Na̱ Ruu̱t 2:12 - Xo̱jo̱n eén Néná

¹² ¡Néná nga tꞌíchjií ngayeje ni nda xi kiniꞌín ji! ¡ꞌNiú nda ngatsꞌénjoo̱ kui Néná xí tsi̱ꞌe̱ na̱xi̱ńdá Israee̱l, kui xi timindyisé ji nga skoón!

Na̱ Ruu̱t 2:12 ပူးပေါင်းရင်းမြစ်များ

Xo̱jo̱n Salmoo̱ 17:8

Chínní xikoó tsi ndyikin ji, ngi̱ndie nga̱a̱ tꞌíjñiꞌmíní,

Xo̱jo̱n Salmoo̱ 19:11

Kuí boá kui nii̱ xi niꞌínkjìn nga niꞌínxchínje̱ ji xota̱ xi tsꞌén xáa̱, kó tsi sa̱ꞌínkjatjosón kui kjo̱a̱botíxomaa̱, achichí ni xi nda sakoó.

Xo̱jo̱n Salmoo̱ 36:7

Ji Ne, ¡Achichí tsjákjiꞌi kjo̱a̱ni̱ma̱takóo̱n! Kuíni nga xota̱ nga̱sondiee̱ ki̱a̱ ꞌbíndongí ngindie nkꞌieén nga̱a̱.

Xo̱jo̱n Salmoo̱ 57:1

¡Ngatamani̱ma̱a̱ an, ji Ne! ¡Ngatamani̱ma̱a̱ an! ¡Ngatꞌa̱ jí boá xi kjimaꞌniátakoón, kó ki̱a̱ kotíjña̱ nga xchínní ngindie tji̱nkꞌi̱e̱én nga̱a̱, ngaskande nga kjo̱a̱ꞌa ni xi ndajiín!

Xo̱jo̱n Salmoo̱ 58:11

Kósꞌe̱ bi̱ ka̱tso̱ xota̱ nga̱sondiee̱: «¡Nga ja̱koxi̱, tsꞌén ngo ni xi niꞌán xota̱ xi kixi̱i̱! ¡Ja̱koxi̱ boá nga tikón ngo Néná xí kixí tsꞌén tsꞌenseén xotaa̱ kui nga̱sondiee̱!»

Xo̱jo̱n Salmoo̱ 61:4

Mejénna nga ngatsjéni̱xtjin kotíjña̱ an ki̱a̱ na̱ngo̱xi̱ ndikóo̱n, ko̱jo nga nda kotíjña̱ an ki̱a̱ ngindie nga̱a̱ nga xchínní.

Xo̱jo̱n Salmoo̱ 63:7

¡Ngatꞌa̱ jí boá xi bosíke̱jení! ¡Kó achichí tsjá mána nga sie an, ngatꞌa̱ ngindie tji̱nkꞌi̱e̱én nga̱a̱ tikón an!

Xo̱jo̱n Salmoo̱ 91:4

Tsja̱nga̱a̱ ko̱óꞌmánii̱, kó ngindie nga̱a̱ ka̱ma ku̱i̱ndyin ji, kjo̱a̱kixi̱i̱ kui, xikónií ngo ni xi ꞌbíchjaá ni xi ndajiín xi skoón jí.

Énkjínkón 11:18

To̱n xi tsꞌén xota̱ xi ꞌniú ndajiín, ta̱ ni xi ꞌboṉcha̱jo boá xi̱ꞌba̱, ta̱nga to̱n xi tsꞌén xota̱ xi kixi̱i̱, kuí boá xi ni xi nda xi niꞌaán.

Énkjínkón 23:18

ngatꞌa̱ sꞌe̱ tikón ngo ni xi sꞌe̱ ka̱ma, kó kju̱i̱e̱jín kui kjo̱a̱chiyaá.

Matioo̱ 23:37

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Matioo̱ 5:12

Tsja ngatamajnú ko̱jo tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ ti̱ bo̱a̱ ti̱ tsꞌén ikiyotji̱ngii̱ já chji̱ni̱e̱ꞌe̱én Néná xi tjón kisꞌińdo ngindiee̱ nga ku̱i̱ndyionjnú jún.

Matioo̱ 6:1

Ngata̱ ngindyi̱ko̱n xota̱jín niꞌánjnú kjiꞌanga ngo ni xi kixi̱ si̱ꞌánjnúu̱ ngo xota̱, tsi̱ꞌe̱ nga sku̱i̱e̱ nga nda ndyi̱niꞌánjnú, tsi bo̱a̱ si̱ꞌánjnú, Na̱ꞌminá xí tikón ndiꞌakꞌajmi jàn tsja̱ajínjnú ni xi je tikónndaa̱.

