Na̱ Ruu̱t 4:1 - Xo̱jo̱n eén Néná

¹ Kósꞌe̱ Boo̱ kijí ki̱a̱ nga̱ntjo̱a̱ nínga bitjasꞌi̱e̱nnii̱ na̱xi̱ńdaá, ki̱a̱ nínga matikó xotaa̱ nga tsꞌendájin kjo̱a̱xti xi ꞌniú ndikoón. Jaskan ngije jaꞌa chiboa ni̱xtjin, ki̱a̱ jaꞌa xi ingo xota̱ xi xkjín kamá ndie Elimelee̱k. Kó Boo̱ bi̱ katsó nga askjandáyaá: —¡Ji nda̱, ja̱bíꞌi̱n, kꞌi̱e̱ tindyin ngotjón ji, ngatꞌa̱ tjín ngo ni xi xchi̱boáni̱jmì!

Na̱ Ruu̱t 4:1 ပူးပေါင်းရင်းမြစ်များ

Jenesii̱s 19:1

Kó ngije kjimangixoón jachó jó kui já ndítsjiee̱ ki̱a̱ na̱xi̱ńdáꞌniú Sondoma̱, kó Loo̱t ki̱a̱ xió tikóntꞌa nga̱ntjo̱a̱a̱ na̱xi̱ńdáꞌniú Sondoma̱, kó nga kamábe Loo̱t kui já ndítsjiee̱, jastjíe̱n nga kijítsꞌentínde, kó asiéntikoó ngaskande nga kisitꞌaa̱ xtjien tꞌanangii̱ nga kamábendikón kuí jaá,

Jenesii̱s 23:10

Kó nga Efroo̱n ki̱a̱ tikón ngi̱jii̱n xota̱ itita̱ xi síndo ki̱a̱a̱, ꞌniú tsíchji̱a̱ nga bi̱ katsoó Abraa̱n tsi̱ꞌe̱ nga ku̱i̱ntꞌiè ngayeje xota̱xá xí kamátikó kuí ngi̱ndiee̱:

Joo̱b 29:7

kjiꞌanga jáchó an nga̱ntjo̱a̱a̱ na̱xi̱ńdaá, katseꞌéndièna nga kixi̱ tsꞌén katsꞌensée̱n xotaa̱,

Joo̱b 31:21

Jmíni̱xtjin nga ndajín katsꞌenjo̱ an xota̱ xi xꞌi̱a̱a̱n nga katsꞌenkjién án xá xí tjínna, tsi̱ꞌe̱ nga an ko̱e̱je̱jindojona ne xi tsꞌendájin kjo̱a̱xtii̱.

Xo̱jo̱n Salmoo̱ 69:12

¡Xota̱ xi ki̱a̱ ꞌbíndo nga̱ntjo̱a̱a̱ na̱xi̱ńdaá an ndyi̱chji̱a̱taꞌinna, kó ngaskande xota̱ xi chꞌi̱i̱ tsꞌéndataꞌinna énkjàn!

Énkjínkón 31:23

Achichí yandikón xi̱ꞌii̱n ki̱a̱ nga̱ntjo̱a̱a̱ na̱xi̱ńdáꞌniuú, kjiꞌanga ki̱a̱ ꞌbíjñajii̱n xota̱ xi xchaá kui ngi̱ndiee̱.

Ndeuteronomio̱ 16:18

»Néná tsja̱á na̱xi̱ńdáꞌniú nga ngo nga ngo tji̱e̱e̱ xotaa̱, kó nga ngo nga ngo kui na̱xi̱ńdáꞌniuú ko̱e̱ꞌéxaá ne ndiꞌa masien ko̱jo xota̱xá, kui xi chjiéngá ndse̱je̱n sa̱ꞌínseén ngayeje xotaa̱. Kuí boá xi ko̱tíxoma, kó kuí boá xi skotsíjee̱n tsi nda ko̱jo tsi ndajín ndyi̱tsꞌèn xota̱ na̱xi̱ńdaá nga kixi̱ sa̱ꞌín xaá, ka̱májín skjíbéngí to̱n tsi̱ꞌe̱ nga ngo ni sa̱ꞌín ngandaa̱ ngo xota̱. Kjiꞌanga tjín xí skjíbéngí ngo to̱n, kuí nii̱ xi tsꞌén nga kui xota̱ xi kjínkón ko̱jo xi kixi̱i̱, xota̱ xi kixi̱jín má ngijee̱.

Ndeuteronomio̱ 17:5

tangínjo̱jnú kui xotaa̱ ngindyi̱ko̱n xota̱xá xí tikón ngi̱ndie nínga botíjeé ki̱a̱ na̱xi̱ńdáꞌniuú, kó kuí boá kui jáxaá, xi bo̱a̱ ka̱tso̱ nga ndi̱jo̱ si̱ꞌankꞌienni.

Ndeuteronomio̱ 21:19

»Nga joó, na̱ꞌmii̱ ko̱jo na̱aa̱n ngatjíjo̱ kui ndií ki̱a̱ nínga bitjasꞌi̱e̱nnii̱ na̱xi̱ńdáꞌniú nínga síndo. Ki̱a̱ nínga matikó ngatsjéni̱xtjin ngito̱ko̱o̱ xota̱ na̱xi̱ńdáꞌniuú.

Ndeuteronomio̱ 25:7

»Tsi kui nda̱ chja̱a̱ ka̱mamejénjiín ku̱i̱xanjo̱ kui xota̱chjo̱on kꞌaán, kui naa̱ ka̱má ko̱e̱je̱katíjétaꞌín kui nda̱a̱ ngindyi̱ko̱n xota̱xa̱á,

Na̱ Ruu̱t 3:12

»Kjénní nga an xingi̱ jún má an, kó nga tjínna ngo kjo̱a̱ꞌniú nga an skonjnúꞌun, ta̱nga tikón ingo xota̱ xi ꞌniú tiña ngase májnú nga xingi̱jnú, ta̱bo̱a̱jiín an.

Na̱ Ruu̱t 3:18

Kósꞌe̱ na̱ Noemii̱ bi̱ katsoó na̱ Ruu̱t: —Ngotꞌe̱ ꞌne̱ ta̱ chjién tsí nga xchiyá sakon sakoón chjo̱on. Beriíko̱n an nga sa̱ꞌínkjaꞌyájín Boo̱ ngaskande nga ka̱mandajin kui nii̱.