Ndeuteronomio̱ 1:19 - Xo̱jo̱n eén Néná

¹⁹ »Jaskan ngije kamá kui nii̱, Néná atíxománá nga kjo̱tjo ñá kꞌi̱e̱ na̱xi̱ Oree̱b, kósꞌe̱ kongín na̱xi̱ nínga síndo xota̱ Amoo̱r. Achichí kandakón, kó ikitjá ngamasiee̱n nangi kixií, ngaskande nga jáchó Kandee̱-Barnea̱.

Ndeuteronomio̱ 1:19 ပူးပေါင်းရင်းမြစ်များ

Xki̱ 10:12

Kui ni̱xtjii̱n, xota̱ Israee̱l jastjíe̱n kó kijítji̱ngii̱ kui ṉdi̱i̱ ki̱a̱ nangi kixií na̱xi̱ Sinaii̱, ngaskande nga jachó nangi kixií Paraa̱n, xikó má tsꞌén atíxomaa̱ Néná nga tsíchji̱a̱jo Moisee̱.

Xki̱ 13:13

Setuu̱r, xi chji̱a̱ni xota̱ tji̱e̱e̱ Asee̱r,

Xki̱ 13:26

ki̱a̱ Kandee̱, ki̱a̱ nangi kixií nangi Paraa̱n. Kó ki̱a̱ katsóyaà Moisee̱, ko̱jo Aaroo̱n ko̱jo ngayeje xota̱ Israee̱l ngayeje ni xi kamábe. Kó akoó to xi ndyi̱yaꞌa xi kasakoo̱ kui ngi̱ndiee̱.

Xki̱ 32:8

Bo̱a̱ má katsꞌén xota̱ xi xchájnú nga tjón tjón nga. Kjiꞌanga katsangiya an ndeskande Kandee̱-Barnea̱ nga kijíkatsijenꞌmá kui ngi̱ndiee̱, jachó ngaskande xo̱ngàndántꞌié Eskoo̱l. Sꞌe̱ jaskan jeꞌe kꞌi̱e̱e̱ nga jeꞌekoón xota̱ Israee̱l tsi̱ꞌe̱ nga sa̱ꞌínkjiékjo̱a̱, kó nga kjo̱a̱ꞌajín nangi xi Néná je katsóyàtjoón nga tsja̱á.

Ndeuteronomio̱ 1:20

Ki̱a̱ boá nínga bo̱a̱ kixianjnúꞌun nga Néná je katsjáná nangi nínga na̱xi̱i̱ xota̱ Amoo̱r, kó ti̱ katsꞌenꞌniútakónjnúꞌun, tsi̱ꞌe̱ nga si̱ꞌánjnú kui tꞌanangii̱ nga ku̱i̱xkántjéjnú, xikó má katsó Néná nga atíxoma.

Ndeuteronomio̱ 1:7

kuíni nga chja̱ꞌátikójnú ndiꞌajnú, kó tangínjnú xtji̱e̱e̱n na̱xi̱i̱ ki̱a̱ nínga tjíndo xota̱ Amoo̱r, ko̱jo tangínjnú ngayeje nangi xi síndo nga ngo foaꞌatjiyajoo̱n kui ngi̱ndiee̱. Tangínjnú nangi Arabaa̱, ki̱a̱ nínga na̱xi̱i̱, ko̱jo nínga soón, ko̱jo nangi kixí xi tikón xtji̱e̱e̱n na̱ngi, ko̱jo tꞌa ndáchíkoón, ko̱jo nangii̱ xota̱ tji̱e̱e̱ Kaa̱n, ko̱jo nangi Líbano̱, ngaskande nga kjóchójnú ki̱a̱ ndejèꞌ Éufratee̱.

Ndeuteronomio̱ 32:10

»Kjiꞌanga Néná kasakoo̱ jún, ki̱a̱ kisꞌiṉtso̱majnú nangi kixií, ki̱a̱ nangi xi tjo̱o̱ atíchajon, ta̱nga Néná iskjíbengíjnú, kó askonjnú xikoó tsi ndyi̱ko̱n kui tsꞌénkoón.

Ndeuteronomio̱ 8:15

kó nga Néná boá xi kistsoꞌbátjónjnú nga tsangínjnú ki̱a̱ nangi kixií, ngo ngi̱ndie xi je, ko̱jo xi achichí chꞌochon, nínga tjikítsie má ye̱ xi tsꞌenkꞌiénná, ko̱jo cho̱ndáyá, kó jmí ni kamájínjnú. Ngata̱ chíyájínjnuú kótsꞌèn Néná tsꞌaxiéni ndáfoa ngo ndi̱jo̱, kjiꞌanga kjifesón xíndájnú, kó kisꞌiejínjnú ni xi sꞌi̱o̱jnú.