Na̱ Ruu̱t 2:23 - Xo̱jo̱n eén Néná

²³ Kó na̱ Ruu̱t ki̱a̱ nijan jaꞌátikórá ńtiín sebanda̱ ko̱jo ínchjín mosoo̱ Boo̱, ngaskande nga je cha̱a̱n sebandaa̱, ko̱jo to ndso̱ko̱a̱n ṉño̱paa̱n, kó bo̱a̱ tsꞌén ki̱a̱ kisꞌijñajo̱ra ṉchiꞌyaá.

Na̱ Ruu̱t 2:23 ပူးပေါင်းရင်းမြစ်များ

Énkjínkón 13:1

Ndí xí kjínkoón, tsꞌénjóꞌo kjo̱a̱botíxomaa̱ na̱ꞌmii̱, ta̱nga ndí xí mojnókiee̱, ntꞌiéjiín nga tjín xí sa̱ꞌínxchánjo̱.

Énkjínkón 13:20

Xota̱ xi ki̱a̱ tsꞌénkámajo̱ xota̱ xi kjínkoón, kjínkón ka̱ma, ta̱nga xota̱ xi ki̱a̱ tsꞌénkámajo̱ xota̱ xi kitikjo̱a̱a̱, ndajín ka̱maa̱.

Markoo̱ 14:66

Kó kjiꞌanga tikón Peé ngindie ndi̱tsee̱n kui ndiꞌaa̱, jachó ngo na̱ chji̱ni̱e̱ꞌboo̱ chináꞌmi xi ꞌniú nkꞌa xaá,

1 Xota̱ Korinto̱ 15:33

Ngata̱ boeꞌéndièjínjnú nga tjín xí kꞌo̱ṉcha̱jojnú, xikó tsó kui eén “xota̱ xi ꞌbítso̱majo̱ xota̱ xi ndajín, ti̱ ndajín má ndatsi kui nga”

Ndeuteronomio̱ 16:9

»Yito xomana̱ jaskan ngije ítsꞌi̱yanii̱ nga kamá cha̱a̱n ni xi kamáxchaá, chjiéngá si̱ꞌánjnú sꞌueé ni xi kamáxchaá nganda tsi̱ꞌe̱ Néná. Kui sꞌueé ki̱a̱ ti̱ꞌánjnú ki̱a̱ ndiꞌandikoón. »Nga kjima kui sꞌueé ti̱ꞌankꞌasꞌiénjnúu̱ Néná ngo kjo̱a̱tjó xi ngayeje ini̱ma̱jnú kji̱ndi̱bánii̱, ta̱ xikó kjíꞌí ni xi je katsjájnú Néná: Tsi Néná katsjájnú tsie ni xi kamáxchá, ja̱ ti̱ bo̱a̱ ti̱ tsꞌén tsie ni ko̱e̱ꞌéjnúu̱ jún nga. Nga kongínjnú kui sꞌueé tangínjo̱ yejejnú xota̱ ndiꞌajnú ko̱jo ngayeje moso̱jnú. Ti̱ tꞌíyájnúu̱ xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo xota̱ tji̱e̱e̱ Lebii̱, ko̱jo xota̱ xi ta̱ jachókꞌíndo tsá kui na̱xi̱ńdáꞌniuú nga.

Na̱ Ruu̱t 1:22

Kó bo̱a̱ tsꞌén na̱ Noemii̱ jeꞌeꞌoyá nginí nga kjindibáni nangii̱ xota̱ Moaa̱b, nga tsoꞌbájo̱ na̱ Ruu̱t kui xi kja̱ndaa̱. Nga jachó na̱xi̱ńdáꞌniú Belee̱n jè má tsꞌén ꞌbítsꞌi̱yanii̱ nga bichá sebandaa̱.

Na̱ Ruu̱t 2:22

Kósꞌe̱ na̱ Noemii̱, bi̱ katsoó na̱ Ruu̱t: —¡Achichí ndakjiꞌi kui nii̱ chjo̱ón! Ja̱ ki̱a̱ ti̱ꞌinxé ji tꞌanangii̱ Boo̱, kó ngata̱ kjinjín niꞌíi̱n yojoo̱ mosoo̱ kui, tsi̱ꞌe̱ nga sa̱ꞌínxtíjiín xota̱ xi xín ndyi̱tsꞌènxá.

Na̱ Ruu̱t 3:1

Ngo ndi̱yà na̱ Noemii̱ tsíchji̱a̱jo kja̱ndaa̱ nga bi̱ katsoó: —Ji chjo̱on, tjínna ngo kjo̱a̱ꞌniú án tsi̱ꞌe̱ nga kongasee kje̱ꞌe xíꞌín. Mejénna nga kꞌuieé ngo ndiꞌa xi tse̱ so̱bo̱e̱, ko̱jo nga tsjatsꞌèn ku̱i̱ndyin ji.