Ndeuteronomio̱ 10:8 - Xo̱jo̱n eén Néná

⁸ »Ki̱a̱ boá nínga Néná jaꞌájin xota̱ tji̱e̱e̱ Lebii̱, tsi̱ꞌe̱ nga kui xi ko̱a̱ꞌa̱nijín koxa̱a̱ kjo̱a̱ꞌbíndaa̱ kjiꞌanga tjín nínga kjo̱jo, kui kjo̱a̱ꞌbínda xi katsꞌénjo̱jnú Néná. Kó kui xota̱ tji̱e̱e̱ xi kamá chináꞌmi nga kui xi kꞌuíndotjón nga si̱ꞌantsjaa̱ Néná ko̱jo nga kui xi sa̱ꞌínchikonñé xota̱ na̱xi̱ńdaá nga sa̱ꞌínkjién jaꞌeén Néná. Ngaskande ngotꞌe̱ kuí xaá xi tsꞌén,

Ndeuteronomio̱ 10:8 ပူးပေါင်းရင်းမြစ်များ

Xo̱jo̱n Salmoo̱ 134:1

¡Ti̱ꞌantsjàjnúu̱ Néná ngayejejnú xi xá tsi̱ꞌe̱ ndyi̱niꞌánjnú! ¡Ti̱ꞌantsjàjnúu̱ ko̱jo jún nga, kui xi ki̱a̱ na̱ngo̱xi̱i̱ ndyi̱ndájnúu̱ só nga ni̱xtji̱e̱e̱n!

Xo̱jo̱n Salmoo̱ 134:2

¡Chjanínkꞌájnú ndsa̱jnú kjiꞌanga Néná ko̱ndókjo̱a̱jnúu̱! ¡Ki̱a̱ tsitsíjenjnú xtji̱e̱e̱n nínga tikón ṉchandikoón, kó ti̱ꞌantsjàjnúu̱ Néná!

Xo̱jo̱n Salmoo̱ 135:2

¡Ti̱ꞌantsjàjnúu̱ jún, xi ngatsjéni̱xtjin nga tindyiónjnú ki̱a̱ ndi̱tsen na̱ngo̱xi̱i̱ Néná!

Lebitiko̱ 8:9

Kó to̱ko̱ íjñaá ni ꞌbíꞌá tokoo̱, kó nga̱soón kui nii̱ yítꞌaa̱ ndí axtañó xi to̱nsinieé, bo̱a̱ katsꞌén xikó má katsoó Néná nga atíxomaa̱. Kui ndí axtañó xi to̱nsinieé, kuí boá xi katsóyà nga Aaroo̱n boá xi ngo chináꞌmi xi je ta̱ xaá Néná tsí xi kisꞌijñani.

Lebitiko̱ 9:22

Nga fetꞌa, Aaroo̱n yejéntie tsja xtji̱e̱e̱n nínga síndo xota̱ na̱xi̱ńdaá kósꞌe̱ katsꞌénchikonñé. Jaskan ngije katsꞌénkꞌasꞌien Aaroo̱n kjo̱a̱tjoó, jatjoxín boaꞌá nínga tikón ṉchandikoón,

Xki̱ 3:31

Xota̱ tji̱e̱e̱ Koaa̱t boá xi askoo̱n koxa̱a̱ kjo̱a̱ꞌbíndaa̱, ko̱jo yámíxa̱a̱ pan xi niꞌánkꞌasꞌiee̱n Néná, ko̱jo ni xi ꞌbítíyá ndiꞌí xí tsꞌentsíjee̱n, ko̱jo ṉchaa̱n, ko̱jo ńjño kortina̱ xi tji̱e̱n ngi̱ndie nínga ꞌniú ndikoón, ko̱jo ngayeje ni xi kamáchjién kjiꞌanga kiniꞌántsjaá Néná.

Xki̱ 3:6

«Ndokjoée̱ xota̱ tji̱e̱e̱ Lebii̱, tsi̱ꞌe̱ nga ko̱síko̱jo xá xí tsꞌén chináꞌmi Aaroo̱n, ko̱jo xá xí tsoboaá nga sa̱ꞌín xota̱ na̱xi̱ńdaá ki̱a̱ ndiꞌandikoón, ngatꞌa̱ kuí boá xi skoón ndiꞌandikoón ko̱jo ngayeje ni xi niꞌánkjién kuí ngi̱ndiee̱.

