Ndeuteronomio̱ 12:31 - Xo̱jo̱n eén Néná

³¹ Ngata̱chiíjín niꞌánjnú kui nii̱, ngatꞌa̱ Néná achichí chꞌo maá xikótsꞌèn tsꞌéntsjaà nee̱ kui xota̱ na̱xi̱ńdaá. ¡Ngaskande ti̱ kui ndií ꞌbítí ki̱a̱ ṉchandikoón!

Ndeuteronomio̱ 12:31 ပူးပေါင်းရင်းမြစ်များ

Xo̱jo̱n Salmoo̱ 106:37

¡Katsꞌéndándí tꞌanangii̱ nga iskjitjón jiín xota̱ xi jmí jéjiín! ¡Katsꞌénkꞌasꞌien ndií, xikoó tsi ngo kjo̱a̱tjó, tsi̱ꞌe̱ kui xindajiín!

Éksondo̱ 23:2

»Ngata̱ ni xi ndajínjín niꞌánjnú tsi kjo̱a̱a̱ nga bo̱a̱ ndyi̱tsꞌèn xota̱ xi ngasee̱. »Tsi ngindyi̱ko̱n nendiꞌamasiee̱n kjimandajin ngo kjo̱a̱xti, ngata̱ jmí éndísó ndokjo̱a̱jínjnú, tsi kjo̱a̱a̱ nga bo̱a̱ ndyi̱tsꞌèn xota̱ xi ngasee̱. Ni xi ja̱koxi̱ boá xi ndokjo̱a̱jnú.

Lebitiko̱ 18:21

»Ngojín xota̱ xi ndií sa̱ꞌínkjién nga sa̱ꞌínkꞌasꞌiee̱n ngo kjo̱a̱tjó ne xi ꞌmí Moloo̱k. Ngata̱ niꞌánkjatsónjínjnú jaꞌénna, ngatꞌa̱ án boá xi Nee̱ xota̱ Israee̱l.

Lebitiko̱ 18:3

Jún xota̱ Israee̱l xi ki̱a̱ kixindyionjnú nangi Ejipto̱ ngasꞌe̱, kó ngotꞌe̱ ꞌne̱ ki̱a̱ nangi Kanaa̱n tsꞌénfijo̱jnúꞌun. Ka̱májín bo̱a̱ si̱ꞌánjnú xikó tsꞌén xota̱ Ejiptoo̱, ko̱jo tsi xikó tsꞌén xota̱ Kanaa̱n.

Lebitiko̱ 20:2

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Tsi ngo xota̱ Israee̱l ko̱jo tsi ngo xota̱ xi xín nangi xi tikón kui na̱xi̱ńdaá, xi ndií sa̱ꞌínkjién nga sa̱ꞌínkꞌasꞌiee̱n ngo kjo̱a̱tjó ne Moloo̱k, chꞌo ka̱mana kui nii̱, kó xi bo̱a̱ katsꞌeén chjiéngá an skjánjo̱na, ngatꞌa̱ jè ngiti̱ kamábendikónjín ndiꞌandikónna. Chjiéngá ko̱yà xí bo̱a̱ katsꞌeén, kó sa̱ꞌinkjiéni an ngi̱jii̱n xota̱ na̱xi̱ńdána.

Ndeuteronomio̱ 12:30

Kjiꞌanga ka̱ma kui nii̱, chónjnú yojojnú nga bo̱a̱jín si̱ꞌánjnú xikó katsꞌén kui xota̱ na̱xi̱ńdaá, ti̱nde nga kuijín ne xi katsꞌéntsjaà kui xi si̱ꞌandikónjnú jún nga.

Ndeuteronomio̱ 12:4

Kjiꞌanga si̱ꞌantsjajnúu̱ Néná ngata̱ ki̱a̱jín chjaꞌángíjnúu̱ kjo̱a̱xchá xí tjiín kui xota̱ na̱xi̱ńdaá.

Ndeuteronomio̱ 9:4

»Ngije ikitjasꞌi̱e̱njnú kui tꞌanangii̱, kó ngije Néná tsangatji̱ngii̱ kui xotaa̱, ngata̱ niꞌánkjójínjnú nga Néná katsjájnú kui tꞌanangii̱ ngatꞌa̱ nga ta̱nisién ndajnú xota̱. Néná ko̱ngatji̱ngii̱ kui xotaa̱ ta̱ngatꞌanii̱ nga ndajín. Kó bo̱a̱ tsꞌén nga Néná sa̱ꞌínkjatjosón ni xi katsóyàtjoón Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú.