Ndeuteronomio̱ 1:8 - Xo̱jo̱n eén Néná

⁸ Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 1:8 ပူးပေါင်းရင်းမြစ်များ

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 15:16

Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».

Jenesii̱s 15:18

Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Éksondo̱ 23:31

»Kui ngi̱ndie xi an tsjajnúꞌun, ngo ndiè xi ko̱a̱ꞌa̱nii̱ ndeskande Ndáchíkón Inií ngaskande ndáchíkón Menditerráneoo̱, kó xi ingo ndieè, ki̱a̱ ko̱a̱ꞌa̱nii̱ ndeskande nangi kixií ngaskande ndejèꞌ Éufratee̱. Jún boá xi ko̱ti̱xomájnúu̱ ngayeje xota̱ xi síndo ki̱a̱a̱, kó jún boá xi ku̱i̱yotjingíjnúu̱ nga kjo̱tjo kui ngi̱ndiee̱.

Éksondo̱ 33:1

Néná bi̱ katsoó Moisee̱: «Tja̱tje ji kui ngi̱ndiee̱, kó tꞌenje̱ ji xota̱ na̱xi̱ńdá xí kaꞌnaxié ji nangi Ejipto̱, ki̱a̱ tꞌanangi xi ji tsjaa kixiáa̱n Abraa̱n, ko̱jo Isaa̱, ko̱jo Jakoo̱b. Án boá xi ja̱koxi̱ boá nga tsjàa̱ xota̱ tji̱e̱ tse̱ kixiáa̱n. ¡Achichí nda kui tꞌanangii̱, nínga tjín tsie ni xi ma chinie! An sangiya an ndítsjiena tsi̱ꞌe̱ nga ko̱e̱je̱tjoón, kó kꞌoxié an kui ngi̱ndiee̱ ngayeje xota̱ na̱xi̱ńdá xi ntꞌiéꞌénjínna. »Bo̱a̱ tꞌíi̱n xota̱ Israee̱l nga kjuínjo̱jín an, ngatꞌa̱ jè achichí kitikjo̱a̱ kamá, kó tsi sa̱ꞌínjé nginí, tsi ndajín ni̱xtjin, sa̱ꞌinkjié an ngi̱ya ndi̱ya̱à. Tji̱e̱n ngatjaꞌáxínra ngayeje ni tsjakon xi tsꞌénkjién nga bónda yojoo̱. Ngi̱chí sájín, án xí be an kóra̱ sa̱ꞌìi̱n kui nii̱». Ngije bo̱a̱ katsoó Moisee̱, xota̱ Israee̱l achichí ndasen kisꞌińdo, ngatꞌa̱ Néná ꞌniú katsꞌénxchánjo̱. Kó ti̱ kjiꞌa ingojín xi katsꞌénkjién ngase ni xi tsꞌénkjién nga bónda yojoo̱.

Xki̱ 32:11

“Ja̱ kó nga kamámejénjiín tsintꞌiéꞌénna, ja̱koxi̱ ni xi xian an, nga ngojín kui xota̱ xi jatjoni nangi Ejipto̱ xi je tsꞌatio kan noó, xi kꞌo̱sꞌien kui tꞌanangi xi tsjajnúꞌun kixiáa̱n xota̱ xi xchájnú, kui xi Abraa̱n, ko̱jo Isaa̱, ko̱jo Jakoo̱b.

Ndeuteronomio̱ 10:11

Ta̱sá tsíꞌána nga kotíjña̱nda an tsi̱ꞌe̱ nga an kjuíntjónjnúꞌun nga ku̱i̱xkántjé kuí tꞌanangi xi katsóyàtjoón nga tsja̱á xota̱ xi xchájnú.

Ndeuteronomio̱ 11:9

Tsi bo̱a̱ si̱ꞌánjnú, kjín nó ka̱majnú nga ku̱i̱ndyionjnú kui tꞌanangi xi Néná je katsóyàtjónjnú nga tsja̱ajnú. ¡Achichí nda kui tꞌanangii̱ nga ngatsjéni̱xtjin tjín nichinie!

