Na̱ Ruu̱t 1:11 - Xo̱jo̱n eén Néná

^11-13 Ta̱nga na̱ Noemii̱ bi̱ katsoó kui ínchjiín: —¡Tangínrajnú nínga ndyi̱mongínjnú, ndí ínchjín! Mí tsjá nga an kongintjingíjnúꞌun. Jè ngiti̱ jmíjín ngasena ndí xíꞌín xi ka̱ma ku̱i̱xanjo̱jnú, kó an jè ꞌniú xchá an tsi̱ꞌe̱ nga kꞌuié nginína xi̱ꞌin. Kó ndatsi ngotꞌe̱ má ku̱i̱xan an, kó ndatsi tsá kꞌuiéna ndí. A xchiyàjnúu̱ ngaskande nga ka̱maxchá nginí kui ndií. ¡Jmí, ndí ínchjiín, ka̱májín kui nii̱! Achichí tsie ngase kjo̱a̱ni̱ma̱ tsꞌénfoaꞌatio an, ta̱bo̱a̱jiín jún, ngatꞌa̱ Néná kondra̱ tikónnii̱ an ngotꞌe̱.

Na̱ Ruu̱t 1:11 ပူးပေါင်းရင်းမြစ်များ

Jenesii̱s 38:11

Kósꞌe̱ Jundáa̱, tsíchji̱a̱jo kja̱ndaa̱ nga bo̱a̱ katsoó nga kꞌuijñákꞌánra, kó nga ndiꞌaa̱ na̱ꞌmíi̱ kꞌuijñára ngaskande nga ka̱maxchá ndií Jundáa̱ xi ꞌmí Selaa̱. Bo̱a̱ kjiꞌi ni xi katsoó, ngatꞌa̱ katsꞌénkjó nga tsi ta̱ bo̱a̱ tsꞌén ko̱yà ndií xi̱ꞌba̱ nga, xikótsꞌèn jesón xi ngasee̱. Kó kuíni nga na̱ Tamaa̱r kijí ndiꞌaa̱ na̱ꞌmii̱, kó ki̱a̱ kisꞌijña.

Jenesii̱s 38:9

Kó nga kamábe Onaa̱n nga kuijín tsi̱ꞌe̱ ka̱ma ndí xí kꞌuieé xo̱ngo̱ò, kjiꞌanga kisꞌiejo̱ kui xota̱chjo̱on, katsjandièjiín yojoo̱ nga ndí ko̱a̱ꞌa̱ kui naa̱, ngatꞌa̱ kamámejénjiín nga ngatꞌaa̱ kui nga kꞌuieé xota̱ tji̱e̱ ntsꞌi̱e̱ xi kꞌiee̱n.

Ndeuteronomio̱ 25:5

Moisee̱ bi̱ katsó ngasee̱ xota̱ na̱xi̱ńdaá: «Tsi jó ntsꞌie xi ta̱ ngo ndiꞌa síndoyá, kó tsi ngo ko̱yà, kó tsi chjo̱ón jmí ndí kisꞌiejiín, kui xota̱chjo̱on ka̱májín kje̱ꞌe xota̱ ku̱i̱xanjo̱ nginí, ngototo ngo xkjín ndie xi̱ꞌii̱n. Chjiéngá kui nda̱ xi ntsꞌi̱e̱ ma ndie xi̱ꞌii̱n xi ku̱i̱xanjo̱. Kui kjo̱a̱kitii̱ chjiéngá sa̱ꞌínkjatjosón ngayeje chja̱.

Na̱ Ruu̱t 1:10

Kó bi̱ katsó: —¡Mejénjínjne̱ nga kꞌuíndo masien xingi̱! ¡Ngo kjo̱a̱nda, te̱ꞌéndièjne̱ nga ki̱a̱ ku̱i̱ndyionjo̱jne̱ ji nínga tjíndo xota̱ tse̱!