Rkaa̱ 6:35

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Xota̱ Kolosa̱ 2:18

Ngata̱ niꞌánsénjínjnúu̱ xota̱ xi ni̱ma̱kjo̱a̱ ndyi̱tsꞌèn yojoo̱, kó ndítsjie ndyi̱tsꞌéndíkón, kuí boá xi ku̱i̱ꞌíchjaá nga sa̱kójnú ni xi niꞌán xi si̱ꞌánjnú, kui xotaa̱ ndyi̱tsó nga ngo xò ni akakoo̱, kó je ꞌboxié yojoo̱ ta̱nga kjo̱a̱kjíntakón xi tsi̱ꞌe̱ xí ndyi̱tsꞌènkjién.

2 Timoo̱ 1:18

Ndi̱a̱ná nga tsjaá kjo̱a̱ni̱ma̱takoón ni̱xtjin nga skotsíjee̱n mí ni xi katsꞌén nga ngo nga ngo xotaa̱. Kó ji jè yé cha̱n cha̱n ji kókjiꞌi asíko̱joná Onesíforoo̱ ki̱a̱ na̱xi̱ńdáꞌniú Éfeso̱.

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Xota̱ Ebreo̱ 11:26

Katsꞌénkjó kuí nga chjí ngasenii̱ kui kjo̱a̱ni̱ma̱ xi kjo̱a̱ꞌatio kui, kui xi ti̱ kjo̱a̱ꞌatio nda̱ xi katsó Néná nga sa̱ngíyá, ta̱bo̱a̱jiín nga kꞌuieé kjo̱a̱cho̱o̱n nangi Ejipto̱, ngatꞌa̱ Moisee̱ tsꞌénkoyaa̱ ni xi Néná tsja̱á.

Xota̱ Ebreo̱ 11:6

Ta̱nga tsi jmíjín kjo̱a̱sꞌijii̱n, ka̱májín si̱ꞌantsjaa̱ Néná, ngatꞌa̱ chjiéngá kui xi sa̱ꞌíntiñaa̱ yojoo̱ Néná, sꞌijii̱n nga tikón Néná, ko̱jo nga Néná boá xi tsja̱á ngo ni nda xi niꞌán kui xota̱ xi mongase kui.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

Na̱ Ruu̱t 1:16

Ta̱nga na̱ Ruu̱t bi̱ katsó: «Ngata̱ chjiéꞌéjínní nga kꞌuijñámasiee̱n, ti̱nde ngata̱ ꞌniújín chjiéꞌéní nga sa̱ꞌinkjiin yojona. Ta̱ nínga kꞌuin ji, ki̱a̱ kjuín an nga, kó ta̱ nínga ku̱i̱ndyin ji, ti̱ ki̱a̱ kotíjña̱ an nga. »Nangìi̱, nangina ka̱ma, kó Nèe̱, Ne tsa̱ꞌa̱n ka̱ma nga.

Na̱ Ruu̱t 2:11

Kó Boo̱ bi̱ katsoó: —Jè kiꞌmíyàna ngayeje ni xi kiniꞌín ji nganda tsi̱ꞌe̱ ṉchiꞌyáa̱, ngije ja̱bo̱a̱ je kꞌien xi̱ꞌíi̱n. Kó ti̱ jè be an nga ikꞌíndemasin ji xi xota̱ ndiꞌàa̱, ko̱jo nangi nínga katsen ji, tsi̱ꞌe̱ nga kꞌi̱e̱ kjindibékindyin ji ngi̱jii̱n xota̱ xi nde yejín ji ꞌyání bo̱a̱.

Na̱ Ruu̱t 2:13

Kósꞌe̱ na̱ Ruu̱t bi̱ katsoó Boo̱: —¡Ndokꞌóchji̱ì ji xingá! Achichí nda niꞌínje̱ní, kó tsjá maa̱ ini̱ma̱na, ndatsi jmí tsi na̱ moso̱ tse̱ ma an.

Na̱ Ruu̱t 4:15

Kuí boá xi sa̱ꞌíntsjaá, kó skoón ngije ka̱maxchá ji, ngatꞌa̱ ndií kja̱ndàa̱ boá. Na̱ Ruu̱t ꞌniú chjí ngasenii̱ ta̱bo̱a̱jiín yito ndí xíꞌín, ngatꞌa̱ achichí tjoó ji, kó ta̱nisién ndaxota̱ tjítsꞌenjoo̱».