Matioo̱ 9:16 - Xo̱jo̱n eén Néná

¹⁶ Ngojín xota̱ xi ńjño tja̱tsi̱e̱ ko̱óyaá nga ku̱i̱ꞌíxtió ńjñoo̱ ngo xtjí xchá, ngatꞌa̱ tsi bo̱a̱ sa̱ꞌín, ńjño tja̱tsi̱e̱e̱ skjíndiyá ńjño xchaá, kó tsie ngase xtjóndiyá xtjií.

Matioo̱ 9:16 ပူးပေါင်းရင်းမြစ်များ

Jenesii̱s 33:14

Ta̱sá ndatsi kꞌuíntjénra ji, kó án inda inda kjuín án, xikótsꞌèn ndyi̱fí jákjíndína ko̱jo cho̱na, ngaskande nga kjóchótji̱ngii̱ ki̱a̱ nangi Endoo̱n.

Xo̱jo̱n Salmoo̱ 125:3

Jmí tsi ngatsjéni̱xtjin nga xota̱ xi ꞌniú ndajiín ko̱tíxomaa̱ xota̱ na̱xi̱ńdaá Néná, tsi̱ꞌe̱ nga xota̱ xi ndaa̱, sa̱ꞌínjín ni xi ndajiín.

Matioo̱ 9:15

Kó Kjisoo̱, bi̱ katsoó: –A ka̱márií xa̱ꞌya̱ kjo̱a̱ꞌa xota̱ xi tjimá ngo ndiꞌibixan tji̱e̱nga nda̱ xi ku̱i̱xaa̱n ki̱a̱ tikónjo̱. Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kjiꞌá boá nga ka̱ma kꞌuíndo kjindiá.

Matioo̱ 9:17

Ti̱nde mindyiajín bino̱ tja̱tsi̱e̱ ngo ti̱jìtjíxin xchá, ngatꞌa̱ xtjóndiyá ti̱jìtjíxin xchaá, kó xtjón binoo̱, kó jmí chjí ka̱májín ti̱jìtjíxiín, ta̱nga tsi bino̱ tja̱tsi̱e̱e̱, ti̱jìtjíxin xi tja̱tsi̱e̱ ku̱i̱ndyia nga jó kui nii̱ nga jmí ni ka̱májiín.

Markoo̱ 2:21

Ngojín xota̱ xi ńjño tja̱tsi̱e̱ ko̱óyaá nga ku̱i̱ꞌíxtió ńjñoo̱ ngo xtjí xchá, tsi bo̱a̱ sa̱ꞌín, ńjño tja̱tsi̱e̱e̱ skjíndiyá ńjño xchaá, kó tsie ngase xtjóndiyá xtjií.

Rkaa̱ 5:36

Kó Kjisoo̱ ti̱ bo̱a̱ ti̱ tsꞌén katsóyaà ngo énkjín: –Ngojín xota̱ xi ko̱tie chií ńjñoo̱ ngo xtjí tja̱tsi̱e̱, sꞌe̱ ko̱óyaá nga ku̱i̱ꞌíxtió ngo xtjí xchá, tsi bo̱a̱ sa̱ꞌín, jmí tsi ta̱ skjíndiyá tsí ngase xtjí tja̱tsi̱e̱e̱, ngatꞌa̱ ko̱jo kui xi̱i̱ ńjño tja̱tsi̱e̱e̱ ndajín ko̱kiín xtjí xchaá nga.

Juaa̱ 16:12

Achichí ni xi tikónna xi xiánjnúꞌun, ta̱nga tsi xiyàjnúꞌun ngotꞌe̱ ka̱makjínjínjnú,

1 Xota̱ Korinto̱ 13:13

Jmí ni̱xtjin kju̱i̱e̱ nga sꞌijinná ni xi tsi̱ꞌe̱ Néná, ko̱jo nga ndyi̱chiyá ni xi tsja̱aná, ko̱jo nga tjínná kjo̱a̱tjó, ta̱nga ngi̱jii̱n nga ján kui nii̱, kjo̱a̱tjoó boá xi ꞌniú chjí ngasenii̱.

2 Xota̱ Korinto̱ 9:12

Kjiꞌanga tjifíjoo̱ kui kjo̱a̱bosíko̱joo̱ xota̱ na̱ngo̱xi̱ tsjiee̱, tjímongínjoo̱ ni xi chjieén, kó bo̱a̱ tsꞌén kjín xota̱ xi tsja̱á ndokꞌóchjì Néná.