Na̱ Ruu̱t 3:1 - Xo̱jo̱n eén Néná

¹ Ngo ndi̱yà na̱ Noemii̱ tsíchji̱a̱jo kja̱ndaa̱ nga bi̱ katsoó: —Ji chjo̱on, tjínna ngo kjo̱a̱ꞌniú án tsi̱ꞌe̱ nga kongasee kje̱ꞌe xíꞌín. Mejénna nga kꞌuieé ngo ndiꞌa xi tse̱ so̱bo̱e̱, ko̱jo nga tsjatsꞌèn ku̱i̱ndyin ji.

Na̱ Ruu̱t 3:1 ပူးပေါင်းရင်းမြစ်များ

Jenesii̱s 40:14

Ngo kjo̱a̱nda míꞌaá, ngatjaꞌátsjien chií an ngije ka̱ma kui nii̱. Nga ka̱ma xi si̱ꞌin ji ndókjo̱e̱je ji nda̱ ree̱ kjo̱a̱a̱ an, kó ꞌna̱xiéní kuí ndo̱bo̱a̱ya̱à.

Xo̱jo̱n Salmoo̱ 128:2

Tsi kui nii̱ tiniꞌín ji, Néná achichí tsie sa̱ꞌínchikonñeé. Ki̱a̱ ndiꞌàa̱ xi̱ni̱ ji nichinie, ko̱jo tsjatsꞌèn si̱ꞌinkjìn jí ni xi si̱ꞌin nga si̱ꞌinxé. Achichí ndí kꞌuieé chjóo̱n. ¡Xikó maá ngo én tostsi̱je̱è ka̱ma! Jmí ni̱xtjin xcha̱ja nichinie nga̱són yámíxa̱a̱, kó ndíi̱ ka̱maxchá xikó maá tsi yá olibo̱.

1 Xota̱ Korinto̱ 7:36

Ta̱nga tsi tjín ngo nda̱ xi je índajo̱ ngo tsa̱kjìn xo̱ngò tsi̱ꞌe̱ nga ku̱i̱xan, kó tsi bee̱ko̱n nga chjiéngá je ka̱ma ku̱i̱xanjo̱ ngatꞌa̱ je jachó noó nga ka̱ma ku̱i̱xan kui tsa̱kji̱ín, ngatixanjo̱ ngatꞌa̱ tjítsꞌénjéjín.

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

1 Timoo̱ 5:14

Kuíni nga mejénna nga ku̱i̱xan ínchjín kꞌán xi je kꞌien xi̱ꞌii̱n xi kjindií, kó ngatꞌieé ndí, nga koo̱n ndiꞌaa̱, kó nga tsjandièjiín nga xota̱ xi kondraa̱ ku̱i̱chji̱a̱taꞌin.

1 Timoo̱ 5:8

Ngatꞌa̱ kui xota̱ xi ndasénjiín xkjín, ngase má xota̱ xi síndojo̱ ngi̱ya ndiꞌaa̱, jè íjñátꞌaxín kjo̱a̱sꞌijii̱n, kó kuí, ndajín ngase ta̱bo̱a̱jiín xota̱ xi sꞌijinjiín Néná.

Na̱ Ruu̱t 1:9

Míꞌáa̱ Néná nga ngatsjandiè nginíjnú nga ka̱ma ku̱i̱xan nginíjnú, kó nga kꞌuié nginíjnú ingo ndiꞌa nínga ku̱i̱ndyionjo̱jnú xi̱ꞌin xi sa̱kójnú. Sꞌe̱ na̱ Noemii̱ katsꞌénkixotꞌa nga katsjaá ngo ndsó tꞌanijon, ta̱nga na̱ Orfaa̱ ko̱jo na̱ Ruu̱t ítsꞌi̱yanii̱ nga askjandá,

Na̱ Ruu̱t 2:23

Kó na̱ Ruu̱t ki̱a̱ nijan jaꞌátikórá ńtiín sebanda̱ ko̱jo ínchjín mosoo̱ Boo̱, ngaskande nga je cha̱a̱n sebandaa̱, ko̱jo to ndso̱ko̱a̱n ṉño̱paa̱n, kó bo̱a̱ tsꞌén ki̱a̱ kisꞌijñajo̱ra ṉchiꞌyaá.

Na̱ Ruu̱t 3:2

A foaꞌátsjiee̱n ni xi kixiaan kjo̱a̱a̱ Boo̱, kui xota̱ xi tsi̱ꞌe̱ tꞌanangi nínga tiniꞌínxé jí. Xkjín ndie xi̱ꞌinna boá kui xotaa̱. Nda má ndaꞌyé ji ni xi xiaán: Kui ni̱xtji̱e̱e̱n ki̱a̱ kꞌuijñá kui ngi̱ndiee̱ nga sa̱ꞌíntsjie xtjieé sebandaa̱.