Matioo̱ 9:15 - Xo̱jo̱n eén Néná

¹⁵ Kó Kjisoo̱, bi̱ katsoó: –A ka̱márií xa̱ꞌya̱ kjo̱a̱ꞌa xota̱ xi tjimá ngo ndiꞌibixan tji̱e̱nga nda̱ xi ku̱i̱xaa̱n ki̱a̱ tikónjo̱. Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kjiꞌá boá nga ka̱ma kꞌuíndo kjindiá.

Matioo̱ 9:15 ပူးပေါင်းရင်းမြစ်များ

Matioo̱ 9:14

Kósꞌe̱ jachókoón Kjisoo̱ xota̱ tsi̱ꞌe̱ Jua̱ xi botíndaá, kó bi̱ katsoó: –Míkjo̱a̱a̱ nga ji̱n ko̱jo já fariseoo̱ kjín ndi̱yà niꞌánkjaꞌajne̱ kjindiá yojojne̱, kó xota̱ tse̱ tsꞌenkjaꞌájín kjindiá yojoo̱.

Matioo̱ 9:16

Ngojín xota̱ xi ńjño tja̱tsi̱e̱ ko̱óyaá nga ku̱i̱ꞌíxtió ńjñoo̱ ngo xtjí xchá, ngatꞌa̱ tsi bo̱a̱ sa̱ꞌín, ńjño tja̱tsi̱e̱e̱ skjíndiyá ńjño xchaá, kó tsie ngase xtjóndiyá xtjií.

Markoo̱ 2:19

Kó Kjisoo̱, bi̱ katsoó: –A ka̱márií kꞌuíndo kjindiá xota̱ xi tjimá ndiꞌibixaa̱n, tji̱e̱nga ki̱a̱ tikónjo̱ nda̱ xi ku̱i̱xaa̱n. Tji̱e̱nga ki̱a̱ tikón nda̱ xi ku̱i̱xaa̱n, ka̱májín kꞌuíndo kjindiá.

Markoo̱ 2:20

Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kó kuí ni̱xtjii̱n nga ka̱ma kꞌuíndo kjindiá.

Rkaa̱ 17:22

Kósꞌe̱ bi̱ katsoó xota̱ tsi̱ꞌe̱: –Kjo̱chó ngo ni̱xtjin nga ka̱mamejénjnú nga ndeta̱ ngo ni̱xtjin xcha̱jnú ndií nda̱ xi̱ꞌii̱n, kó xcha̱jínjnú.

Rkaa̱ 5:34

Kó Kjisoo̱, bi̱ katsoó: –A ka̱majnú si̱ꞌankjaꞌájnú kjindiá xota̱ xi tjimá ngo ndiꞌibixan, tji̱e̱nga nda̱ xi ku̱i̱xaa̱n ki̱a̱ tikónjo̱.

Rkaa̱ 5:35

Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kó kuí ni̱xtjii̱n nga ka̱ma kꞌuíndo kjindiá.

Juaa̱ 16:6

Ngatꞌa̱ jè kixiyajnúꞌun kui nii̱, kuíni nga ndasen tikón ini̱ma̱jnú.

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

Ni xi kamá 14:23

Kó Pabloo̱ ko̱jo Bernabee̱ xki̱ na̱ngo̱xi̱ katsjaá xá xota̱ xi xchá xí kꞌuíndotjoón na̱ngo̱xi̱i̱, kó ngije tsíchji̱a̱a̱ Néná, ko̱jo ngije jaꞌa nga katsꞌénkjindiá, Ndi̱a̱ná katsꞌéngatꞌaa̱ kui xota̱ xi je kisꞌijii̱n.

1 Xota̱ Korinto̱ 7:5

Ngata̱ ꞌbíxi̱a̱njínjnúu̱ yojojnú xingi̱jnú, ngototo tsi nga jójnú xi kꞌuíndajnú nga ku̱i̱ndyionxónjnú chiboa ni̱xtjin kjo̱a̱a̱ nga Néná ko̱ndókjo̱a̱jnúu̱, ta̱nga ngije jatjosón ni̱xtjin xi ikꞌíndajnú, ti̱ꞌantsjajo̱ nginíjnú xingi̱jnú, ngatꞌa̱ tsájmi̱ xindajín Satanaa̱ ka̱márií skjítꞌayákónjnú tsi ka̱maꞌniújínjnú yojojnú.

2 Xota̱ Korinto̱ 11:27

Jè tsie xá xí katsꞌen an xi katsꞌénkjiendana. Kjín ni̱xtjin indyiáńjñáa̱ yojona. Jè jaꞌatio an bojó ko̱jo xíndá. Kjín ndi̱yà jaꞌatio an kjindiá nga jmí ni iskjíni̱e̱jín an. Kjín ndi̱yà jaꞌatio an nchꞌàn, ko̱jo nga jmí ńjño kisꞌiejínna.

Ni xi akakoo̱ 19:9

Kó kui ndítsjiee̱ bi̱ katsóna: –Títꞌe ji xo̱jo̱n kui nii̱: Achichíra̱tsjaa̱ kui xi kiꞌmíyaà tsi̱ꞌe̱ nga ko̱e̱je̱ ndiꞌibixaa̱n cho̱tsa̱nga̱a̱. Kó bi̱ katsó ngase: –Én xí ja̱koxi̱i̱ Néná boá xi̱ꞌbi̱.

Ni xi akakoo̱ 21:2

Kó kamábe an na̱xi̱ńdáꞌniú tsjiee̱, na̱xi̱ńdáꞌniú Jerusale̱n tja̱tsi̱e̱e̱, xi tsꞌénfotjajenni ndiꞌakꞌajmii̱ ngindyi̱ko̱n Néná, nga je tikónnda nga kiniꞌánchoo̱n xikó maá ngo na̱ xi ku̱i̱xan nga je tikónnda nga ku̱i̱xanjo̱ xi̱ꞌii̱n.