Ndeuteronomio̱ 10:17 - Xo̱jo̱n eén Néná

¹⁷ Kuí boá xi ngo Néná xí botixómaá ngayeje ne xi ngasee̱, ngayeje já re, ko̱jo ngayeje na̱xi̱ńdá. Ngaꞌniú xí tjiín kuí boá xi tsꞌénkjátsiéní ngayeje nga̱sondiee̱. Kjiꞌanga ngo ni xi mejeén sa̱ꞌín, kixi̱ tsꞌén kuí nii̱, kó jmíjín xi ka̱maa̱ ngo ni tsja̱á tsi̱ꞌe̱ nga sa̱ꞌínkjatjosónjín ngo ni.

Ndeuteronomio̱ 10:17 ပူးပေါင်းရင်းမြစ်များ

Joo̱b 34:19

Néná katsꞌéndaná ngayeje ñá, tsi xota̱ ni̱ma̱ ko̱jo tsi xota̱ xi cho̱n, jmíjín xi tjó ngasee̱ kui.

Xo̱jo̱n Salmoo̱ 99:3

¡Ngayeje xotaa̱ xi ngatsꞌèntsjaà jaꞌén jèe̱, ko̱jo jaꞌén xí yandikóo̱n, ¡Tsjie boá Néná!

Éksondo̱ 23:8

»Ngata̱ chjábéjínjnú ngo to̱n tsi̱ꞌe̱ nga ngo ni xi kixi̱jín si̱ꞌánjnú. Ngatꞌa̱ kui to̱o̱n tsjandièjiín xotaa̱ nga kixi̱ ka̱ma, kósꞌe̱ nendiꞌamasiee̱n tsꞌénjeé xota̱ xi jmí jéjiín ngijee̱.

Markoo̱ 12:14

Kó ngije jachó kui jaá, bi̱ katsoó: –Mostro̱, jè yàjne̱ nga ja̱koxi̱ ni xi bokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n, ta̱sá ja̱koxi̱i̱ ndi̱yà xí tsi̱ꞌe̱ Néná xí tibokoyé ji. A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱. A ko̱e̱ꞌéjne̱ axa̱ ko̱e̱ꞌéjínjne̱.

Ni xi kamá 10:34

Kó Peé bi̱ katsó nga tsíchji̱a̱: –Ngotꞌe̱ ꞌne̱ makjínna nga ja̱koxi̱ boá nga Néná skjánjín tsꞌénjo̱ xotaa̱,

Xota̱ Roma̱ 2:11

Néná skjánjín tsꞌénjo̱ xotaa̱.

Xota̱ Ngalasia̱ 2:6

Ta̱nga kui já xí ya nga ngito̱ko̱o̱ na̱ngo̱xi̱i̱, nde chií ni xi tja̱tsi̱e̱ yísónjiín éntjatsi̱e̱ xi ini̱jmi án. Tsi ngito̱ko̱ ko̱jo tsi jmí, jmí ndasénjínna, ngatꞌa̱ ta̱ ngo ndse̱je̱n ñá ngindyi̱ko̱n Néná.

Xota̱ Éfeso̱ 6:9

Kó jún xi ndi̱a̱jnú, jè yàjnú nga ta̱ ngo tsí má Ndi̱a̱ xi tikón ndiꞌakꞌajmii̱ xi botixómájnú jún, ko̱jo moso̱ xi kastiñaá, kó Ndi̱a̱ná skjánjín tsꞌénjo̱ xota̱a̱, kuíni nga bo̱a̱ ti̱ ti̱ꞌanjo̱jnú moso̱jnú kó ngata̱ mindyiandikónjínjnúu̱.

Ndeuteronomio̱ 24:17

»Nda ti̱ꞌanjo̱jnú xota̱ xi ki̱a̱ jachókꞌíndo tsá ki̱a̱ na̱xi̱ńdaá, ko̱jo xota̱ xi xꞌi̱a̱n. »Tsi tjín ni xi si̱ꞌankíyájnúu̱ ngo xota̱chjo̱on kꞌán xi je kꞌien xi̱ꞌii̱n, nga ńjñoo̱jín chjiáꞌajnúu̱ tsi̱ꞌe̱ nga kui nii̱ xi ku̱i̱ꞌíjñangini.

Ndeuteronomio̱ 7:21

Kuíni nga, ngata̱ ndakonjínmájnú. Néná ki̱a̱ kjótsoꞌbájo̱jnú, kó ngayeje xi be ngaꞌniuú Néná ngaskande fotsié má.

Xota̱ Kolosa̱ 3:25

Ta̱nga kui xota̱ xi ni xi kixi̱jín sa̱ꞌiín, sa̱ko̱ó ni xi tsoboaá kjo̱a̱a̱ kui ni xi katsꞌén, ngatꞌa̱ Néná skjánjín tsꞌénjo̱ xotaa̱.

1 Timoo̱ 6:15

Kui Jesukristoo̱ xi kjo̱e̱ꞌe kuí má ni̱xtjin xi mejeén Néná nga kjo̱e̱ꞌe. Ta̱ ngo tsí má kui Néná xi tsja tjiín, kui xi botixómáná ngayeje ñá, kuí xí nda̱ Ree̱ ngayeje re, ko̱jo Ndi̱a̱a̱ ngayeje ndi̱a̱.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.

Ni xi akakoo̱ 17:14

Kuii̱ xi skjánjo̱ cho̱tsa̱nga̱a̱, ta̱nga cho̱tsa̱nga̱a̱ sa̱ꞌiín, ngatꞌa̱ kuí boá xi Ndi̱a̱a̱ ngayeje ndi̱a̱ ko̱jo Ree̱ ngayeje re, kó kui xota̱ xi ki̱a̱ nijan síndojo̱, kuí boá xi Néná tsíchji̱a̱a̱ nga xota̱ xi ꞌniátakón.

Ni xi akakoo̱ 19:16

Kó nga̱són ńjñoo̱ ko̱jo nga̱són ti̱ꞌmi̱í kjitꞌa ngo jaꞌén xi bi̱ tsó: REE̱ NGAYEJE RE KO̱JO NDI̱A̱A̱ NGAYEJE NDI̱A̱.