Ndeuteronomio̱ 1:15 - Xo̱jo̱n eén Néná

¹⁵ Kuíni nga jaꞌajin an jáxíꞌín xi ꞌniú chji̱ni̱e̱ ngase, ko̱jo xi je ꞌniú be ni xi sa̱ꞌín, kó kuí boá xi indo an nga kui xi ka̱ma ngito̱ko̱jnú. Tjín xí kisꞌiee̱ xá nga sa̱ꞌínseén ngo mi̱ xota̱, kje̱ꞌe xí úchán xota̱ katsꞌénseén, kje̱ꞌe xí ichítié xota̱ katsꞌénseén, kje̱ꞌe xí tie xota̱ katsꞌénseén. Tjín xí indo an nga kui xi ka̱ma ngito̱ko̱o̱ ngo ndo̱jò xtín xota̱ tji̱e̱.

Ndeuteronomio̱ 1:15 ပူးပေါင်းရင်းမြစ်များ

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 24:1

Néná bi̱ katsoó Moisee̱: «Mejénna nga kji̱ndi̱bénijíngí ji kui na̱xi̱i̱, tsi̱ꞌe̱ nga kꞌi̱e̱ ko̱ndókjo̱e̱jení. Ka̱ma kji̱ndi̱béje̱ ji Aaroo̱n, ko̱jo Nandaa̱b, ko̱jo Abiuu̱, ko̱jo ichítié ko̱jo kan xota̱ ngito̱ko̱o̱ na̱xi̱ńdá Israee̱l. Ta̱nga ka̱májín kji̱ndi̱bá boaꞌá kui xotaa̱ nínga tikòn an. Ta̱ jí tsí xi ka̱ma kji̱ndi̱béchin tiñaní. Nga kjóchójnú, mejénna nga ta̱ kjin ko̱si̱e̱nnijnú tikójnú. Ta̱nga ka̱májín kji̱ndi̱bá ngase kje̱ꞌe xota̱ kꞌi̱e̱e̱».

Xki̱ 1:4

ko̱jo ngito̱ko̱o̱ xtín xota̱ ndiꞌa, kui xi kꞌuíndotjoón nga ngo nga ngo xtín xota̱ tji̱e̱. Kuí bí xi̱ꞌbi̱ ngito̱ko̱o̱ xtín xota̱ ndiꞌa xi chjiéngá ko̱síko̱joo̱: Xi chji̱a̱ni xota̱ tji̱e̱e̱ Rubee̱n: Elisuu̱r ndií Sendeuu̱r. Xi chji̱a̱ni xota̱ tji̱e̱e̱ Simeoo̱n: Selumiee̱l ndií Surisandaii̱. Xi chji̱a̱ni xota̱ tji̱e̱e̱ Jundáa̱: Naasoo̱n ndií Aminandaa̱b. Xi chji̱a̱ni xota̱ tji̱e̱e̱ Isakaa̱r: Natanaee̱l ndií Suaa̱r. Xi chji̱a̱ni xota̱ tji̱e̱e̱ Sabuloo̱n: Eliaa̱b ndií Eloo̱n. Xi chji̱a̱ni xota̱ tji̱e̱e̱ Efraii̱n: Elisamaa̱ ndií Amiuu̱nd. Xi chji̱a̱ni xota̱ tji̱e̱e̱ Manasee̱: Ngamaliee̱l ndií Pendasuu̱r. Xi chji̱a̱ni xota̱ tji̱e̱e̱ Benjaa̱: Abindaa̱n ndií Ngindonii̱. Xi chji̱a̱ni xota̱ tji̱e̱e̱ Ndaa̱n: Ayiesee̱r ndií Amisandaii̱. Xi chji̱a̱ni xota̱ tji̱e̱e̱ Asee̱r: Pangiee̱l ndií Okraa̱n. Xi chji̱a̱ni xota̱ tji̱e̱e̱ Ngaa̱nd: Eliasaa̱f ndií Reuee̱l. Xi chji̱a̱ni xota̱ tji̱e̱e̱ Neftalii̱: Ayiraa̱ ndií Enaa̱n».

Xota̱ Éfeso̱ 4:11

Kó kuí boá xi índo nga ngotꞌe̱ tjín já xí apostro̱, ko̱jo xi chji̱ni̱e̱ꞌe̱én Néná, ko̱jo xi ꞌbini̱jmì éntjatsi̱e̱e̱ Néná, ko̱jo xi síndotjoón xota̱ na̱ngo̱xi̱i̱, ko̱jo xi mostro̱.

Ndeuteronomio̱ 1:14

»Kó jún nda kasasiennijnú kui nii̱.

Ndeuteronomio̱ 1:16

»Kó kuí má chi̱bo̱a̱a̱ nga bo̱a̱ kixianjnúꞌun jún ngayeje ni xi chjiéngá si̱ꞌánjnú. Kó bo̱a̱ kixiáa̱n já nendiꞌamasiee̱n nga ta̱són nga kixi̱ sa̱ꞌínjo̱ ngayeje xotaa̱, jmí ndasénjín tsi xota̱ ni̱ma̱ ko̱jo tsi xota̱ cho̱n, tsi xota̱ Israee̱l, ko̱jo tsi xín nangi chji̱a̱ni, kó nga ngojín ni ko̱jo tsi xota̱ xi stsa̱kjo̱ón, ngatꞌa̱ Néná boá xi ko̱síko̱jo nga nijan ka̱ma ni xi sa̱ꞌín. Kó ti̱ bo̱a̱ kixiáa̱n nga kjiꞌanga sa̱ko̱ó ngo kjo̱a̱xti xi ta̱nisién niꞌín, an nga tsangiyana, tsi̱ꞌe̱ nga an sa̱ꞌindajin an.

Ndeuteronomio̱ 16:18

»Néná tsja̱á na̱xi̱ńdáꞌniú nga ngo nga ngo tji̱e̱e̱ xotaa̱, kó nga ngo nga ngo kui na̱xi̱ńdáꞌniuú ko̱e̱ꞌéxaá ne ndiꞌa masien ko̱jo xota̱xá, kui xi chjiéngá ndse̱je̱n sa̱ꞌínseén ngayeje xotaa̱. Kuí boá xi ko̱tíxoma, kó kuí boá xi skotsíjee̱n tsi nda ko̱jo tsi ndajín ndyi̱tsꞌèn xota̱ na̱xi̱ńdaá nga kixi̱ sa̱ꞌín xaá, ka̱májín skjíbéngí to̱n tsi̱ꞌe̱ nga ngo ni sa̱ꞌín ngandaa̱ ngo xota̱. Kjiꞌanga tjín xí skjíbéngí ngo to̱n, kuí nii̱ xi tsꞌén nga kui xota̱ xi kjínkón ko̱jo xi kixi̱i̱, xota̱ xi kixi̱jín má ngijee̱.