Ndeuteronomio̱ 13:6 - Xo̱jo̱n eén Néná

^6-11 »Tsi tjín xí ka̱tso̱yàjnú tsi̱ꞌe̱ nga kje̱ꞌe ne si̱ꞌantsjajnúu̱, tsi tiña ko̱jo tsi kjin chji̱a̱ni, ngata̱ niꞌánsénjínjnúu̱. Ta̱sá ti̱ꞌankꞌiènjnú kui xotaa̱, kó jún boá xi tjón ngatamajnú nga si̱ꞌankꞌiénjnú. Ngata̱ ni̱ma̱jín májnú, jmí ndasénjín tsi ntsꞌiejnú má, ko̱jo tsi ndí xíꞌínjnú, ko̱jo tsi ndí chjo̱ónjnú, ko̱jo ndatsi chjo̱ónjnú ma, ko̱jo tsi nda̱ xi ꞌniú nda yaꞌajnú. Ngata̱ niꞌánjetakónjínjnúu̱ kui ni xi ndajín xi katsꞌén, ta̱sá ndi̱jo̱ tjayàjnú nga si̱ꞌankꞌiénjnú. Kuí boá ni xi tsoboaá ta̱ꞌya xota̱ní xi sa̱ꞌínkjinjnú Néná xi chji̱a̱ni Israee̱l, ngatꞌa̱ kuí boá Néná xi tsꞌaxiénijnú nangi Ejipto̱, kó kuí boá xi katsꞌéndéjnú. Bo̱a̱ tsꞌén nga ko̱e̱ꞌéjnúu̱ ngo chi̱bo̱a̱ xi nda ngayeje xota̱ na̱xi̱ńdaá, kui xi chjiéngá stsa̱kjonní, kó nga ngiti̱ ka̱májiín sa̱ꞌín nginí kui jeé.

Ndeuteronomio̱ 13:6 ပူးပေါင်းရင်းမြစ်များ

Jenesii̱s 16:5

Kósꞌe̱ na̱ Saraii̱ bi̱ katsoó Abra̱n: —Jí xí konnii Abra̱n nga tjítsꞌénchꞌóna kui naa̱. Ngatjaꞌátsjiee̱n nga an boá xi katsꞌenkꞌasꞌieen, kó ngije yaꞌa ndí ꞌne̱, tjítsꞌénchꞌóna, ngatꞌa̱ je ngase kjimaa̱ yojoo̱. Kuíni nga Néná boá xi ko̱tíjeé ji.

Joo̱b 31:27

tsi̱ꞌe̱ nga kui xi ꞌma ꞌma katsꞌendikón án, ko̱jo tsi ndsa̱ án katsangiyañáa̱ ngo ndsó.

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 32:27

kó bi̱ katsoó: «Néná xí tsi̱ꞌe̱ xota̱ Israee̱l, tsꞌén botixómájnú nga chjábéjnú ki̱cha̱ndojójnú, kó tangínꞌóyájnú nínga síndo xotaa̱, kó xki̱ ndiꞌa tangínjnú, tsi̱ꞌe̱ nga si̱ꞌankꞌiénjnú ta̱ꞌyaní xi sa̱kójnú, tsi ntsꞌiejnú, tsi amingo̱jnú ko̱jo tsi xota̱ tꞌa ndiꞌajnú».

Énkjínkón 18:24

Tjín amingo̱ xi jmí tsi amingo̱, kó ti̱ tjín amingo̱ xi ta̱bo̱a̱jiín tsi ngo ntsꞌié má.

Énkjínkón 5:20

Ji xi̱ꞌin, ngata̱ boeꞌéndièjín ji nga kje̱ꞌe chjo̱on sa̱ꞌínmejeén, ti̱nde nga mindyiséjín ji nga ngo chjo̱on xí je ixán sa̱ꞌíndajon sa̱ꞌíndatꞌaa̱.

2 Xota̱ Korinto̱ 5:16

Kó kuíni nga ji̱n, jè ngiti̱ bo̱a̱jín tsꞌén tsitsijenjne̱ xotaa̱ xikótsꞌèn kotsijee̱n xkjín xotaa̱ kui nga̱sondiee̱, kó ndatsi ngasꞌe̱ bo̱a̱ tsꞌén kitsitsijenjne̱ Kristoo̱, ta̱nga ngotꞌe̱, jè ngiti̱ bo̱a̱jín tsꞌén ndyi̱tsitsijenjne̱.

