo xota̱ xi ndajín tsꞌén ki̱a̱ na̱xi̱ńdá Israee̱l, ko̱jo nga ta̱ngatꞌanii̱ kui nga ngo xtín xota̱ xi kjo̱a̱soboá foaꞌa. Tsi kui nii̱ xi si̱ꞌánjnú, bo̱a̱ tsꞌén nga si̱ꞌanchajajnú ni xi ndajín ki̱a̱ na̱xi̱ńdájnú.