Ndeuteronomio̱ 1:16 - Xo̱jo̱n eén Néná

^16-18 »Kó kuí má chi̱bo̱a̱a̱ nga bo̱a̱ kixianjnúꞌun jún ngayeje ni xi chjiéngá si̱ꞌánjnú. Kó bo̱a̱ kixiáa̱n já nendiꞌamasiee̱n nga ta̱són nga kixi̱ sa̱ꞌínjo̱ ngayeje xotaa̱, jmí ndasénjín tsi xota̱ ni̱ma̱ ko̱jo tsi xota̱ cho̱n, tsi xota̱ Israee̱l, ko̱jo tsi xín nangi chji̱a̱ni, kó nga ngojín ni ko̱jo tsi xota̱ xi stsa̱kjo̱ón, ngatꞌa̱ Néná boá xi ko̱síko̱jo nga nijan ka̱ma ni xi sa̱ꞌín. Kó ti̱ bo̱a̱ kixiáa̱n nga kjiꞌanga sa̱ko̱ó ngo kjo̱a̱xti xi ta̱nisién niꞌín, an nga tsangiyana, tsi̱ꞌe̱ nga an sa̱ꞌindajin an.

Ndeuteronomio̱ 1:16 ပူးပေါင်းရင်းမြစ်များ

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Xo̱jo̱n Salmoo̱ 58:1

Ngo ni kosíyájnúꞌun, jún xi xota̱xá xí botíxomájnú. A ja̱koxi̱ boá nga ni xi kixi̱ xi ꞌmíyajnú. A kixi̱ ndyi̱niꞌánjéjnúu̱ xota̱ nga̱sondiee̱.

Éksondo̱ 22:21

»Ka̱májín ndajín si̱ꞌanjo̱jnú ko̱jo ka̱májín moso̱ xi stiñá si̱ꞌánjnú ngo nda̱ xi xín nangi chji̱a̱ni. Ngatjaꞌátsjienjnú nga jún ti̱ xota̱ xi xín nangi kamájnú ki̱a̱ nangi Ejipto̱.

Énkjínkón 31:9

¡ꞌNiú ndókjo̱e̱ ji, tsi̱ꞌe̱ nga kixi̱ tsꞌén si̱ꞌansee̱n! ¡Tꞌenjindeje̱ ji xota̱ ni̱ma̱a̱ ko̱jo xota̱ xi ni̱ma̱kjo̱a̱ síndoo̱!»

Lebitiko̱ 19:15

»Tsi ngo ni kꞌuíndajnú nínga kjimandajin ngo ni, kixi̱ ti̱ꞌánjnú kui nii̱. Ngata̱ kjo̱a̱ndaa̱jín ngo xota̱ mongínjnú, tsi cho̱n ko̱jo tsi ni̱ma̱.

Lebitiko̱ 24:22

»Kui kjo̱a̱kitii̱ tsi̱ꞌe̱ ngayeje xotaa̱ boá, tsi xota̱ Israee̱l ko̱jo tsi xota̱ xi xín nangi chji̱a̱ni. Án boá xi Nee̱ xota̱ Israee̱l».

Juaa̱ 7:24

Nga ta̱xkiya ꞌmíjínjnú tsi nda ko̱jo tsi ndajínkjiꞌi ngo ni xi bo̱a̱ tsꞌén bee̱takónjnú, bo̱a̱ ti̱ꞌánjnú ta̱nga kjo̱a̱a̱ ngo ni xi kixi̱.

Ndeuteronomio̱ 1:15

Kuíni nga jaꞌajin an jáxíꞌín xi ꞌniú chji̱ni̱e̱ ngase, ko̱jo xi je ꞌniú be ni xi sa̱ꞌín, kó kuí boá xi indo an nga kui xi ka̱ma ngito̱ko̱jnú. Tjín xí kisꞌiee̱ xá nga sa̱ꞌínseén ngo mi̱ xota̱, kje̱ꞌe xí úchán xota̱ katsꞌénseén, kje̱ꞌe xí ichítié xota̱ katsꞌénseén, kje̱ꞌe xí tie xota̱ katsꞌénseén. Tjín xí indo an nga kui xi ka̱ma ngito̱ko̱o̱ ngo ndo̱jò xtín xota̱ tji̱e̱.

Ndeuteronomio̱ 24:14

»Tsi ngo xota̱ xi ni̱ma̱ nga jmí to̱njiín ko̱e̱ꞌéxájnúu̱, ngije kju̱i̱e̱ ni̱xtjii̱n ndakjiꞌi tꞌíchjíjnúu̱. Xota̱ xi ni̱ma̱a̱, xota̱ Israee̱l, ko̱jo xota̱ xi xín nangi chji̱a̱nii̱, tsꞌénxá tsi̱ꞌe̱ nga skji̱ni̱e̱ ko̱jo kꞌuí, kó kuíni nga to̱n chjieén. Tangíntji̱ngíjnú kui kjo̱a̱botíxomaa̱, ngatꞌa̱ tsi bo̱a̱jín si̱ꞌánjnú, kui xotaa̱ ngindyi̱ko̱n Néná ko̱óngítaꞌínjnú, kó Néná ko̱tíjéjnú jún.

Ndeuteronomio̱ 25:1

»Ngayeje xi kꞌuieé ngo kjo̱a̱xti ngi̱jinjnú, chjiéngá ngindyi̱ko̱n jáxaá kongínjo̱, tsi̱ꞌe̱ nga kui jáxaá xi bo̱a̱ ka̱tso̱ ꞌyání xi tjiín jé, kó ꞌyání xi jmíjéjiín.

Ndeuteronomio̱ 27:11

Ti̱ kuii̱ ni̱xtjin, Moisee̱ katsjaá kui kjo̱a̱botíxomaa̱ xota̱ Israee̱l:

Ndeuteronomio̱ 31:14

Ngije kamá kui nii̱, Néná bi̱ katsoó Moisee̱: «Jè má kjachó ni̱xtjin nga ko̱yè jí. Kuíni nga mejénna nga ji, ko̱jo Josuee̱ kongínjnú ki̱a̱ ndiꞌandikoón, tsi̱ꞌe̱ nga an xiyàjnúꞌun ni xi si̱ꞌánjnú». Kó Moisee̱ ko̱jo Josuee̱ kijí ki̱a̱ ndiꞌandikoón,

1 Xota̱ Tesalónika̱ 2:11

Jún jè yàjnú nga xikótsꞌénjo̱ na̱ꞌmii̱ ngo ndí, bo̱a̱ katsꞌenjo̱jnúꞌun nga ngo nga ngojnú nga ꞌniú tsíchji̱a̱jojnúꞌun, ko̱jo nga katsjangaꞌniújnúꞌun.

1 Timoo̱ 5:21

Ngindyi̱ko̱n Néná ko̱jo ngindyi̱ko̱n Ndi̱a̱ná Jesukristoo̱ ko̱jo ndítsjie xi jaꞌájin, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán, nga ta̱ són si̱ꞌinje̱ ji xotaa̱, kó nga jmíjín xi chje̱ꞌéjin ji.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.