Ndeuteronomio̱ 12:20 - Xo̱jo̱n eén Néná

²⁰ Ta̱nga ngije Néná katsꞌénkjatjosón ni xi katsóyàtjón nga sa̱ꞌín, kó ngije katsꞌéntsié tꞌanangi xi tsa̱jún, kó tsi mejénjnú xi̱ni̱e̱jnú yojo, ka̱má xi̱ni̱e̱jnú tsi bo̱a̱ tsꞌén mejénjnú.

Ndeuteronomio̱ 12:20 ပူးပေါင်းရင်းမြစ်များ

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 31:30

Tsi je tsá mejeén nga kꞌuin nginí ji ndiꞌaa̱ na̱ꞌmíi̱, chjiénjín nga kjindibéje̱chejé ji ne xi tsꞌendikón an.

Xo̱jo̱n Salmoo̱ 107:9

¡Néná foaꞌáxín xíndaá xota̱ xi xíndaá, kó foaꞌáxín bojoó xota̱ xi bojoó!

Xo̱jo̱n Salmoo̱ 119:174

Ji Ne, achichí je tsꞌénkoya an nga ko̱ꞌna̱xiéꞌéní. Kjo̱a̱bokoyáa̱ boá xi kjo̱a̱tsjana.

Xo̱jo̱n Salmoo̱ 119:20

Ngatsjéni̱xtjii̱n nga ma mejénna nga skuie an kjo̱a̱bokoyáa̱.

Xo̱jo̱n Salmoo̱ 63:1

Ji Ne, jí boá xi Néna ma ji. Achichí nda̱ kjimana nga kongasee ji, kjiꞌmeyà má an kjo̱a̱a̱ ji, kó ini̱ma̱na mejeén sku̱i̱e̱e̱, bo̱a̱ má mána xikoó ngo xi mongase ndáfoa ki̱a̱ nangi xi sibé ko̱jo xi kixií, kó sakójiín.

Xo̱jo̱n Salmoo̱ 84:2

Achichí ni xi kjimaa̱ ini̱ma̱na nga mejeén nga ki̱a̱ kꞌuíjñá ndi̱tsee̱n na̱ngo̱xi̱i̱ ji Ne, ¡ini̱ma̱na ko̱jo yojona mejeén nga si̱eé kui Néná xí tikoón.

Éksondo̱ 23:31

»Kui ngi̱ndie xi an tsjajnúꞌun, ngo ndiè xi ko̱a̱ꞌa̱nii̱ ndeskande Ndáchíkón Inií ngaskande ndáchíkón Menditerráneoo̱, kó xi ingo ndieè, ki̱a̱ ko̱a̱ꞌa̱nii̱ ndeskande nangi kixií ngaskande ndejèꞌ Éufratee̱. Jún boá xi ko̱ti̱xomájnúu̱ ngayeje xota̱ xi síndo ki̱a̱a̱, kó jún boá xi ku̱i̱yotjingíjnúu̱ nga kjo̱tjo kui ngi̱ndiee̱.

Éksondo̱ 34:24

Án boá xi kꞌoxié kjo̱a̱ꞌniú án xota̱ na̱xi̱ńdá xí ngasee̱, tsi̱ꞌe̱ nga jún tsie ngase ngi̱ndie kꞌuiéjnú. Bo̱a̱ tsꞌén nga ngojín xi ka̱ma kjo̱a̱ꞌáxínjnú ngi̱ndiejnú kjiꞌanga kji̱ndi̱bá niꞌándikónjnúꞌun.

Xki̱ 11:20

Ngaskande ngo sá tsjàa̱ nga skji̱ni̱e̱ yojo, ngaskande nga kꞌo̱joo̱n nga skji̱ni̱e̱, ¡ngaskande nga ka̱ma tsꞌe̱e̱, ko̱jo ngaskande nga ṉtjo̱n kjo̱tjoni kui yojoo̱! »Kuí boá kui nii̱ xi ka̱majénií kjo̱a̱a̱ nga katsꞌénchꞌóna, kó nga kamábendikónjínna ngindyikónjnú. Kuí boá kui nii̱ xi ka̱maa̱ ta̱ngatꞌanii̱ nga bi̱ katsó: “¡Ta̱sara̱ nda ngase tsi ki̱a̱ kixindyión nangi Ejipto̱!”

Xki̱ 11:34

Kuíni nga kui ngi̱ndiee̱ Kibroo̱t-Ataabaa̱ ítꞌajaꞌén, «nga̱tsjo̱ó xota̱ xi bojoó», tsó kui jaꞌeén, ngatꞌa̱ ki̱a̱ boá nínga akjanijín xota̱ xi ta̱soboá nichiniee̱ tsí xi katsꞌénkjó.

