Ndeuteronomio̱ 11:18 - Xo̱jo̱n eén Néná

^18-20 »Nda má tjajintakónjnú kui kjo̱a̱bokoyaá, kó ti̱ꞌankjójnú, ti̱ꞌanꞌindójnú nga ngaskande ka̱ma kjótꞌajnú tjiajnú, ko̱jo tsi ka̱ma kjótꞌajnú xtjienjnú, tsi̱ꞌe̱ nga ngatsjéni̱xtjin kjo̱a̱ꞌátsjienjnú. Tjatꞌajnú ki̱a̱ nga̱ntjo̱a̱a̱ ndiꞌajnú, ko̱jo nínga bitjasꞌi̱e̱nnii̱ na̱xi̱ńdáꞌniú nínga tindyiónjnú nga. Ngatsjéni̱xtjin takoyajnúu̱ ndíjnú ta̱jñà ngi̱ndiení,

Ndeuteronomio̱ 11:18 ပူးပေါင်းရင်းမြစ်များ

Éksondo̱ 13:16

Kó kuí nii̱ xi xikoó tsi ngo chi̱bo̱a̱ ka̱majnú jún xi kjótꞌajnú ndsa̱jnú ko̱jo tsi xtjienjnú, tsi̱ꞌe̱ nga kjo̱a̱ꞌátsjienjnú nga Néná katsꞌénkjién ngaꞌniuú nga tsꞌaxiéná nangi Ejipto̱”».

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Énkjínkón 3:1

Ji ndí ngata̱ niꞌínchíyéjín ji kjo̱a̱kitina, kó tjajintakín ji kjo̱a̱botíxomana,

Énkjínkón 3:3

Ngatsjéni̱xtjin ngatꞌieé kjo̱a̱ni̱ma̱takón ko̱jo kjo̱a̱kixi̱, xikoó tsi ngo ni xi jmeyá kjásen ji ngatamaa̱, kó ngi̱jin ini̱ma̱a̱ tꞌíjñijin ji kui nii̱,

Matioo̱ 23:5

Ngatꞌa̱ tsꞌén ngayeje nii̱, tsi̱ꞌe̱ nga xotaa̱ sku̱i̱e̱ ko̱jo ku̱i̱ꞌíndikón, kuíni nga tjín én xí kjitꞌa xo̱jo̱n eén Néná xi ꞌbítꞌa ngo ndí xo̱jo̱n, sꞌe̱ ngo koxa̱ tji̱xin mindyiá, sꞌe̱ xtjien ko̱jo tjiaa̱ ꞌbítꞌa, kó sa yiꞌi, sa yiꞌi tsꞌén kuí koxa̱a̱ ko̱jo tsje̱je̱é ńjñoo̱, tsi̱ꞌe̱ nga ngayeje xotaa̱ sa̱ꞌínkjó nga ta̱nisién bendikón Néná,

Ndeuteronomio̱ 32:46

Ngi̱chií sájín Moisee̱, bi̱ katsoó xota̱ na̱xi̱ńdaá: «Nda má ti̱ꞌankjójnú kjo̱a̱a̱ ngayeje ni xi je akoyájnúꞌun, kó tatíxomájnúu̱ ndí xíꞌínjnú ko̱jo ndí ínchjínjnú, tsi̱ꞌe̱ nga ku̱i̱ntꞌiéꞌén nga ngo nga ngo kui kjo̱a̱botíxomaa̱.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

Xota̱ Ebreo̱ 2:1

Kuíni nga chjiéngá si̱ꞌansée̱n kuí én xí je kandaꞌyá, tsi̱ꞌe̱ nga kje̱ꞌejín ndi̱yà kongín.

2 Xo̱jo̱o̱n Peé 1:12

Kuíni nga ngatsjéni̱xtjin sa̱ꞌinkjaꞌátsjienjnúꞌun ni xi tjítsꞌenꞌindójnúꞌun, ndatsi je yàjnú, kó ndatsi ꞌniú tindyiàjnú ngi̱yaa̱ ja̱koxi̱ xi je akakoyájnú.