Na̱ Ruu̱t 4:6 - Xo̱jo̱n eén Néná

⁶ Kó bi̱ katsó xi ingo xota̱ xi xkjín kamá ndie Elimelee̱k: —¡Ann a bo̱a̱, ja̱ ta̱sara̱ kꞌotsiejín an tsobo̱a̱! Ngatꞌa̱ tsi kꞌotsie an xcha̱ja án ngayeje kui to̱o̱n, kó tsi kꞌuié ngasejne̱ kje̱ꞌe ndí, ndí xí tsa̱ꞌa̱n maá ta̱ chiboa tsí ni xi sa̱ko̱ó, ta̱sara̱ nda ngase nga ji si̱ꞌi̱ntsiée̱.

Na̱ Ruu̱t 4:6 ပူးပေါင်းရင်းမြစ်များ

Jenesii̱s 38:8

Kósꞌe̱ Jundáa̱ bi̱ katsoó Onaa̱n: «Tsjajnije̱ ji chjo̱ón ntsꞌie, kó ti̱xenje̱, ti̱ꞌinkjatjosén ji ni xi tsoboaá nga chja̱ ji, ki̱a̱ ka̱maa̱ nga ngatꞌaa̱ ji nga kꞌuieé xota̱ tji̱e̱ ntsꞌie ji».

Lebitiko̱ 25:25

»Tsi ngo xota̱ Israee̱l xi ka̱mani̱ma̱ nga ngiti̱ jmí ni kꞌuiéjiín, kó tsi kꞌuieé ngo kjo̱a̱ꞌniú nga ko̱tíñá tꞌanangii̱, ngo xota̱ xi xkjín xi ꞌniú tiñanii̱ tjínrií kjo̱a̱nda, nga ka̱maa̱ skjántjé kui tꞌanangii̱, tsi̱ꞌe̱ nga ka̱má tsi̱ꞌe̱ ka̱má nginí kui xi tsi̱ꞌe̱ kamá kui tꞌanangii̱.

Ndeuteronomio̱ 25:7

»Tsi kui nda̱ chja̱a̱ ka̱mamejénjiín ku̱i̱xanjo̱ kui xota̱chjo̱on kꞌaán, kui naa̱ ka̱má ko̱e̱je̱katíjétaꞌín kui nda̱a̱ ngindyi̱ko̱n xota̱xa̱á,

Ndeuteronomio̱ 25:8

kó kui jáxaá chjiéngá ku̱i̱chji̱a̱a̱ kui nda̱a̱ kósꞌe̱ ku̱i̱chji̱a̱jo. »Kó tsi ndatsi bo̱a̱ tsꞌén kui nda̱ chja̱a̱ ka̱mamejénjiín ku̱i̱xanjo̱ kui xota̱chjo̱on kꞌaán,

Ndeuteronomio̱ 25:9

ngindyi̱ko̱n jáxaá kui xota̱chjo̱on kjo̱a̱ꞌáxiín ngo ndié xí kjiyaa̱ nda̱ chja̱a̱, sꞌe̱ ko̱títiajón kje̱n nga bi̱ ka̱tso̱: “¡Tsitsíjenjnú! Kuí nii̱ xi tsoboaá nga si̱ꞌanjo̱ ngo xota̱ xi mejénjiín nga tsja̱á xota̱ tji̱e̱ ntsꞌi̱e̱”.

Na̱ Ruu̱t 2:20

Kó na̱ Noemii̱ bi̱ katsoó na̱ Ruu̱t: —¡Néná ngatsꞌénchíkonñé kui xotaa̱! ¡Achichí ndaxota̱ tsꞌénjo̱ná ñá, ko̱jo xota̱ná xi je jesoón! Kui xota̱ xi se ji, xota̱ xkjín ndie xi̱ꞌinna boá, kó tsó kjo̱a̱kiti xi tjínná, nga tjín xoò ngo kjo̱a̱ꞌniú nga skónná.

Na̱ Ruu̱t 3:13

Ta̱sá xió ti̱ꞌinkjaꞌyé ji ngotꞌe̱, kó ndyiojón xcha̱ tsí kui xotaa̱ ka̱mamejeén skoón ji, tsi sa̱ꞌín jo̱ꞌo, jmí kjo̱a̱xtijínna, ta̱nga tsi jmí ka̱tso̱, ngiboanéná nga an skoon ji. Tꞌenni̱ꞌinkjaꞌyé ꞌne̱, kó nda tsjáfé, ndyiojón chiboá.

Na̱ Ruu̱t 3:9

Kósꞌe̱ Boo̱, bi̱ katsoó na̱ xi kjiꞌijñatꞌaa̱: —ꞌYá jií bo̱a̱. Kó na̱ Ruu̱t bi̱ katsó: —Na̱ mosoo̱ boá an. Xota̱ xkjín ndie xi̱ꞌinna ko̱jo ṉchiꞌyána má ji, kó an ko̱jo ṉchiꞌyána chjiénjne̱ nga ji xi xchínjne̱. Mejénna kuíꞌaá nga ku̱i̱xenje̱ní.