Xki̱ 11:4

Kó xki̱ jñó xki̱ jñó manaa̱ ko̱jo xoñoo̱ nijan ixó nga joó ki̱a̱ ngi̱jin kꞌijñaá. Manaa̱ xi̱xi̱ kamá xikoó to ndi̱ꞌee̱, kó sinié kamá xikoó ndándyíko̱n yaá. Nga ta̱jño̱ó boá nga kijíkjaꞌaꞌyá xotaa̱ ki̱a̱ ngi̱jin kꞌijñaá, sꞌe̱ jaskan katsꞌo, kó katsꞌénchján, kósꞌe̱ pan katsꞌéndani kui nii̱. Manaa̱, bo̱a̱ kichinie xikoó pan xi ndso̱ko̱a̱n ṉño̱pan niꞌándajo̱ni xi mindyiaa̱ isti̱. Ta̱nga ngi̱jii̱n xota̱ Israee̱l kisꞌińdo xota̱ xi xín nangi chji̱a̱ni, kui xi ta̱soboá nichiniee̱ xí nda̱ kamaá. Kó xota̱ Israee̱l ki̱a̱ nijan kamájo̱ kui xotaa̱, kó ítsꞌi̱yanii̱ nga askjandá nga bi̱ katsó: «¡Achichíra̱ ndakjiꞌi tsi ka̱ma xi̱ni̱e̱ yojo katsaki! A foaꞌátsjienjnú tji̱o̱ xi ta̱ kichinie kjo̱a̱nda ñá ki̱a̱ nangi Ejipto̱. ¡Kó achichí nda kichinié ṉcho̱ pepinoo̱, ko̱jo ṉcho̱ meloo̱n, ko̱jo xka̱ puerroo̱, ko̱jo tsjo̱o̱, ko̱jo jaxo̱ xi kichinié jàn jàn! Ta̱nga ngotꞌe̱ ꞌne̱, jè kjimaya bojó, ¡kó ta̱kuítsí manaa̱ xi ndyi̱yà ngotꞌe̱!»

2 Xota̱ Korinto̱ 9:14

Kó kjiꞌanga kui xotaa̱ ku̱i̱chji̱a̱a̱ Néná, ku̱i̱chji̱a̱tjéjnú kjo̱a̱a̱ nga tjoó jún, ko̱jo kjo̱a̱a̱ kui kjo̱a̱nda je xi je katsjájnú Néná.

Ndeuteronomio̱ 12:21

Tsi kjin mánii̱ ndiꞌandikoón nínga tindyiónjnú, kó tsi ka̱májín kongínjnú, ka̱má si̱ꞌankꞌiénjnú cho̱yojojnú ko̱jo cho̱tsa̱nga̱jnú ki̱a̱ na̱xi̱ńdá nínga tindyiónjnú, kó ka̱ma xi̱ni̱e̱jnú yojoo̱ kui cho̱o̱. Nga si̱ꞌánjnú kui nii̱, chjiénjín nga tjín ni xi si̱ꞌánjnú nga si̱ꞌantsjiejnú yojojnú, xikó niꞌánjnú kjiꞌanga chiniejnú yojoo̱ ngo ndi̱kꞌijñá chjo̱on ko̱jo tsi ndi̱kꞌijñá xíꞌín.

Ndeuteronomio̱ 19:8

»Tsi jún si̱ꞌansenjnúu̱ ni xi tꞌíxián an, kó tsi tjójnú ko̱jo tsi ko̱nda̱ꞌyáꞌénjnúu̱ Néná, kuí boá xi tsja̱ajnú kui tꞌanangi xi katsóyàtjoón xota̱ xi xchájnú nga tsja̱á. Ngije kachjábéjnú kó ngije ki̱a̱ tindyiónjnú, chjiéngá kꞌuijñátꞌaxínjnú ngi ján na̱xi̱ńdáꞌniú, tsi̱ꞌe̱ nga ki̱a̱ ka̱ma ku̱i̱ndyionꞌmá. Kó bo̱a̱ tsꞌén nga ngojín jún xi sꞌi̱nieé ngo jé kjo̱a̱a̱ ngo xota̱ xi jmí jéjiín.

Xota̱ Filipo̱ 1:8

Ngatꞌa̱ Néná xí chistiko̱ nga achichí tjóna ngayeje jún xikótsꞌèn ꞌniú tjoó Jesukristoo̱ an.

Xota̱ Filipo̱ 2:26

Ngatꞌa̱ achichí kamámejeén nga sku̱i̱e̱jnú ngayejejnú, kó achichí nda̱ kamaá kjo̱a̱a̱ nga jún je kamáyàjnú nga ndajín kisꞌiee̱ kui.