Ndeuteronomio̱ 17:12 - Xo̱jo̱n eén Néná

¹² »Chjiéngá si̱ꞌankꞌien tsi tjín jún xi ta̱ngatꞌanii̱ kjo̱a̱nkꞌatakoón nga sa̱ꞌínjo̱ꞌojín ni xi ka̱tso̱ nendiꞌamasiee̱n, ko̱jo tsi chináꞌmi xi mosoo̱ Néná. »Tsi si̱ꞌankjatjosónjnú kui kjo̱a̱botíxomaa̱, jmí ni xi ndajín kꞌuiéjín ki̱a̱ na̱xi̱ńdá Israee̱l,

Ndeuteronomio̱ 17:12 ပူးပေါင်းရင်းမြစ်များ

Xo̱jo̱n Salmoo̱ 19:13

¡Chje̱ꞌéxínní kjo̱a̱nkꞌakoo̱n nga! ¡Ngata̱ boeꞌéndièjín ji nga kui sa̱ꞌínna! Kósꞌe̱ kjiꞌá boá nga ngiti̱ sa̱ꞌinjéjín an, ko̱jo nga ngiti̱ jmí jé kꞌuiéjínna kjo̱a̱a̱ nga ta̱nisién ndajín katsꞌen an.

Énkjínkón 21:11

Kjiꞌanga niꞌánjeé xota̱ xi mojnókiee̱, xota̱ xi chi̱nii̱, xota̱ xi kjínkón má, kó kjiꞌanga niꞌánchji̱ni̱e̱ xota̱ xi kjínkoón, ta̱tra maa̱ ni xi bokoyaá.

Xki̱ 15:30

Ta̱nga tsi kui xotaa̱ je be ni xi mejénna, kó tsi xá katsꞌénjéní, kui xotaa̱, ndajín katsꞌén kondra̱na kó chjiéngá si̱ꞌankjie ngi̱jii̱n xota̱ na̱xi̱ńdána».

Matioo̱ 10:14

Kó tsi tjín káꞌá xota̱ xi sa̱ꞌínkjaꞌájínjnú nga kjóchójnú, kó tsi ku̱i̱ntꞌièjín énjnú, kjiꞌanga kjo̱tjojnú kui ndiꞌaa̱ ko̱jo tsi kui na̱xi̱ńdaá, tꞌítsaniejnú xa̱a̱ ndsa̱kojnú.

Rkaa̱ 10:16

Kui xi ku̱i̱ntꞌièjnú jún, ndyi̱ntꞌièna án nga, kó xi sa̱ꞌínchꞌójnú jún, ti̱ tjítsꞌénchꞌóna an nga, kó xi tjítsꞌénchꞌóna an, tjítsꞌénchꞌó kui Néná xí katsangiyana nga.

Juaa̱ 12:48

Xi sa̱ꞌínchꞌóna, kó sa̱ꞌínjo̱ꞌojín énna, jè tikoón xi ko̱tíjeé, én xí je tsíchji̱a̱ an, kuí xí ko̱tíjeé nga kjo̱chó ni̱xtjin nga kju̱i̱e̱tꞌaa̱.

Juaa̱ 20:23

Ngayeje xota̱ xi si̱ꞌanjetakónjnúu̱ jeé, Néná sa̱ꞌínjetakoón, kó ngayeje xota̱ xi si̱ꞌanjetakónjínjnúu̱ jeé, Néná sa̱ꞌínjetakónjiín.

1 Xota̱ Korinto̱ 5:13

Ngatꞌa̱ Néná xí bo̱a̱ ka̱tso̱ tsi nda ko̱jo tsi ndajínkjiꞌi ni xi ndyi̱tsꞌèn xota̱ xi na̱ngo̱xi̱i̱jín chji̱a̱ni, ta̱nga jún chjiéngá ku̱i̱yotjingíjnúu̱ kui nda̱jé xí ki̱a̱ tikónjinjnú.

Ndeuteronomio̱ 1:43

»Ta̱nga jún achichí chꞌokon kamájnú yojojnú, kó kiniꞌánsénjínjnúu̱ ni xi atíxoma Néná nga si̱ꞌan. Tsangínijíngíjnú na̱xi̱i̱ nga tsangínkixkánjo̱jnú xota̱ Amoo̱r, ta̱nga kui xotaa̱ askjanjo̱jnú, kó katsꞌénjnú. ¡Xikó maá xo̱ꞌbo̱e̱ nga tsangatji̱ngíjnú ngayeje nangi Seii̱r, ngaskande nangi Jormaa̱!

Ndeuteronomio̱ 10:8

»Ki̱a̱ boá nínga Néná jaꞌájin xota̱ tji̱e̱e̱ Lebii̱, tsi̱ꞌe̱ nga kui xi ko̱a̱ꞌa̱nijín koxa̱a̱ kjo̱a̱ꞌbíndaa̱ kjiꞌanga tjín nínga kjo̱jo, kui kjo̱a̱ꞌbínda xi katsꞌénjo̱jnú Néná. Kó kui xota̱ tji̱e̱e̱ xi kamá chináꞌmi nga kui xi kꞌuíndotjón nga si̱ꞌantsjaa̱ Néná ko̱jo nga kui xi sa̱ꞌínchikonñé xota̱ na̱xi̱ńdaá nga sa̱ꞌínkjién jaꞌeén Néná. Ngaskande ngotꞌe̱ kuí xaá xi tsꞌén,

Ndeuteronomio̱ 13:5

Kó kjo̱a̱a̱ kui chji̱ni̱e̱ꞌén ndísoó, chjiéngá ti̱ꞌankꞌiènjnú, ngatꞌa̱ kuí boá xi tjítsꞌén nga jún ngiti̱ ko̱nda̱ꞌyáꞌénjínjnúu̱ Néná katsaki. Kó bo̱a̱ tsꞌén nga si̱ꞌankjiejnú kui ni xi ndajín xi tikónjinjnú. Néná boá xi katsꞌéndéjnú jún kjiꞌanga moso̱ ka̱majnú ki̱a̱ nangi Ejipto̱, kuíni nga ta̱kuítsí xi chjiéngá ko̱nda̱ꞌyáꞌénjnúu̱.

