Ndeuteronomio̱ 11:9 - Xo̱jo̱n eén Néná

⁹ Tsi bo̱a̱ si̱ꞌánjnú, kjín nó ka̱majnú nga ku̱i̱ndyionjnú kui tꞌanangi xi Néná je katsóyàtjónjnú nga tsja̱ajnú. ¡Achichí nda kui tꞌanangii̱ nga ngatsjéni̱xtjin tjín nichinie!

Ndeuteronomio̱ 11:9 ပူးပေါင်းရင်းမြစ်များ

Éksondo̱ 20:12

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú kui na̱xi̱ńdá xi an tsjajnúꞌun.

Énkjínkón 10:27

Xota̱ xi bendikón Néná, achichí kjín nó ka̱maa̱, ta̱nga xota̱ xi ꞌniú ndajiín, nde tsiejín ka̱maa̱ nga kꞌuíndo nga̱sondie.

Énkjínkón 3:16

Kuí boá xi xikoó tsi ki̱a̱ tjiyá tsja xi kixi̱ nga tsja̱á nga kjín ngase ni̱xtjin ku̱i̱ndyin ji, ko̱jo xikoó tsi ki̱a̱ tjiyá tsja skón nga tsja̱á nga xcha̱ndikoón, ko̱jo nga tsie kjo̱a̱cho̱n tsja̱á.

Énkjínkón 3:2

kó bo̱a̱ tsꞌén nga kjín ni̱xtjin ko̱jo kjín nó ka̱maa̱ nga ku̱i̱ndyin ji nga̱sondie, kó kꞌuieé kjo̱a̱xió.

Énkjínkón 9:11

Ngatꞌa̱ án boá xi sa̱ꞌin an nga kjín ngase ni̱xtjin ku̱i̱ndyin ji nga̱sondie, kó kjín ngase nó ka̱maa̱.

Ndeuteronomio̱ 1:8

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 11:10

Nga kixindyionjnú nangi Ejipto̱ achichí ꞌniú kiniꞌánxájnú tsi̱ꞌe̱ nga ikꞌítji̱e̱jnú ko̱jo nga akasíndájnúu̱ tꞌanangii̱.

Ndeuteronomio̱ 11:21

kó bo̱a̱ tsꞌén nga jún ko̱jo ndíjnú, kjín nó ka̱majnú nga ku̱i̱ndyionjnú kui tꞌanangi xi katsóyàtjónjnú Néná nga tsja̱ajnú. ¡Ki̱a̱ ku̱i̱ndyionjnú tji̱e̱nga kꞌuijñá nkꞌajmii̱!

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

Ndeuteronomio̱ 5:16

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga nda ku̱i̱ndyionjnú, kó kjín nó ka̱majnú nga ku̱i̱ndyionjnú kui na̱xi̱ńdá xí an tsjajnúꞌun.

Ndeuteronomio̱ 5:33

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Ndeuteronomio̱ 6:18

Tsi ni xi nda ko̱jo ni xi kixi̱ si̱ꞌánjnú, achichí tsjá ka̱maa̱ Néná. Kó kuí boá xi sa̱ꞌín nga nda ku̱i̱ndyionjnú ki̱a̱ tꞌanangi nda xi katsóyàtjoón xota̱ xi xchájnú nga tsja̱á.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Ndeuteronomio̱ 8:7

»Tsitsíjenjnúu̱ nga Néná ngo tꞌanangi xi ta̱nisién nda tsꞌéntsjájnú, xi tjiín xo̱ngàndántꞌié, ko̱jo ndáfoa xi sijén, ko̱jo ndáńchꞌi̱ xi tjo nínga tjín nangi xi són ko̱jo na̱xi̱i̱.