Ndeuteronomio̱ 26:15

Kó ji ki Ne, jí boá xi katseꞌéjne̱ ngo na̱xi̱ńdá nínga ngatsjéni̱xtjin tsie nichinie tjín. Kó nga je katsꞌenkjatjosón an ngayeje nii̱, ti̱ꞌinchikonñí ji kui tꞌanangii̱, ko̱jo kui xota̱ na̱xi̱ńdaá ndeskande ki̱a̱ na̱ngo̱xi̱ xi tikón ndiꞌakꞌajmii̱”».

Ndeuteronomio̱ 26:3

Kó ki̱a̱ konginkíndyiánjnú ngindyi̱ko̱n chináꞌmii̱, sꞌe̱ bi̱ kꞌuínjnúu̱: “Ngotꞌe̱ ꞌne̱, ngindyi̱ko̱n Néna mejénna nga ngayeje xi sku̱i̱e̱ nga jè tikòn an ki̱a̱ tꞌanangi xi Néná katsóyàtjoón nga tsja̱á xota̱ xi xchájne̱”.

Ndeuteronomio̱ 28:11

»Ngije ki̱a̱ tindyiónjnú ki̱a̱ tꞌanangi xi Néná je katsóyàtjón nga tsja̱á xota̱ xi xchájnú, achichí nda sa̱ꞌínjo̱jnú. Kuí boá xi sa̱ꞌín nga kjín ndí kꞌuiéjnú, kó sa̱ꞌín nga ka̱makjín cho̱ xi kꞌuítji̱e̱jnú. »Ngayeje ni xi kꞌuítji̱e̱jnú, achichí tsie ni xi ka̱maxchaá,

Ndeuteronomio̱ 29:12

Kꞌi̱e̱ síndo kꞌi̱e̱e̱ tsi̱ꞌe̱ nga ka̱tso̱yà nga sa̱ꞌínkjatjosón ngo ni. Kuí boá xi bo̱a̱ ka̱tso̱ nga sa̱ꞌínkjatjosón kui kjo̱a̱ꞌbínda xi Néná tjítsꞌénjo̱jnú jún kui ni̱xtjin xi̱ꞌbi̱.

Ndeuteronomio̱ 30:20

kó ti̱ꞌantjójnú Néná ko̱jo nga ngatsjéni̱xtjin nga ko̱nda̱ꞌyáꞌénjnúu̱. Ngi̱ya ndsa̱jnú tikón tsi mejénjnú nga kjín nó ka̱majnú nga ku̱i̱ndyionjnú ki̱a̱ tꞌanangi xi Néná katsóyàtjoón nga tsja̱á Abraa̱n, ko̱jo Isaa̱, ko̱jo Jakoo̱b, kui xi xota̱ xi xchájnú».

Ndeuteronomio̱ 31:7

Kósꞌe̱ ti̱ kjiꞌa Moisee̱ tsíchji̱a̱a̱ Josuee̱, kó ngindyi̱ko̱n ngayeje xota̱ na̱xi̱ńdaá nga bi̱ katsoó: «Ji Josuee̱, chjiéngá ꞌniú ko̱jo chꞌokon ka̱ma ji, ngatꞌa̱ jí boá xi kꞌuínje̱ ji kui xota̱ na̱xi̱ńdaá, ki̱a̱ tꞌanangi xi Néná jè bo̱a̱ katsoó nga tsja̱á xota̱ xi xchaá. Jí boá xi si̱ꞌin ji nga sa̱ꞌín kui tꞌanangii̱ nga skjántjé.

Ndeuteronomio̱ 34:4

Kui ngi̱ndiee̱ Néná bi̱ katsoó Moisee̱: «Kuí bí kui na̱xi̱ńdaá xi tsjàa̱ xota̱ Israee̱l. Bo̱a̱ kixiáa̱n nga katsóyàtjóo̱n Abraa̱n, ko̱jo Isaa̱, ko̱jo Jakoo̱b, xota̱ xi xcháa̱. Kamámejénna nga xchi̱e̱ ji, ngatꞌa̱ ku̱i̱tjásꞌi̱njín ji ki̱a̱a̱».

