Ndeuteronomio̱ 15:10 - Xo̱jo̱n eén Néná

¹⁰ Ta̱sá ngatsjéni̱xtjin tasíko̱jojnú xota̱ xi ni̱ma̱ xi jmíjiín to̱n, kó tsja ngatamajnú nga si̱ꞌánjnú kui nii̱. Tsi bo̱a̱ si̱ꞌánjnú, nda ku̱i̱ndyionjnú, kó Néná sa̱ꞌínchikonñéjnú kjo̱a̱a̱ ngayeje ni xi si̱ꞌánjnú.

Ndeuteronomio̱ 15:10 ပူးပေါင်းရင်းမြစ်များ

Énkjínkón 22:9

Néná tsꞌénchíkonñé xota̱ xi tjiín kjo̱a̱ni̱ma̱takón, ngatꞌa̱ katsjaá nichinie xota̱ xi ni̱ma̱a̱.

Eklesiastee̱ 11:1

Te̱ꞌée̱ nichinie xota̱ xi bojoó, kó kjo̱chó ni̱xtjin nga sa̱kóꞌoyá nginií kjo̱a̱nda xi tiniꞌín.

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Xota̱ Roma̱ 12:8

Xi katseꞌeé kjo̱a̱nda tsi̱ꞌe̱ nga tsja̱angaꞌniuú xotaa̱, nga tsja ngaꞌniuú. Xi katseꞌeé kjo̱a̱nda tsi̱ꞌe̱ nga tsja̱a to̱n, ngayeje kon nga ngatasikójo. Xi katseꞌeé kjo̱a̱nda tsi̱ꞌe̱ nga kꞌuijñátjón, kixi̱ nga tsꞌén kuí xaá. Xi katseꞌeé kjo̱a̱nda tsi̱ꞌe̱ nga ni̱ma̱ ka̱maa̱ xotaa̱, tsjangatamaa̱ nga sa̱ꞌín kui xaá.

Ndeuteronomio̱ 14:19

»Ka̱májín xi̱ni̱e̱jnú cho̱ xi ꞌniú xi̱xi̱i̱ xi tjiín nga̱, ngatꞌa̱ tsjiejín kui cho̱o̱ ngindyi̱ko̱n Néná.

Ndeuteronomio̱ 15:18

»Ngata̱ niꞌánxchánjínjnú kjiꞌanga je kꞌuijñándéjnú moso̱jnú. Jé jun nó katsꞌénxájo̱jnú, kó jún ngayeje kui ni̱xtjii̱n, ta̱ masien tsí to̱n xi tsꞌén ngo moso̱ xi nda xi ikꞌíchjíjnúu̱, Ti̱ꞌankjatjosónjnú kui nii̱, kó Néná sa̱ꞌínchikonñé ngayeje ni xi si̱ꞌánjnú.

Ndeuteronomio̱ 23:20

Ta̱kuítsí xota̱ xi xín nangi chji̱a̱ni xi ka̱ma chje̱ꞌéchjíjnúu̱ ndyi̱ko̱n to̱n. Tsi si̱ꞌankjatjosónjnú kui kjo̱a̱botíxomaa̱, Néná sa̱ꞌínchikonñé ngayeje ni xi si̱ꞌánjnú ki̱a̱ na̱xi̱ńdá nínga ku̱i̱ndyionjnú.

Ndeuteronomio̱ 24:19

»Tsi kjiꞌanga kachjaꞌáꞌyájnú ni xi ikꞌítji̱e̱jnú kichíyájnú ngo chꞌo̱ kui nii̱, ngata̱ monginꞌóyájínjnú nga kongínchjaꞌájnú. Ki̱a̱ tꞌíndojnú kui nii̱ tsi̱ꞌe̱ xota̱ ni̱ma̱ xi jmí to̱njiín, ko̱jo xota̱ xi ki̱a̱ jachókꞌíndo tsá ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Kó nga xꞌi̱e̱je̱njnú to aseitunaa̱, ko̱jo tostsi̱je̱è, ti̱ bo̱a̱ ti̱ ti̱ꞌánjnú: ngata̱ bichájínjnú ngayejee̱, tꞌíndo chiboajnú tsi̱ꞌe̱ kui xotaa̱. Ngata̱chiíjín niꞌánchíyájnú nga moso̱ kamájnú jún ki̱a̱ nangi Ejipto̱, kuíni nga tsꞌénxiyàjnúꞌun nga tangíntji̱ngíjnú ngayeje kui kjo̱a̱botíxomaa̱. Tsi bo̱a̱ si̱ꞌánjnú Néná sa̱ꞌínchikonñé ngayeje ni xi si̱ꞌánjnú.

Xota̱ Ebreo̱ 13:16

Kó ngata̱ niꞌánchíyájínjnú jún nga ni xi nda si̱ꞌánjnú, ko̱jo nga ja̱kꞌi̱e̱ ja̱ngaján ko̱si̱ko̱jójnú xingi̱jnú, ngatꞌa̱ ko̱jo kuí kjo̱a̱tjó xi̱ꞌbi̱ xi tsja maa̱ Néná nga.

1 Xo̱jo̱o̱n Peé 4:11

Tsi tjín xí ku̱i̱chji̱a̱, ngatíchji̱a̱ én xí tsꞌéntsjaá Néná nga ku̱i̱chji̱a̱. Tsi tjín xí ko̱síko̱jo xotaa̱, bo̱a̱ nga tsꞌén xikó kjiꞌi ngaꞌniú xí tsꞌéntsjaá Néná, tsi̱ꞌe̱ nga Néná ko̱e̱ꞌeé kjo̱a̱je kjo̱a̱a̱ ngayeje nii̱ ngatꞌaa̱ Jesukristoo̱, kui xi tsi̱ꞌe̱ ngayeje kjo̱a̱jee̱, ko̱jo ngayeje ngaꞌniuú ngatsjéni̱xtjin. Bo̱a̱ kjiꞌi.