Ndeuteronomio̱ 10:12 - Xo̱jo̱n eén Néná

¹² »Mí ni xi mejeén Néná nga si̱ꞌánjnú jún. Ta̱ ngototo nga xcha̱ndikónjnú ko̱jo nga ko̱nda̱ꞌyáꞌénjnúu̱, ko̱jo nga si̱ꞌantjójnú, ko̱jo nga si̱ꞌantsjajnúu̱ ngayeje ini̱ma̱jnú.

Ndeuteronomio̱ 10:12 ပူးပေါင်းရင်းမြစ်များ

Joo̱b 36:11

Tsi kui xi ku̱i̱ntꞌiéꞌeén Néná, kó tsi ki̱a̱ sa̱ꞌínxátꞌaa̱, ngatsjéni̱xtjin nga tsjatsꞌèn ko̱jo nga nda kꞌuíndo,

Xo̱jo̱n Salmoo̱ 128:1

¡Néná tsꞌénchíkonñé ngayeje xota̱ xi ntꞌiéꞌeén, ko̱jo xi fítji̱ngi kjo̱a̱bokoyaá!

Xo̱jo̱n Salmoo̱ 145:20

Ngatsjéni̱xtjin nga tichìi̱n ngayeje xota̱ xi tjoó ji, ta̱nga niꞌínkjié jí xota̱ xi ꞌniú ndajiín.

Xo̱jo̱n Salmoo̱ 18:1

¡Ji Ne, achichí tjóna ji, ngatꞌa̱ jí boá xi boeꞌéní ngaꞌniú!

Xo̱jo̱n Salmoo̱ 34:9

Jún xi xota̱ tsjiee̱ Néná, cha̱ndikónjnú kuí, ngatꞌa̱ ta̱jmìjínni xi chajaa̱ xota̱ xi bendikón Néná.

Xo̱jo̱n Salmoo̱ 81:13

»¡Achichíra̱ tsjana tsi xota̱ na̱xi̱ńdána tsintꞌiéna katsaki! ¡Achichíra̱ tsjana tsi xota̱ Israee̱l ki̱a̱ kisꞌiṉtso̱ma ndi̱yàna katsaki!

Xo̱jo̱n Salmoo̱ 81:14

¡Ta̱ ngotjónra̱ tsí katsꞌenkjié án kondra̱a̱, kó katsꞌenkjiénra̱ an ngaꞌniúna nga katsꞌenkjié an kondra̱a̱!

Éksondo̱ 23:25

»Ti̱ꞌantsjàjnúꞌun, ngatꞌa̱ án boá xi Nejnú. Án boá xi sa̱ꞌinchikonñéjnúꞌun nga tsjajnúꞌun tsie nichinie. Jmí ni̱xtjin tsjandiè an nga sa̱kóchiꞌinjnú,

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Matioo̱ 22:37

Kó Kjisoo̱, bi̱ katsó: Ti̱ꞌintjé ji Ne xi Ndi̱a̱a̱ ngayeje ini̱màa̱, ngayeje kjo̱a̱mindyiòo̱n, ko̱jo ngayeje takín.

Rkaa̱ 10:27

Kó kui nda̱ chji̱ni̱e̱kjo̱a̱kitii̱, bi̱ katsó: –Ti̱ꞌintjé ji Ndi̱a̱a̱, kui xi Nèe̱ ngayeje ini̱màa̱, ngayeje kjo̱a̱mindyiòo̱n, ko̱jo ngayeje ngaꞌniúu̱, ko̱jo ti̱ꞌintjé ji xotaa̱, xikó má tsꞌén tjoó yojòo̱.

Rkaa̱ 11:42

¡Ni̱ma̱ xò jún já fariseo̱! Nga boeꞌéjnú jún ngo tjín xi tie nga úchaán xka̱ mentaa̱, ko̱jo xka̱ rundaa̱, ko̱jo ngayeje xka̱ xi maxchájnú, ta̱nga chꞌiáxki̱jínjnú kjo̱a̱kixi̱i̱ ko̱jo kjo̱a̱tjoó Néná. Chjiéngá si̱ꞌánjnú kui nii̱, ta̱nga ti̱ chjiéngá si̱ꞌánjnú ni xi ingoo̱ nga.