Xota̱ Ngalasia̱ 2:4

Kó ndatsi tjín já ntsꞌie xi maña̱ xi kijíjinꞌmaá xota̱ná, tsi̱ꞌe̱ nga skotsíjenꞌmaá kui kjo̱a̱ndeé kjo̱a̱kitii̱, xi katsjáná ñá xi sꞌijinná Kristo̱ Kjisoo̱, tsi̱ꞌe̱ nga kui jaá sa̱ꞌínná kjo̱a̱ꞌniú nga moso̱ xi kastiñaá kjo̱a̱kitii̱ sa̱ꞌínná.

Xota̱ Éfeso̱ 4:14

Bo̱a̱ tsꞌén nga ngiti̱ xikójiín ngo ndí ka̱ma ñá xí ngotjón ngotjón bosíkjo ni xi tsꞌénkjó. Ka̱májín ta̱xkiya kongíntji̱ngí ngo kjo̱a̱bokoyá tja̱tsi̱e̱ xi skjiénná kó kꞌo̱ṉcha̱joná, kui xi bokoyá xota̱ maña̱ xi ndi̱yà xi ndajín tjimaá.

Ndeuteronomio̱ 11:32

chjiéngá si̱ꞌankjatjosónjnú ngayeje kjo̱a̱kiti xi ngotꞌe̱ tsꞌéntsjájnúꞌun».

Ndeuteronomio̱ 13:2

kó tsi ja̱koxi̱ nga ka̱ma kui kjo̱a̱ndikoón, chónjnú yojojnú. Sꞌe̱ tsi jaskan ka̱tso̱yàjnú tsi̱ꞌe̱ nga ne xi nde yàjínjnú xi si̱ꞌantsjajnúu̱,

Ndeuteronomio̱ 17:12

»Chjiéngá si̱ꞌankꞌien tsi tjín jún xi ta̱ngatꞌanii̱ kjo̱a̱nkꞌatakoón nga sa̱ꞌínjo̱ꞌojín ni xi ka̱tso̱ nendiꞌamasiee̱n, ko̱jo tsi chináꞌmi xi mosoo̱ Néná. »Tsi si̱ꞌankjatjosónjnú kui kjo̱a̱botíxomaa̱, jmí ni xi ndajín kꞌuiéjín ki̱a̱ na̱xi̱ńdá Israee̱l,

Ndeuteronomio̱ 18:20

»Tsi ngo xota̱ kjo̱tjokjá xi bo̱a̱ ka̱tso̱ nga ngo eén Néná tsꞌényaꞌa, kó tsi nga ja̱koxi̱ Nénájín xi katsangiya, chjiéngá si̱ꞌankꞌiénjnú. Ti̱ bo̱a̱ ti̱ ti̱ꞌanjo̱jnú ta̱ꞌya xota̱ chji̱ni̱e̱ꞌénní xi kji̱ndi̱bá nga eén kje̱ꞌe ne ndyi̱yaꞌa nga.

Ndeuteronomio̱ 19:19

kjiꞌá boá nga tsja̱akjo̱a̱, kó nga bo̱a̱ tsꞌén ka̱majeé kui chistikoo̱ xikoó kui kjo̱a̱botíjé xi tsꞌénmíꞌá tsi̱ꞌe̱ kui nda̱ xi tsꞌénbongítaꞌii̱n. Bi̱ tsꞌén chje̱ꞌéchjíjnú: tsi ngo ndyi̱ko̱n tsꞌaxié, ti̱ chjiéngá ngo ko̱ꞌna̱xié tsi̱ꞌe̱ nga, tsi ngo ṉꞌni̱u̱ iskjítꞌó, ti̱ chjiéngá ngo chjátꞌó tsi̱ꞌe̱ nga, tsi ngo tsja iskjítꞌó, ti̱ ngo chjátꞌó tsi̱ꞌe̱ nga, tsi ngo se iskjítꞌó, ti̱ ngo chjátꞌó tsi̱ꞌe̱ nga, tsi ngo ini̱ma̱ katsꞌénkꞌién, ja̱ ti̱ si̱ꞌankꞌién xi bo̱a̱ katsꞌeén nga. Ngata̱ niꞌánjetakónjínjnúu̱ ngo xota̱ xi ngo ni xi ndajín sa̱ꞌín. Tsi si̱ꞌankjatjosónjnú kui kjo̱a̱botíxomaa̱, ngojín xota̱ xi ni xi ndajín sa̱ꞌín, ngatꞌa̱ ngayeje xotaa̱ stsa̱kjonní nga ta̱xkiya ku̱i̱ꞌíndiso nga ko̱óngítaꞌin ngo xota̱».

