Ndeuteronomio̱ 16:13 - Xo̱jo̱n eén Néná

^13-15 »Ngije kamájnú nga kachjaꞌáꞌyájnú ngayeje ni xi kamáxchájnú ko̱jo nga je kiniꞌántsꞌingíjnú ndaá tostsi̱je̱è, chjiéngá si̱ꞌánjnú sꞌueé ndiꞌa nkꞌieén nganda tsi̱ꞌe̱ Néná. Kui sꞌueé chjiéngá yito ni̱xtjin kꞌo̱ndíyaá, kó chjiéngá ta̱soboá kjo̱a̱tsja xí kꞌuiéjnú. Chjiéngá ki̱a̱ ndiꞌandikoón si̱ꞌánjnú kui sꞌueé, kó ki̱a̱ kꞌuíndo xota̱ ndiꞌajnú, ko̱jo moso̱jnú, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Tꞌíyájnúu̱ xota̱ tji̱e̱e̱ Lebii̱, ko̱jo xota̱ xi ta̱ jachókꞌíndo tsá kuí na̱xi̱ńdáꞌniuú nga. Kó bo̱a̱ tsꞌén nga Néná sa̱ꞌínchikonñéjnú nga tsja̱ajnú tsie ni xi maxchá, kó ngayeje xá xí si̱ꞌánjnú nda ka̱ma.

Ndeuteronomio̱ 16:13 ပူးပေါင်းရင်းမြစ်များ

Éksondo̱ 23:16

»Kjiꞌanga chja̱ꞌáꞌyájnú cha̱a̱n ni xi ikꞌítji̱e̱jnú, jó sꞌué si̱ꞌánjnú. Sꞌué xí tjoón, kjiꞌa si̱ꞌánjnú nga chja̱ꞌátikójnú to xi tjón kamáxchaá, kó sꞌué xí ma joó kjiꞌa si̱ꞌánjnú ngije kamá nga kachjaꞌátikójnú ngayeje ni xi ikꞌítji̱e̱jnú, ngije kjife noó.

Éksondo̱ 34:22

»Ti̱ bo̱a̱ ti̱ tsꞌén si̱ꞌánjnú ngo sꞌué kjiꞌanga chja̱ꞌátikójnú ni xi tjón kamáxchaá, nga cho̱ndoboaá, ko̱jo ngo sꞌué kjiꞌanga chja̱ꞌátikójnú ngayeje ni xi kamáxchaá, nga kjife noó.

Xki̱ 15:20

Ngatsjéni̱xtjin nga an tjón ngatsjána to ndso̱ko̱a̱n ṉño̱pan xi tjón sa̱ꞌíntsjiee̱, ko̱jo pan xi tjón sa̱ꞌínchjaán.

Juaa̱ 7:2

Kó je kjimatiña sꞌueé xota̱ jundíoo̱, sꞌueé ndiꞌańkꞌién xí xka̱ ꞌbíndoo̱ nkꞌaa̱.

Ndeuteronomio̱ 31:10

Sꞌe̱ jaskan katsjaá kui kjo̱a̱botíxomaa̱: «Xki̱ yito nó, chjiéngá si̱ꞌan sꞌueé nó kjiꞌanga si̱ꞌanjetakoón xota̱ xi tjitjieén. Kjiꞌanga kjo̱chó kui noó, kó nga je síndotikó ngayeje xota̱ Israee̱l ki̱a̱ ndiꞌandikoón Néná tsi̱ꞌe̱ nga sa̱ꞌín sꞌueé ndiꞌańkꞌieén, ki̱a̱ si̱ꞌanya kui kjo̱a̱bokoyaá.