Ni xi kamá 9:31

Tji̱e̱nga ngayeje xota̱ na̱ngo̱xi̱ xi chji̱a̱ni nangi Jundea̱, ko̱jo nangi Ngalilea̱, ko̱jo nangi Samaria̱ kisꞌiee̱ kjo̱a̱xió, ko̱jo kasakongaꞌniuú, kó kamándikoón Néná nga kisꞌińdo, kó A̱si̱énni̱xtjii̱n Néná katsjángaꞌniuú kui xotaa̱.

Xota̱ Roma̱ 1:9

Néná kui xi ngayeje ini̱ma̱na nga tjítsꞌen an xaá nga tsꞌénꞌbini̱jmì án éntjatsi̱e̱e̱ ndií, be nga ngatsjéni̱xtjin tsꞌénchji̱a̱tjejnúꞌun, kjiꞌanga chjiáa̱ kui.

Xota̱ Roma̱ 8:28

Kó jè ya nga xota̱ xi tsꞌéntjó Néná, Néná tsꞌeén ni xi nda nganda tsi̱ꞌe̱, xota̱ xi Néná jaꞌájin xikótsꞌèn kamámejeén kui.

Ndeuteronomio̱ 10:11

Ta̱sá tsíꞌána nga kotíjña̱nda an tsi̱ꞌe̱ nga an kjuíntjónjnúꞌun nga ku̱i̱xkántjé kuí tꞌanangi xi katsóyàtjoón nga tsja̱á xota̱ xi xchájnú.

Ndeuteronomio̱ 10:13

Néná mejeén nga jún si̱ꞌankjatjosónjnú ngayeje kjo̱a̱botíxomaa̱, tsi̱ꞌe̱ nga nda ku̱i̱ndyionjnú.

Ndeuteronomio̱ 11:1

Kó Moisee̱ bi̱ katsó ngasee̱ xota̱ na̱xi̱ńdaá: «Takójnú nga tjójnú Nejnú kó ti̱ꞌankjatjosónjnú kjo̱a̱botíxomaa̱.

Ndeuteronomio̱ 11:13

»Kuíni nga, tsi si̱ꞌankjatjosónjnú kjo̱a̱botíxoma xi ngotꞌe̱ tsꞌéntsjájnúꞌun, kó tsi si̱ꞌantjójnú, ko̱jo tsi si̱ꞌantsjajnúu̱ Néná, ngayeje ini̱ma̱jnú ko̱jo ngayeje kjo̱a̱mindyionjnú,

Ndeuteronomio̱ 26:16

Moisee̱ bi̱ katsó ngasee̱ xota̱ na̱xi̱ńdaá: «Néná boá xi tsꞌénbotixómájnú ngotꞌe̱ nga ko̱nda̱ꞌyáꞌénjnúu̱ ngayeje kjo̱a̱botíxomaa̱. Te̱ꞌéjnú ndso̱ꞌbájnú nga ko̱nda̱ꞌyáꞌénjnúu̱ ngayeje ini̱ma̱jnú ko̱jo ngayeje kjo̱a̱mindyionjnú.

Ndeuteronomio̱ 27:10

Kuíni nga, chjiéngá ko̱nda̱ꞌyáꞌénjnúu̱ ngayeje nii̱, ko̱jo nga si̱ꞌankjatjosónjnúu̱ kjo̱a̱botíxoma xi ngotꞌe̱ je katsjajnúꞌun».

Ndeuteronomio̱ 30:16

Tsi tjójnú Néná, kó tsi si̱ꞌankjatjosónjnú kjo̱a̱botíxomaa̱, Néná sa̱ꞌínchikonñéjnú. Achichí kjín nó ka̱majnú ki̱a̱ na̱xi̱ńdá xi si̱ꞌankꞌasꞌienjnú, kó achichí kjín ndí kꞌuiéjnú.