Ndeuteronomio̱ 13:6

»Tsi tjín xí ka̱tso̱yàjnú tsi̱ꞌe̱ nga kje̱ꞌe ne si̱ꞌantsjajnúu̱, tsi tiña ko̱jo tsi kjin chji̱a̱ni, ngata̱ niꞌánsénjínjnúu̱. Ta̱sá ti̱ꞌankꞌiènjnú kui xotaa̱, kó jún boá xi tjón ngatamajnú nga si̱ꞌankꞌiénjnú. Ngata̱ ni̱ma̱jín májnú, jmí ndasénjín tsi ntsꞌiejnú má, ko̱jo tsi ndí xíꞌínjnú, ko̱jo tsi ndí chjo̱ónjnú, ko̱jo ndatsi chjo̱ónjnú ma, ko̱jo tsi nda̱ xi ꞌniú nda yaꞌajnú. Ngata̱ niꞌánjetakónjínjnúu̱ kui ni xi ndajín xi katsꞌén, ta̱sá ndi̱jo̱ tjayàjnú nga si̱ꞌankꞌiénjnú. Kuí boá ni xi tsoboaá ta̱ꞌya xota̱ní xi sa̱ꞌínkjinjnú Néná xi chji̱a̱ni Israee̱l, ngatꞌa̱ kuí boá Néná xi tsꞌaxiénijnú nangi Ejipto̱, kó kuí boá xi katsꞌéndéjnú. Bo̱a̱ tsꞌén nga ko̱e̱ꞌéjnúu̱ ngo chi̱bo̱a̱ xi nda ngayeje xota̱ na̱xi̱ńdaá, kui xi chjiéngá stsa̱kjonní, kó nga ngiti̱ ka̱májiín sa̱ꞌín nginí kui jeé.

Ndeuteronomio̱ 17:13

ngatꞌa̱ xota̱ na̱xi̱ńdaá stsa̱kjonní, kó ka̱makjiín nga ka̱májín nga nkꞌakon ka̱ma».

Ndeuteronomio̱ 17:7

Tsi tjiín jé kui xotaa̱, kui xi tjón kꞌo̱ya ndi̱jo̱o̱ kuí boá xi chistikoo̱, sꞌe̱ jaskan xota̱ na̱xi̱ńdá xí ngasee̱. Kó bo̱a̱ tsꞌén nga kꞌuiéjín ni xi ndajín ngi̱jinjnú.

Ndeuteronomio̱ 18:20

»Tsi ngo xota̱ kjo̱tjokjá xi bo̱a̱ ka̱tso̱ nga ngo eén Néná tsꞌényaꞌa, kó tsi nga ja̱koxi̱ Nénájín xi katsangiya, chjiéngá si̱ꞌankꞌiénjnú. Ti̱ bo̱a̱ ti̱ ti̱ꞌanjo̱jnú ta̱ꞌya xota̱ chji̱ni̱e̱ꞌénní xi kji̱ndi̱bá nga eén kje̱ꞌe ne ndyi̱yaꞌa nga.

Ndeuteronomio̱ 18:5

Néná boá xi jaꞌájin xota̱ tji̱e̱e̱ Lebii̱, ko̱jo ngayeje xota̱ tji̱e̱e̱, tsi̱ꞌe̱ nga kui xi sa̱ꞌín ngayeje ni xi niꞌán nganiꞌántsjaá Néná.

Ndeuteronomio̱ 18:7

Ta̱sá tasíko̱jojnú tsi̱ꞌe̱ nga kjo̱chó ko̱jo nga sa̱ꞌínkjatjosón xaá, xikoó já xkjín xí ngasee̱ xi je ki̱a̱ ndyi̱tsꞌènxá ki̱a̱ ndiꞌandikoón.

1 Xota̱ Tesalónika̱ 4:2

Ngatꞌa̱ jún jè yàjnú kui kjo̱a̱botíxoma xi je katseꞌéjne̱ jún, kui xi íjñá Ndi̱a̱ná Kjisoo̱.

1 Xota̱ Tesalónika̱ 4:8

Kó kuíni nga, kui xota̱ xi ꞌbijñátꞌaxín kui ni xi tjibókoyaá, jmí tsi xotaa̱ xi ꞌbijñátꞌaxín, Néná boá xi ꞌbijñátꞌaxín, kui Néná xi je katsjájnú A̱si̱énni̱xtjii̱n.

1 Timoo̱ 5:20

Ta̱nga kui xota̱ xi ta̱kó ndyi̱tsꞌènjeé, ti̱ꞌinchji̱ni̱ ji ngindyi̱ko̱n ngayeje xota̱ na̱ngo̱xi̱i̱, tsi̱ꞌe̱ nga xota̱ xi ngasee̱ ka̱mandikoón.