Ndeuteronomio̱ 12:7 - Xo̱jo̱n eén Néná

^7-12 »Ngo sꞌué ti̱ꞌánjnú kui ngi̱ndiee̱, kó tsjatsꞌèn ku̱i̱ndyionjnú jún, ko̱jo xota̱ ndiꞌajnú, ko̱jo moso̱jnú, ko̱jo xota̱ tji̱e̱e̱ Lebii̱ xi ki̱a̱ síndojinjnú. Ngatjaꞌátsjienjnú nga chjiéngá ko̱e̱ꞌéchiboajnúu̱ kui xotaa̱ ni xi an tsjajnúꞌun, ngatꞌa̱ kui xotaa̱ nde ngo chikjan tꞌanangi sa̱kójiín xi kui tsi̱ꞌe̱ ka̱ma. »Ngije ki̱a̱ tindyiónjnú kui tꞌanangii̱, ngiti̱ ka̱májín ta̱xkiya si̱ꞌánjnú ni xi mejénjnú, xikó ndyi̱niꞌánjnú ngaskande ngotꞌe̱. Ngatꞌa̱ ki̱a̱ ngi̱ndie nínga tindyiónjnú ngotꞌe̱, jmí tsi kui xi ngi̱ndie nínga xió kjiꞌi xi tsja̱ajnú Néná, tsi̱ꞌe̱ nga kjóchójnú kui ngi̱ndiee̱, chjiéngá ku̱i̱tja̱tiójnú ndejèꞌ Jorndaa̱n. Ta̱ niꞌin kjóchójnú kui ngi̱ndiee̱, kó ngije kiniꞌánjnúu̱ ngayeje kondra̱jnú, kꞌuiéjnú kjo̱a̱xió, kó ndatsꞌèn ku̱i̱ndyionjnú.

Ndeuteronomio̱ 12:7 ပူးပေါင်းရင်းမြစ်များ

Eklesiastee̱ 3:12

Jè be an nga jmíjín ingo ni xi nda ngase tsi̱ꞌe̱ xota̱ nga̱sondiee̱, xikoó nga tsja kꞌuieé ko̱jo nga ndatsꞌèn kꞌuijñá,

Eklesiastee̱ 3:13

ko̱jo nga kjo̱a̱ndaa̱ Néná boá nga ngayeje xotaa̱ skji̱ni̱e̱ ko̱jo kꞌuí, ko̱jo nga ndatsꞌèn sa̱ꞌín ngayeje xá xí tsꞌén.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Ni xi kamá 2:46

Kó ndyiojón ndyiojón kamátikó ki̱a̱ na̱ngo̱xi̱i̱, kó xki̱ ndiꞌa akjángá paa̱n, kó iskjinie xtín nga tsja kamaá, ko̱jo nga nda kamá ini̱ma̱a̱,

Ndeuteronomio̱ 14:26

Kjiꞌanga jún ko̱jo xtín xota̱ ndiꞌajnú kjóchójnú ki̱a̱a̱, kui to̱o̱n tsꞌi̱tsienijnú ngayeje nichinie xi ka̱machjiénjnú xikoó: cho̱yojo, ko̱jo cho̱tsa̱nga̱, ko̱jo bino̱, ko̱jo ndáfoa sa, ko̱jo ngayeje kje̱ꞌe ngase ni. Kósꞌe̱ kjiꞌá boá nga si̱ꞌánjnúu̱ ngo sꞌué xí ta̱nisién ꞌniú Néná.

Ndeuteronomio̱ 15:20

»Xki̱ nó chjiéngá chjábéjnú kui cho̱o̱, kó ki̱a̱ xi̱ni̱e̱jnú nga ka̱ma ngo ni xi ndikón, nínga tikón ndiꞌandikoón, jún ko̱jo xota̱ ndiꞌajnú.

Ndeuteronomio̱ 26:11

Jaskan ngije kamá kui nii̱, ngo sꞌué sa̱ꞌín tsi̱ꞌe̱ nga tsja̱á ndokꞌóchjì Néná kjo̱a̱ ni xi Néná katsjaá kuí ko̱jo xota̱ ndiꞌaa̱. Nga ka̱ma kui sꞌueé chjiéngá ka̱tso̱yaa̱ tsi̱ꞌe̱ nga ko̱e̱je̱ chináꞌmii̱, ko̱jo xota̱ xi ta̱ ngotjón síndo ki̱a̱ na̱xi̱ńdaá.

Ndeuteronomio̱ 28:47

ngatꞌa̱ Néná nda katsꞌénjo̱jnú katsaki, ta̱nga jún kandaꞌyáꞌénjínjnúu̱, ti̱nde kiniꞌántsjájínjnúu̱ nga tsja kisꞌiejnú ko̱jo nga kixi̱ kamájnú.

Xota̱ Filipo̱ 4:4

Tsja ngatamajnú ngatsjéni̱xtjin ngatꞌaa̱ Ndi̱a̱ná. Ingo ndi̱yà bo̱a̱ xian nginíjnúꞌun: ¡Tsja ngatamajnú!