Ndeuteronomio̱ 10:18 - Xo̱jo̱n eén Néná

¹⁸ »Néná kixi̱ tsꞌénjo̱ xota̱ xi je kamáxꞌi̱a̱n, ko̱jo ínchjín kꞌán xi je kꞌien xi̱ꞌii̱n, kó bokó nga tjoó nga tsjaá ńjño xi boajá ko̱jo nga tsjaá nichinie xota̱ xi xín nangi chji̱a̱ni xi ki̱a̱ síndojinjnú.

Ndeuteronomio̱ 10:18 ပူးပေါင်းရင်းမြစ်များ

Xo̱jo̱n Salmoo̱ 10:18

kó ꞌmijindeje̱ ji xota̱ xi síndo xꞌi̱a̱a̱n, ko̱jo xota̱ xi ndajín kjimataꞌii̱n, tsi̱ꞌe̱ nga ingojín xota̱ nga̱sondiee̱ xi sa̱ꞌiín ni xi ꞌniú ndajín kje̱ꞌe xota̱.

Xo̱jo̱n Salmoo̱ 103:6

Néna, kuí boá xi ngo ne ndiꞌa masien xi kixi̱, xi be kjo̱a̱nda xi tjiín xota̱ xi ndyi̱foaꞌatio kjo̱a̱ni̱ma̱a̱.

Xo̱jo̱n Salmoo̱ 146:9

Néná boá xi koo̱n xota̱ xi xín nangi chji̱a̱ni, kó tsꞌénxki̱ xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n. Néná boá xi tsꞌenkjié kjo̱a̱ ni xi mejeén sa̱ꞌín xota̱ xi ꞌniú ndajiín.

Xo̱jo̱n Salmoo̱ 68:5

Néná boá xi na̱ꞌmii̱ xota̱ xi síndo xꞌi̱a̱a̱n, kó kuí boá xi koo̱n ínchjín kꞌán xi je jesón xi̱ꞌii̱n, kuí boá xi Néná ki̱a̱ Ndiꞌandikoón nínga tikón.

Xo̱jo̱n Salmoo̱ 68:6

Kuí boá kui Néná xí tsjaá ngo ndiꞌa xota̱ xi tjimásoón, kó tsꞌéndé xota̱ xi síndo ndo̱bo̱a̱ya̱à, tsi̱ꞌe̱ nga nda ko̱e̱je̱e̱, ta̱nga xota̱ xi ntꞌiéꞌénjiín, ki̱a̱ ꞌbíndo soboá ki̱a̱ tꞌanangi kixií.

Éksondo̱ 22:20

»Tsi tjín xota̱ xi sa̱ꞌínkꞌasꞌiee̱n ngo kjo̱a̱tjó kje̱ꞌe ne, chjiéngá ko̱yà.

Éksondo̱ 22:21

»Ka̱májín ndajín si̱ꞌanjo̱jnú ko̱jo ka̱májín moso̱ xi stiñá si̱ꞌánjnú ngo nda̱ xi xín nangi chji̱a̱ni. Ngatjaꞌátsjienjnú nga jún ti̱ xota̱ xi xín nangi kamájnú ki̱a̱ nangi Ejipto̱.

Éksondo̱ 22:22

»Ka̱májín ndajín si̱ꞌanjo̱jnú ínchjín kꞌán xi je kꞌien xi̱ꞌii̱n ko̱jo xota̱ xi xꞌi̱a̱n xi jmíjiín na̱ꞌmi ko̱jo na̱an.

Éksondo̱ 22:23

Ngatꞌa̱ tsi ndajín si̱ꞌanjo̱jnú, kó tsi an ku̱i̱chji̱a̱na nga kosiko̱jo an, kuintꞌièñáa̱,

Lebitiko̱ 25:35

»Kjiꞌanga ngo xota̱ Israee̱l xi ka̱mani̱ma̱ nga jmí to̱njiín, chjiéngá ko̱si̱ko̱jójnú, xikoó tsi ngo xota̱ xi xín nangi chji̱a̱ni xi ki̱a̱ jachókꞌíjñá kui na̱xi̱ńdaá.

Xki̱ 10:32

Tsi kji̱ndi̱béje̱jne̱ ji, kó tsi ko̱kéjne̱ ndi̱yà, ka̱má ko̱e̱ꞌéchiboajne̱ ngayeje ni xi tsja̱ajne̱ Néná.

Matioo̱ 5:45

tsi̱ꞌe̱ nga ndií Na̱ꞌminá xí tikón ndiꞌakꞌajmi jàn ka̱majnú, ngatꞌa̱ kuí xí tsꞌentjoó tsꞌueé xota̱ xi nda ko̱jo xi ndajín, kó kuí xí tsꞌénkáꞌaá stseé xota̱ xi kixi̱ ko̱jo xi kixi̱jín.

Ni xi kamá 14:17

ndatsi ngatsjéni̱xtjin akoó xotaa̱ kjo̱a̱nda xi tsꞌén, tsi̱ꞌe̱ nga xcha̱ ꞌyání xi kui, ngatꞌa̱ kuí xí tsangiyàjnú stseé, tsi̱ꞌe̱ nga nda ka̱maxchá ni xi ꞌbítji̱e̱jnú, kó kuí xí tsja̱ajnú nga nda xi̱ni̱e̱ nga nda sꞌi̱o̱jnú, ko̱jo nga kꞌuieé kjo̱a̱tsja ini̱ma̱jnú.