Ndeuteronomio̱ 4:1

Bi̱ katsó ngase Moisee̱: «Jún xota̱ Israee̱l tangíntji̱ngíjnú kui kjo̱a̱bokoyá xi je katsjajnúꞌun, tsi̱ꞌe̱ nga ki̱a̱ ku̱i̱ndyionjnú, kó ti̱ꞌankjiénjnú kui nangi xi tsja̱ajnú kui Ne xi tsi̱ꞌe̱ xota̱ xi xchájnú.

Ndeuteronomio̱ 6:10

»Néná katsóyàtjoón Abraa̱n, ko̱jo Isaa̱, ko̱jo Jakoo̱b, nga jún tsja̱ajnú kui tꞌanangii̱, ngatꞌa̱ jún boá xi xota̱ tji̱e̱e̱ kui xotaa̱. Kó kuíni nga jún boá xi ku̱i̱ndyionjnú na̱xi̱ńdáꞌniú xí yiꞌi, ko̱jo xi achichí tsjákón xi júnjín kiniꞌándajnú,

Ndeuteronomio̱ 7:12

»Tsi ngatsjéni̱xtjin si̱ꞌankjatjosónjnú kui kjo̱a̱bokoyaá, ja̱ ti̱ Néná sa̱ꞌínkjatjosón kui ni nda xi índajo̱ xota̱ xi xcháná.

Ndeuteronomio̱ 7:13

Tsi ko̱nda̱ꞌyáꞌénjnú, Néná sa̱ꞌínchikonñéjnú, ko̱jo sa̱ꞌíntjójnú, kó ngo na̱xi̱ńdá xí ꞌniú je sa̱ꞌínjnú. Néná achichí tsjatsꞌèn sa̱ꞌínkꞌíndo ndí xí kꞌuiéjnú, kó tsie to ndso̱ko̱a̱n ṉño̱pan, ko̱jo tsie bino̱, ko̱jo tsie isti̱ tsja̱á. Kó kjín cho̱ tjié kꞌuieé nga kꞌuíndo ki̱a̱ tꞌanangi xi katsóyàtjoón xota̱ xi xcháná nga tsja̱á.

Ndeuteronomio̱ 7:8

Tsi Néná jè katsꞌéndéjnú nga moso̱ kamájnú ki̱a̱ nangi Ejipto̱, kjo̱a̱a̱ nga tjórií jún. Katsꞌénkjién ngaꞌniú jee̱ nga katsꞌeén nda̱ ree̱ nangi Ejipto̱, kó bo̱a̱ tsꞌén katsꞌénkjatjosón ni xi katsóyàtjoón xota̱ xi xcháná.

Ndeuteronomio̱ 8:1

Kó Moisee̱ bi̱ katsó ngasee̱ xota̱ na̱xi̱ńdaá: «Chónjnú nga si̱ꞌankjatjosónjnú ngayeje kui kjo̱a̱botíxoma xi tsꞌéntsjájnúꞌun kui ni̱xtjii̱n, tsi̱ꞌe̱ nga ka̱ma ku̱i̱ndyionjnú kui tꞌanangi xi Néná katsóyàtjoón xota̱ xi xchájnú nga tsja̱á. Tsi si̱ꞌankjatjosónjnú, jún tsa̱jún ka̱ma kui tꞌanangii̱, kó achichí ndí kꞌuiéjnú.

Xota̱ Ebreo̱ 6:13

Ngatꞌa̱ kjiꞌanga Néná katsóyàtjoón Abraa̱n ni xi tsja̱á, ti̱kuíní Néná xí katsjá tsꞌoa nga bo̱a̱ sa̱ꞌin an katsó, ngatꞌa̱ jmíjín ingo xi nkꞌa ngase xaá,

Xota̱ Ebreo̱ 6:14

kó bi̱ katsó: “Ja̱koxi̱ boá nga an xi tsie kjo̱a̱niꞌánchikonñé tsjaa, kó án xí sa̱ꞌin an nga kjín ka̱ma xota̱ tji̱e̱e̱.”