Xki̱ 4:15

»Ngije ka̱maa̱ Aaroo̱n ko̱jo ndií nga ku̱i̱ꞌítsakjájón ngayeje ni xi machjién ki̱a̱ ndiꞌandikoón Néná, kó ngije ko̱e̱je̱, nangíyé ji ndií Koaa̱t tsi̱ꞌe̱ nga kui xi ko̱a̱ꞌa̱nijín ngayeje kui nii̱. Ta̱nga chjiéngá skoón nga ta̱xkiya sa̱ꞌínjo̱jín ngo ni xi ndikoón, ngatꞌa̱ ko̱yà tsí bo̱a̱ sa̱ꞌín. Kuí bí kui xaá xi sa̱ꞌín xota̱ tji̱e̱e̱ Koaa̱t ki̱a̱ ndiꞌandikoón.

Juaa̱ 15:16

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Ni xi kamá 13:2

Ngo ni̱xtjin tji̱e̱nga síndotikó nga ndyi̱tsꞌéndíkón Ndi̱a̱ná, ko̱jo nga ndyi̱tsꞌèn kjindiá, A̱si̱énni̱xtjii̱n Néná, bi̱ katsó: –Tꞌíjñitꞌaxínní Bernabee̱ ko̱jo Sauloo̱, tsi̱ꞌe̱ nga sa̱ꞌín kui xá xí tsíchji̱a̱ñàa̱.

Xota̱ Roma̱ 1:1

Tsꞌentíndejnú Pabloo̱, nda̱ xi Néná tsíchji̱a̱a̱ nga katsjáxaá tsi̱ꞌe̱ nga apostro̱ ka̱ma an, kó íjñátꞌaxínna, tsi̱ꞌe̱ nga kꞌuini̱jmì án éntjatsi̱e̱e̱ Néná.

Xota̱ Roma̱ 12:7

Xi katseꞌeé kjo̱a̱nda tsi̱ꞌe̱ nga sa̱ꞌínseén xotaa̱, ngatsꞌénseén. Xi katseꞌeé kjo̱a̱nda tsi̱ꞌe̱ nga ko̱kóyá, ngatakoyá.

2 Xota̱ Korinto̱ 6:17

Kó kuíni nga bi̱ katsó ngase Néná: Tji̱taxínjinjnú ngamasiee̱n kui xotaa̱, kó tji̱taxínboaꞌájnú, tsó Ndi̱a̱ná. Ngata̱chiíjín niꞌánjo̱jnú ni xi ndándí ngindyikón an. Kó án skjíbéjnúꞌun.

Xota̱ Ngalasia̱ 1:15

Ta̱nga ngindiee̱ nga stse̱n an, Néná íjñátꞌaxínna kó katsjáxána, ngatꞌa̱ achichí je kjo̱a̱ndaa̱ kui.

Ndeuteronomio̱ 17:12

»Chjiéngá si̱ꞌankꞌien tsi tjín jún xi ta̱ngatꞌanii̱ kjo̱a̱nkꞌatakoón nga sa̱ꞌínjo̱ꞌojín ni xi ka̱tso̱ nendiꞌamasiee̱n, ko̱jo tsi chináꞌmi xi mosoo̱ Néná. »Tsi si̱ꞌankjatjosónjnú kui kjo̱a̱botíxomaa̱, jmí ni xi ndajín kꞌuiéjín ki̱a̱ na̱xi̱ńdá Israee̱l,

Ndeuteronomio̱ 18:5

Néná boá xi jaꞌájin xota̱ tji̱e̱e̱ Lebii̱, ko̱jo ngayeje xota̱ tji̱e̱e̱, tsi̱ꞌe̱ nga kui xi sa̱ꞌín ngayeje ni xi niꞌán nganiꞌántsjaá Néná.

Ndeuteronomio̱ 21:5

»Kjiꞌanga ka̱ma kui nii̱, chjiéngá ki̱a̱ ko̱e̱je̱ chináꞌmii̱. Néná boá xi jaꞌájin nga kui xi kꞌuíndotjoón nga si̱ꞌantsjaa̱ Néná, ko̱jo nga kuí boá xi sa̱ꞌínchikonñé xota̱ na̱xi̱ńdaá nga sa̱ꞌínkjién jaꞌeén Néná, ko̱jo nga kuí boá xi ka̱tso̱yà nga fetꞌa, mí ni xi si̱ꞌan kjiꞌanga tjín ngo kjo̱a̱se, ko̱jo tsi ngo kjo̱a̱xti.

Ndeuteronomio̱ 31:9

Moisee̱ katsꞌénꞌindó ngayeje kui kjo̱a̱bokoyaá, kósꞌe̱ katsꞌénkꞌasꞌiee̱n kui xo̱jo̱n xi kiniꞌánꞌindoó já ngito̱ko̱o̱ xota̱ Israee̱l, ko̱jo já chináꞌmii̱, ngatꞌa̱ kuí boá xi tsaꞌanijín koxa̱a̱ kjo̱a̱ꞌbíndaa̱.