Ndeuteronomio̱ 15:7 - Xo̱jo̱n eén Néná

^7-9 »Tsi tjín xota̱ Israee̱l xi ni̱ma̱ nga jmí to̱njiín ki̱a̱ na̱xi̱ńdá nínga tindyiónjnú, nda ti̱ꞌanjo̱jnú, ngata̱ ꞌbejínjnú kjo̱a̱ꞌontakón, ta̱sá, jún te̱ꞌéjnúu̱ ko̱jo ti̱ꞌankíyájnúu̱ ngayeje ni xi ka̱machjieén. Ngata̱ ꞌbíxi̱a̱njínjnúu̱ ngo ni. Ngata̱ niꞌánkjójínjnú nga je tsá kjo̱chó nó ndeé, sꞌe̱ bo̱a̱ kꞌuínjnú nga ka̱májín si̱ꞌankíyájínjúu̱ to̱n. Ngatꞌa̱ tsi kui xotaa̱ ko̱óngítaꞌínjnú ngindyi̱ko̱n Néná, jún xí chjiéngá si̱ꞌanjéjnú kjo̱a̱a̱ kui jeé.

Ndeuteronomio̱ 15:7 ပူးပေါင်းရင်းမြစ်များ

Na̱ Estee̱r (Ebreo̱) 9:19

Kuíni nga xota̱ jundío̱ xi síndo nangi xi jmí xójiín nga ngo foaꞌatjiyajoo̱n, ndeskande koó kjiꞌa, nga ni̱xtjin tienijoón sá Andaa̱r boá nga tsꞌén sꞌué, nga kjinie xtín nichinie, ko̱jo nga ja̱kꞌi̱e̱ ja̱ngaján tsjaá ni xkjín.

Na̱ Estee̱r (Ebreo̱) 9:22

tsi̱ꞌe̱ nga si̱ꞌankjaꞌátsjien ni̱xtjin nga xota̱ jundíoo̱ kisꞌiee̱ kjo̱a̱xió kui ko̱jo kondra̱a̱, ko̱jo nga kui saá boá nga kjo̱a̱ndasee̱n, kjo̱a̱tsja kamá. Kó nga ni̱xtjin xa̱ꞌya̱a̱, ni̱xtjii̱n sꞌué kamá. Ko̱jo nga kui ni̱xtjii̱n xi ni̱xtjii̱n nichinie, ko̱jo kjo̱a̱tsja, ko̱jo nga ja̱kꞌi̱e̱ ja̱ngaján tsja̱á ni xkjín, ko̱jo ni̱xtjin nga ko̱síko̱jo xota̱ ni̱ma̱a̱ boá.

Éksondo̱ 22:25

»Tsi tjín xí sa̱ꞌínkíyaá to̱n ngo xota̱ Israee̱l xi ni̱ma̱ xi jmí to̱njiín, chjiénjín nga ndyi̱ko̱n kjo̱a̱ꞌáchjií, ti̱nde ka̱májín bo̱a̱ si̱ꞌanjo̱jnú xikó tsꞌén xota̱ xi foaꞌáchjí nga tsꞌénkíyà to̱o̱n.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Énkjínkón 21:13

Xota̱ xi tsꞌensénjiín xota̱ ni̱ma̱ xi ni̱ma̱ tsó nga ko̱si̱ko̱joo̱, ti̱nde kui si̱ꞌansénjiín kjiꞌanga kui ku̱i̱ꞌa nga ko̱siko̱jo.

Lebitiko̱ 25:35

»Kjiꞌanga ngo xota̱ Israee̱l xi ka̱mani̱ma̱ nga jmí to̱njiín, chjiéngá ko̱si̱ko̱jójnú, xikoó tsi ngo xota̱ xi xín nangi chji̱a̱ni xi ki̱a̱ jachókꞌíjñá kui na̱xi̱ńdaá.

Matioo̱ 18:30

Ta̱nga kamámejénjiín kui nda̱a̱, sꞌe̱ katsangisꞌien ndo̱bo̱a̱yà ngaskande nga ku̱i̱ꞌíchjií kui to̱n xi tjitjieén.

Matioo̱ 5:42

Tsi tjín xí ji ku̱i̱ꞌaa̱ ngo ni, te̱ꞌée̱, kó ti̱ꞌinsée̱n tsi tjín xí ji ku̱i̱yaa̱ ngo ni.

Ndeuteronomio̱ 15:11

Kui nga̱sondiee̱ ngatsjéni̱xtjin kꞌuié xota̱ ni̱ma̱ xi jmí to̱njiín. Kuíni nga tsꞌénbotixomájnúꞌun nga ko̱e̱ꞌéjnúu̱ ni xi chjieén xota̱ xi ni̱ma̱, ko̱jo xota̱ xi ngo ni chjieén xi chji̱a̱ni kui na̱xi̱ńdaá.

Ndeuteronomio̱ 24:14

»Tsi ngo xota̱ xi ni̱ma̱ nga jmí to̱njiín ko̱e̱ꞌéxájnúu̱, ngije kju̱i̱e̱ ni̱xtjii̱n ndakjiꞌi tꞌíchjíjnúu̱. Xota̱ xi ni̱ma̱a̱, xota̱ Israee̱l, ko̱jo xota̱ xi xín nangi chji̱a̱nii̱, tsꞌénxá tsi̱ꞌe̱ nga skji̱ni̱e̱ ko̱jo kꞌuí, kó kuíni nga to̱n chjieén. Tangíntji̱ngíjnú kui kjo̱a̱botíxomaa̱, ngatꞌa̱ tsi bo̱a̱jín si̱ꞌánjnú, kui xotaa̱ ngindyi̱ko̱n Néná ko̱óngítaꞌínjnú, kó Néná ko̱tíjéjnú jún.