Ndeuteronomio̱ 30:20

kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú».

Ndeuteronomio̱ 4:29

Ta̱nga tsi ja̱koxi̱ nga kixi̱jnú, kó tsi ngayeje ini̱ma̱jnú nga chji̱a̱ꞌajnúu̱ nga sa̱ꞌínjetakónjnú Néná, ndatsi kui na̱xi̱ńdaá tindyiónjnú, Néná sa̱ꞌínjetakónjnú.

Ndeuteronomio̱ 5:29

Achichíra̱ ndakjiꞌi tsi jmíni̱xtjin ko̱síkjo ni xi ndyi̱tsó, kó nga ngatsjéni̱xtjin nga ngatsꞌéndíkónna ko̱jo ngatsꞌénkjátjosón kjo̱a̱botíxomana. Kó bo̱a̱ tsꞌén nga kui ko̱jo xota̱ tji̱e̱e̱ nda kꞌuíndo.

Ndeuteronomio̱ 5:33

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Ndeuteronomio̱ 6:13

Kuíni nga ti̱ꞌantsjàjnúu̱ Néná, kó ta̱kuítsí xi ndaꞌyáꞌénjnúu̱. Tsi ngo ni kꞌuíndajnú xi si̱ꞌankjatjosónjnú, ta̱ jaꞌén tsi̱ꞌe̱ tsí xi ti̱ꞌankjiénjnú.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

Ndeuteronomio̱ 6:24

Kósꞌe̱ atíxomajne̱ nga chjiéngá xcha̱ndikónjne̱ kui ngatsjéni̱xtjin, ko̱jo nga ko̱nda̱ꞌyáꞌénjne̱ kjo̱a̱botíxomaa̱. Kó tsi ko̱nda̱ꞌyáꞌénjne̱ Néná ko̱jo kjo̱a̱botíxomaa̱, kuí boá xi sa̱ꞌín nga nda ku̱i̱ndyionjne̱, kó nga ku̱i̱ndyionrajne̱ nga̱sondie, xikó kjimajne̱ ngaskande ngotꞌe̱”».

Ndeuteronomio̱ 6:5

Ti̱ꞌintjé ji Nèe̱ ngayeje ini̱ma̱a̱, ngayeje kjo̱a̱mindyiòo̱n, ko̱jo ngayeje ngaꞌniúu̱.

1 Timoo̱ 1:5

Kuíni nga bo̱a̱ kixianñaa ngatꞌa̱ mejénna nga si̱ꞌantjó xingi̱, nga kꞌuiéná ngo kjo̱a̱tjó xi ndibánií ngi̱jin ini̱ma̱ tsjiená, ko̱jo ngi̱jii̱n kjo̱a̱kjíntakón ndaná, ko̱jo ngi̱jii̱n kjo̱a̱sꞌijin ja̱koxi̱ná.

Xota̱ Ebreo̱ 12:28

Kó kuíni nga, ngije Néná katsjáná ngo ngi̱ndie xi botíxoma xi májiín matíyaá, ko̱e̱ꞌée̱ ndokꞌóchjì kjo̱a̱a̱ kui nii̱, kó bo̱a̱ tsꞌén si̱ꞌansée̱n nga tsjangatamaa̱ kui nga ꞌniú ndikóntsꞌèn si̱ꞌantsjàa̱,

1 Xo̱jo̱o̱n Juaa̱ 2:15

Ngata̱ niꞌántjójínjnú ni xi ndajín xi tjiín kui nga̱sondiee̱, ko̱jo ni xi niꞌán xi ndajiín nga. Tsi tjín xí tsꞌén kuí nii̱, tikónjinjiín kjo̱a̱tjoó Néná xí Na̱ꞌmii̱.

1 Xo̱jo̱o̱n Juaa̱ 5:5

Xi sꞌijii̱n nga Kjisoo̱ xi ndií Néná, kuí boá xi tsꞌeén nga tsꞌénchájá kui nga̱sondiee̱.