Ndeuteronomio̱ 16:18 - Xo̱jo̱n eén Néná

^18-19 »Néná tsja̱á na̱xi̱ńdáꞌniú nga ngo nga ngo tji̱e̱e̱ xotaa̱, kó nga ngo nga ngo kui na̱xi̱ńdáꞌniuú ko̱e̱ꞌéxaá ne ndiꞌa masien ko̱jo xota̱xá, kui xi chjiéngá ndse̱je̱n sa̱ꞌínseén ngayeje xotaa̱. Kuí boá xi ko̱tíxoma, kó kuí boá xi skotsíjee̱n tsi nda ko̱jo tsi ndajín ndyi̱tsꞌèn xota̱ na̱xi̱ńdaá nga kixi̱ sa̱ꞌín xaá, ka̱májín skjíbéngí to̱n tsi̱ꞌe̱ nga ngo ni sa̱ꞌín ngandaa̱ ngo xota̱. Kjiꞌanga tjín xí skjíbéngí ngo to̱n, kuí nii̱ xi tsꞌén nga kui xota̱ xi kjínkón ko̱jo xi kixi̱i̱, xota̱ xi kixi̱jín má ngijee̱.

Ndeuteronomio̱ 16:18 ပူးပေါင်းရင်းမြစ်များ

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 21:22

»Tsi kjín já xí skja̱n xtín, kó tsi ngo na̱ xi yaꞌa ndí sa̱ꞌínꞌoón, kuí nii̱ xi ka̱ma si̱ꞌan: Tsi jmí ni kamájiín kui naa̱, ta̱nga tsi stse̱n xtió ndií, kó ko̱yà, kui xi bo̱a̱ katsꞌeén chjiéngá ku̱i̱ꞌíchjií xi̱ꞌii̱n kui naa̱ xikó kjiꞌi ku̱i̱ꞌa, ta̱nga chjiéngá nendiꞌamasiee̱n skósoón nga ndakjiꞌi chjí xí ku̱i̱ꞌaa̱.

Éksondo̱ 21:6

chjiéngá ngindyi̱ko̱n Néná kongínjo̱, kó ki̱a̱ chjáxꞌá tji̱bo̱a̱nijon. Kuí boá kui chi̱bo̱a̱a̱ xi ko̱kó nga kui mosoo̱ je tsi̱ꞌe̱ ndi̱a̱a̱ ka̱ma ngatsjéni̱xtjin.

Énkjínkón 31:23

Achichí yandikón xi̱ꞌii̱n ki̱a̱ nga̱ntjo̱a̱a̱ na̱xi̱ńdáꞌniuú, kjiꞌanga ki̱a̱ ꞌbíjñajii̱n xota̱ xi xchaá kui ngi̱ndiee̱.

Matioo̱ 5:21

Jún jè kandaꞌyájnú ni xi kiꞌmií xota̱ xi xchájnú, nga bi̱ kiꞌmií: «Ngata̱ xota̱jín niꞌínkꞌín ji, ngatꞌa̱ xi sa̱ꞌínkꞌién ngo xota̱, ka̱majérií.»

Matioo̱ 5:22

Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Ndeuteronomio̱ 17:12

»Chjiéngá si̱ꞌankꞌien tsi tjín jún xi ta̱ngatꞌanii̱ kjo̱a̱nkꞌatakoón nga sa̱ꞌínjo̱ꞌojín ni xi ka̱tso̱ nendiꞌamasiee̱n, ko̱jo tsi chináꞌmi xi mosoo̱ Néná. »Tsi si̱ꞌankjatjosónjnú kui kjo̱a̱botíxomaa̱, jmí ni xi ndajín kꞌuiéjín ki̱a̱ na̱xi̱ńdá Israee̱l,

Ndeuteronomio̱ 17:9

Ki̱a̱ ku̱i̱chji̱a̱jo chináꞌmii̱ ko̱jo tsi kui xi tikón ne ndiꞌa masien nga kamá kui nii̱, kó ka̱tso̱yaa̱ ngayeje ni xi kamaá. Kó kuí jaá xi ka̱tso̱yà mí ni xi si̱ꞌanjo̱ kui xi tjiín jeé.

Ndeuteronomio̱ 21:2

»Xota̱ ngito̱ko̱o̱ ko̱jo nendiꞌamasiee̱n kui na̱xi̱ńdáꞌniuú skotsíjee̱n ñá na̱xi̱ńdáꞌniú xi tiña ngase maa̱ nínga kasako kui ini̱ma̱a̱, sꞌe̱ kui já ngito̱ko̱ xi chji̱a̱ni kui na̱xi̱ńdáꞌniuú ku̱i̱ꞌa ngo ndí cho̱yojo chjo̱on xi kji̱e̱ niꞌánxájo̱jín nga bokján tꞌanangi.

Ndeuteronomio̱ 25:1

»Ngayeje xi kꞌuieé ngo kjo̱a̱xti ngi̱jinjnú, chjiéngá ngindyi̱ko̱n jáxaá kongínjo̱, tsi̱ꞌe̱ nga kui jáxaá xi bo̱a̱ ka̱tso̱ ꞌyání xi tjiín jé, kó ꞌyání xi jmíjéjiín.