Ndeuteronomio̱ 14:21 - Xo̱jo̱n eén Néná

²¹ »Tsi ngo cho̱ ko̱yà soboá, ngata̱ chiniejínjnú yojoo̱, ngatꞌa̱ jún boá xi ngo xota̱ na̱xi̱ńdá xí jè tsi̱ꞌe̱ Néná, ngatꞌa̱ bo̱a̱ tsꞌén je atíxoma kui. Ta̱nga ka̱má ko̱e̱ꞌéjnúu̱ kui yojoo̱ xota̱ xi xín nangi xi síndo ngi̱jinjnú, ko̱jo tsi ko̱ti̱ñájnúu̱ ngo xota̱ xi xín nangi chji̱a̱ni xi jachó ngotjón ki̱a̱ nangi nínga tindyiónjnú. »Ti̱nde ka̱májín nga ki̱a̱ ngi̱jin ntsjeén na̱aa̱n ndí tindso̱ chichií si̱ꞌanchjánjinjnú.

Ndeuteronomio̱ 14:21 ပူးပေါင်းရင်းမြစ်များ

Éksondo̱ 19:6

Jún boá xi ka̱majnú chináꞌmina ngindyi̱ko̱n ngayeje xota̱ nga̱sondiee̱, kó ku̱i̱ndyiontꞌaxínjnúu̱ ngayeje nii̱ tsi̱ꞌe̱ nga ta̱ xá tsa̱ꞌa̱n tsí xi si̱ꞌánjnú».

Éksondo̱ 22:30

ko̱jo ndí tjoón cho̱yojojnú ko̱jo cho̱tsa̱nga̱jnú. Yito ni̱xtjin ka̱ma ko̱e̱ꞌéndièjnúu̱ nga ngatꞌíjñajo̱ na̱aa̱n, ta̱nga xi ma jin ni̱xtjin ti̱ꞌankꞌasꞌiénjnúꞌun.

Éksondo̱ 23:19

»Ni xi ꞌniú nda ngase xi tjón kamáxchá jno̱jnú, kuí boá kjo̱a̱tjó xi ndibájo̱jnú na̱ngo̱xi̱na. »Ngata̱ ki̱a̱jín ngi̱jii̱n ntsjeén na̱aa̱n ndí tindso̱ chichií niꞌánchjánjinjnú».

Éksondo̱ 34:26

»Chjiéngá kui ni xi ꞌniú nda ngase xi kamáxchájnú xi kji̱ndi̱bájo̱jnú na̱ngo̱xi̱na. »Ngata̱ ki̱a̱jín ngi̱jii̱n ntsjeén na̱aa̱n ndí tindso̱ chichií niꞌánchjánjinjnú».

Lebitiko̱ 11:40

Tsi tjín xí skji̱ni̱e̱ yojoo̱ kui cho̱o̱, tsjiejín ka̱ma ngaskande nga ka̱majñoó, kó chjiéngá ko̱nié ńjñoo̱. Tsi tjín xí skjinínkꞌá yojoo̱ kui cho̱ xi je kꞌiee̱n, tsjiejín ka̱ma ngaskande nga ka̱majñoó, kó chjiéngá ko̱nié ńjñoo̱ nga.

Lebitiko̱ 17:15

»Kjiꞌanga ngo xota̱ Israee̱l, ko̱jo tsi ngo xota̱ xi xín nangi chji̱a̱ni, ta̱nga tsi ki̱a̱ tikón kui na̱xi̱ńdaá, sa̱ko̱ó ngo cho̱ xi je kꞌien, kó tsi skji̱ni̱e̱ kui cho̱o̱, ngiti̱ tsjiejín ka̱ma ngaskande nga ka̱majñoó, kó chjiéngá ko̱nié ńjñoo̱ ko̱jo ngatangóyá.

Lebitiko̱ 22:8

»Já chináꞌmii̱ ka̱májín skji̱ni̱e̱ yojoo̱ cho̱ xi jesón soboá, ko̱jo tsi tꞌiuaá yojoo̱ cho̱ xi cho̱ tamá katsꞌénkꞌién, tsi bo̱a̱ sa̱ꞌín, ngiti̱ tsjiejín ka̱ma. Án boá xi Nee̱ xota̱ Israee̱l.

Ni xi kamá 15:20

ta̱ ka̱ma ta̱ ngo tsi xo̱jo̱n si̱ꞌandàa̱ nínga kꞌuiyáa̱, tsi̱ꞌe̱ nga ku̱i̱ꞌíjñátꞌaxiín yojoo̱ ngayeje ni xi ndándí xi chji̱a̱ni ngo a̱sie̱én ngo ne xi tsꞌénda xotaa̱, kó nga sa̱ꞌínkamajo̱jín xi tondo̱, ko̱jo nga skji̱ni̱e̱jín yojoo̱ cho̱ xi niꞌánxíndo nga niꞌánkꞌién, ko̱jo yojo xi ndyi̱a̱a̱ jín.

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

Ndeuteronomio̱ 14:2

jún boá kui xota̱ na̱xi̱ńdá xi Néná jè jaꞌájin, ngi̱jii̱n ngayeje xota̱ na̱xi̱ńdá xí tjín tꞌanangii̱, kó kuí boá xi ndokjo̱a̱nijnú».

Ndeuteronomio̱ 14:20

Ta̱nga, ka̱má xi̱ni̱e̱jnú ngayeje to̱ko̱ya chjondi ko̱jo cho̱ xi kjínkꞌá tꞌanangii̱, ngatꞌa̱ tsjie kuí cho̱o̱ ngindyi̱ko̱n Néná.

Ndeuteronomio̱ 7:6

»Jún boá ngo xtín xota̱ na̱xi̱ńdá xi ndikón. Néná je jaꞌájinjnú ngi̱jii̱n kjín xota̱ na̱xi̱ńdá xí tjín nga̱sondiee̱, tsi̱ꞌe̱ nga jún xi ka̱majnú xota̱ xi ꞌniú tjó ngasee̱ kui.

1 Xo̱jo̱o̱n Peé 1:16

Ngatꞌa̱ je kjitꞌa xo̱jo̱n eén Néná nínga bi̱ tsoó: “Tsjie ngatamajnú jún, ngatꞌa̱ tsjie án.”