Matioo̱ 9:8 - Xo̱jo̱n eén Néná

⁸ Kó nga kamábe kui nii̱ xotaa̱, achichí kijíndikoón kó katsjaá kjo̱a̱je Néná, ngatꞌa̱ kuí boá Néná xí katsjaá xotaa̱ kui ngaꞌniú xi̱ꞌba̱.

Matioo̱ 9:8 ပူးပေါင်းရင်းမြစ်များ

Matioo̱ 12:23

Kó ngayeje xotaa̱ kijíndikoón, kó bi̱ katsoó xkjín: –A kuijín xi̱ꞌbi̱ xi xota̱ tji̱e̱e̱ Ndabii̱.

Matioo̱ 15:31

ngaskande kijíndikón maá xota̱ kjiín nga kamábe nga tsíchji̱a̱ xi ni̱ma̱a̱, ko̱jo nga kamándaya xi ni̱ma̱ tsjaa̱, ko̱jo nga kamándaya xi kamájín kijií, ko̱jo nga kamátsijee̱n xota̱ xi ti̱ka̱a̱, kó ngayeje xotaa̱ nga katsjaá kjo̱a̱je Nee̱ Israee̱l.

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 9:7

Kó kui nda̱ xi ni̱ma̱a̱ jastjíe̱n, kó kijí ndiꞌaa̱.

Markoo̱ 2:12

Kósꞌe̱ kui nda̱ xi ni̱ma̱a̱, tji̱e̱nmá jastjíe̱n, iskjíbé ṉchaa̱n, sꞌe̱ jataxie nga kamábe ngayeje xotaa̱, kó achichí kijíndikoón ngayejee̱, kó katsjaá kjo̱a̱je Néná, nga bi̱ katsoó xkjín: –Kji̱e̱ ngo ndi̱yà yàjne̱ ngo ni xi xikoó xi̱ꞌbi̱.

Markoo̱ 7:37

Kó achichí kijíndikoón xotaa̱ kui nii̱, kó bi̱ katsó: –Ngayeje nii̱ xi nda tjítsꞌén. ¡Ngaskande tsꞌénkíntꞌié xota̱ xi xtiya, ko̱jo tsꞌénkíchji̱a̱ xota̱ xi ni̱ma̱!

Rkaa̱ 13:13

Kó Kjisoo̱ íjñasoón tsja kui xota̱chjo̱on, kó tji̱e̱nmá kisꞌijñakixi̱, kó kui xota̱chjo̱on ítsꞌi̱yanii̱ nga katsjaá kjo̱a̱je Néná.

Rkaa̱ 17:15

Kósꞌe̱ ngo kui jaá, nga kamábe nga je kamándaya, kijíꞌoyá nginí nínga tikón Kjisoo̱, kó askjandáyà má nga katsjaá kjo̱a̱je Néná,

Rkaa̱ 17:18

A jmíjín ngase xi kjindibátsjaá kjo̱a̱je Néná, ata̱ kuí tsí nda̱ xi chji̱a̱ni nangi Samaria̱.

Rkaa̱ 18:43

Ti̱ kjiꞌa kamátsijen nginií nda̱ ti̱ka̱a̱, kó kijítji̱ngii̱ nga katsjaá kjo̱a̱je Néná, kó ngayeje xota̱ na̱xi̱ńdá xí kamábe kui nii̱, katsꞌéntsjaà Néná.

Rkaa̱ 2:20

Kó kui já xí koo̱n cho̱tsa̱nga̱a̱ nga kijíꞌoyá nginí nínga kjindibá, katsjaá kjo̱a̱je Néná kjo̱a̱a̱ ngayeje ni xi tsintꞌié ko̱jo ni xi kamábe, ngatꞌa̱ jatjosón ngayeje ni xi kiꞌmií.

Rkaa̱ 23:47

Nga kamábe nda̱ ngito̱ko̱o̱ jájuún ngayeje kui ni xi kamaá, katsjaá kjo̱a̱je Néná, nga bi̱ katsó: –Ja̱koxi̱ nga nda̱ kixi̱ kamá kui nda̱a̱.

Rkaa̱ 7:16

Kó ngayeje xotaa̱ katsakjónní, sꞌe̱ katsjaá kjo̱a̱je Néná, nga bi̱ katsó: –Ngo nda̱ chji̱ni̱e̱ꞌe̱én Néná xí ꞌniú nkꞌa xaá jatjojinná. Kó tjín xi bi̱ katsó: –Néná jè kjoeꞌekoón xota̱ na̱xi̱ńdá xí tsi̱ꞌe̱.

Juaa̱ 15:8

Kuí nii̱ xi ka̱mayani kjo̱a̱jee̱ Na̱ꞌmina nga achichí kjín to kꞌuiéjnú jún, kó bo̱a̱ tsꞌén nga xota̱na ka̱majnú jún.

Ni xi kamá 11:18

Kó ngije tsintꞌié kuí nii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, xioó kisꞌińdo, kó katsjaá kjo̱a̱je Néná nga bi̱ katsó: –¡Ko̱jo kui xota̱ xi Israee̱ljín katsjaá Néná nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn tsi̱ꞌe̱ nga kꞌuieé kjo̱a̱mindyion!

Ni xi kamá 21:20

Kó ngije tsintꞌié kui xotaa̱, katsjaá kjo̱a̱je Néná, sꞌe̱ bi̱ kiꞌmií Pabloo̱: –Ndakjíꞌí nda̱ ntsꞌie, já jè yé ji nga ngi̱jii̱n xota̱ jundíoo̱ ta̱ mi̱jínra̱ ma xota̱ xi je kisꞌijii̱n eén Néná, kó ngayeje kui xotaa̱ achichí ndyi̱tsꞌènchíni̱tꞌaa̱ kjo̱a̱kitii̱ Moisee̱.

Ni xi kamá 4:21

Sꞌe̱ jáxaá indyiándikoón kui já apostroo̱, sꞌe̱ índondé, kó jmí ni kasakojiín xi sa̱ꞌínjénií, ngatꞌa̱ ngayeje xota̱ na̱xi̱ńdaá katsjaá kjo̱a̱je Néná kjo̱a̱a̱ ni xi katsꞌén Peé ko̱jo Juaa̱,

2 Xota̱ Korinto̱ 9:13

Nga ko̱si̱ko̱jó kuí xotaa̱ sa̱ꞌíntsjaá Néná, ngatꞌa̱ jún kandaꞌyáꞌénjnú éntjatsi̱e̱e̱ Jesukristoo̱ xi timatji̱ngijnú, ko̱jo kjo̱a̱a̱ nga ngayeje takónjnú nga ndyi̱bosíko̱jojnú xota̱ xi̱ꞌba̱, ko̱jo ngayeje xota̱ xi ngasee̱.

Xota̱ Ngalasia̱ 1:24

Kó ta̱ngatꞌanii̱ kui nii̱ nga kui xotaa̱ katsjaá kjo̱a̱je Néná.

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.