Ndeuteronomio̱ 12:1 - Xo̱jo̱n eén Néná

¹ Sꞌe̱ jaskan Moisee̱ bi̱ katsoó xota̱ na̱xi̱ńdaá: «Ngije ki̱a̱ tindyiónjnú kui tꞌanangi xi Néná katsóyàtjónjnú nga tsja̱ajnú, chjiéngá ngatsjéni̱xtjin si̱ꞌankjatjosónjnú kui kjo̱a̱botíxoma xi̱ꞌbi̱:

Ndeuteronomio̱ 12:1 ပူးပေါင်းရင်းမြစ်များ

Joo̱b 7:1

»Achichí ꞌniú xá xí niꞌán nga tindyión kuí nga̱sondiee̱, kó ni̱xtjinná xikónií ni̱xtjii̱n ngo nda̱ xi tsꞌénxá ngi̱jin jno̱o̱.

Xo̱jo̱n Salmoo̱ 104:33

Ngatjie xota̱ xi ndyi̱tsꞌènjeé, kó ngatjiesón xota̱ xi ndajiín. Ji Ne, ¡tji̱e̱nga tindyionjne̱ nga̱sondie si̱ꞌantsjajne̱ ji, kó ko̱ndájne̱ só! Tsjangatamaa̱ nga chjábé kjo̱a̱niꞌánkjójne̱, ¡jí boá xi kjo̱a̱tsja xi ꞌniú jejne̱! ¡Si̱ꞌantsjàa̱ Néná, ngayeje ini̱ma̱ná! ¡Jo̱o̱n, si̱ꞌantsjàa̱ Néná!

Xo̱jo̱n Salmoo̱ 119:5

Mejénna sa̱ꞌinchji̱ni̱e̱ an yojona, kó sa̱ꞌinkjatjosón an ni xi tsó kjo̱a̱botíxomàa̱.

Ndeuteronomio̱ 11:32

chjiéngá si̱ꞌankjatjosónjnú ngayeje kjo̱a̱kiti xi ngotꞌe̱ tsꞌéntsjájnúꞌun».

Ndeuteronomio̱ 12:19

Ngata̱ ꞌbíjñámasiénjínjnú xota̱ tji̱e̱e̱ Lebii̱ tji̱e̱nga nga ki̱a̱ ku̱i̱ndyionjnú kui tꞌanangii̱.

Ndeuteronomio̱ 3:18

»Kui ni̱xtjin jàn katsjáa̱ kjo̱a̱ jájuún nga iskjíbé ni xi kjánjo̱. Ngatꞌa̱ chjiéngá kui xi kijítjoón xota̱ tji̱e̱e̱ xi kji̱e̱ jmíjiín nangi xi tsi̱ꞌe̱, ngatꞌa̱ Néná boá xi tsja̱á ngo ngi̱ndie.

Ndeuteronomio̱ 4:19

Ngata̱ niꞌándikónjínjnú tsꞌueé ko̱jo tsi saá, ko̱jo tsi ńñoo, ko̱jo tsi ndiꞌí xí tjín nkꞌa jàn xí tsꞌentsíjee̱n na̱xi̱ńdaá, ngatꞌa̱ Néná boá xi katsꞌénda kui nii̱.

Ndeuteronomio̱ 4:5

»Néná boá xi je katsjákjo̱a̱na nga kokoyájnúꞌun ngayeje kjo̱a̱botíxomaa̱, tsi̱ꞌe̱ nga ko̱nda̱ꞌyáꞌénjnú ki̱a̱ nangi nínga ku̱i̱ndyionjnú. Kó bo̱a̱ tsꞌén kjiꞌanga xota̱ na̱xi̱ńdá xí ngasee̱ ku̱i̱ntꞌiè kuí kjo̱a̱botíxomaa̱, bo̱a̱ ka̱tso̱ nga jún boá ngo xtín xota̱ na̱xi̱ńdá xí je, xi chji̱ni̱e̱, ko̱jo xi tjiín kjo̱a̱kjíntakón, ngatꞌa̱ tjínjnú ngo kjo̱a̱bokoyá xi nda, kó májnú ndaꞌyáꞌénjnúu̱ kui kjo̱a̱bokoyaá.

Ndeuteronomio̱ 5:1

Moisee̱ ítikó ngayeje xota̱ na̱xi̱ńdá Israee̱l, kó bi̱ katsoó: «Jún xota̱ Israee̱l tasiénijónjnúꞌun ngotjón, ngatꞌa̱ kꞌi̱e̱ tsjajnúꞌun kjo̱a̱kiti ko̱jo kjo̱a̱botíxoma xi chjiéngá nda ka̱majnú ko̱jo xi chjiéngá si̱ꞌankjatjosónjnú xikó tsó.