Ndeuteronomio̱ 21:21

»Ngije bo̱a̱ katsó, ngayeje xota̱ xi síndo kui na̱xi̱ńdáꞌniuú ndi̱jo̱ kꞌo̱ya nga sa̱ꞌínkꞌiénni kui ndí xí kitikjo̱a̱a̱. Bo̱a̱ tsꞌén nga jmí ni xi ndajín kꞌuiéjín ki̱a̱ na̱xi̱ńdá Israee̱l, ngatꞌa̱ ngayeje xotaa̱ stsa̱kjonní nga ni xi ndajín sa̱ꞌín».

Ndeuteronomio̱ 22:21

já xí chji̱a̱ni kui na̱xi̱ńdáꞌniuú nga tꞌaxiéni ndiꞌaa̱ na̱ꞌmii̱, kó ki̱a̱ ngatꞌaya ndi̱jo̱ nga sa̱ꞌínkꞌién. Kuí nii̱ xi tsoboaá nga ka̱maa̱ ngo xota̱ xi ndajín tsꞌén ki̱a̱ na̱xi̱ńdá Israee̱l, ko̱jo nga ta̱ngatꞌanii̱ kui nga ngo xtín xota̱ xi kjo̱a̱soboá foaꞌa. Tsi kui nii̱ xi si̱ꞌánjnú, bo̱a̱ tsꞌén nga si̱ꞌanchajajnú ni xi ndajín ki̱a̱ na̱xi̱ńdájnú.

Ndeuteronomio̱ 24:7

»Ta̱ꞌyaní xi ngo xota̱ sa̱ꞌínchejé tsi̱ꞌe̱ nga ko̱tíñá ko̱jo tsi tsi̱ꞌe̱ nga moso̱ sa̱ꞌín, chjiéngá ko̱yà. Ngata̱ boeꞌéndièjínjnú nga kui ni xi ndajiín ka̱ma ki̱a̱ na̱xi̱ńdájnú.

Ndeuteronomio̱ 29:18

Kuíni nga ꞌniú míꞌájnúꞌun jún xi chjo̱on xí xi̱ꞌinjnú, xi xota̱ ngo ndiꞌa, ko̱jo xi xota̱ tji̱e̱, nga ngojín xi ꞌbíjñámasiénjnú Néná, tsi̱ꞌe̱ nga ne xi Nénájín xi sa̱ꞌíntsjaá. Kui xi bo̱a̱ sa̱ꞌiín, kuí boá xi xikoó xka̱ xi tsꞌenkꞌiénná, kui xi ta̱ kjo̱a̱bo̱ya tsí xi foeꞌejo̱.

Xota̱ Kolosa̱ 2:4

Kui nii̱ tsꞌén xiyàjnúꞌun tsi̱ꞌe̱ nga ngojín xi kꞌo̱ṉcha̱jojnú, nga sa̱ꞌínkjién éndísó xi tsjatsó.

2 Xo̱jo̱o̱n Peé 2:1

Ngi̱jii̱n xota̱ jundíoo̱ kisꞌie já chji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.

Ni xi akakoo̱ 13:14

Kó tsꞌenṉcha̱jo xotaa̱ tꞌanangii̱ kjo̱a̱a̱ kui chi̱bo̱a̱ xi katseꞌeé nga sa̱ꞌín ngindyi̱ko̱n kui cho̱ chꞌokjiꞌi xi tjoón, nga bo̱a̱ katsoó xotaa̱ tsi̱ꞌe̱ nga sa̱ꞌínda ngo a̱sie̱én kui cho̱ chꞌokjiꞌi xi ta̱kó tikoón ndatsi je kiniꞌánꞌónnii̱ ngo ki̱cha̱yojó.

Ni xi akakoo̱ 20:3

kó tsꞌajmiyá ti̱xa̱na̱nga̱a̱ tꞌanangii̱ nínga íchjáꞌyá, kó ngo seyo̱ íjñaá nga̱ntjo̱a̱a̱, tsi̱ꞌe̱ nga ngiti̱ kꞌo̱ṉcha̱jojín ngase na̱xi̱ńdaá ngaskande ngije kjo̱a̱ꞌa nga ngo mi̱ noó, kó ngije kjo̱a̱ꞌa kui noó chjándó nginí ngi chiboa ni̱xtjin.