Matioo̱ 8:11 - Xo̱jo̱n eén Néná

¹¹ Kó xiyàjnúꞌun nga achichí má xota̱ xi kji̱ndi̱báni nínga fotjo ko̱jo nínga ꞌbosꞌien tsꞌueé, xi kꞌuíndotꞌajo̱ yámíxa̱ Abraa̱n, ko̱jo Isaa̱, ko̱jo Jako̱b ki̱a̱ nínga botíxomaa̱ Néná,

Matioo̱ 8:11 ပူးပေါင်းရင်းမြစ်များ

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xo̱jo̱n Salmoo̱ 22:27

Ngayeje xota̱ xí tjín nga̱sondiee̱ kjo̱a̱ꞌátsjiee̱n Néná, kó kui ko̱e̱je̱kon nginií, kó ngayeje xtín xota̱ xi tjín na̱xi̱ńdaá, sa̱ꞌíndikoón nga ko̱siéntikoó.

Xo̱jo̱n Salmoo̱ 98:3

Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón kjo̱a̱a̱ xota̱ na̱xi̱ńdá Israee̱l. ¡Ngaskande ngi̱ndie nínga ꞌniú kjin xi tjín tꞌanangii̱ xi je kamábe nga Néná boá xi ꞌboxiéꞌáná!

Matioo̱ 21:41

Sꞌe̱ bi̱ katsó kui xotaa̱: –Sa̱ꞌínkjié ngayeje kui jaá, kó ni̱ma̱jín ka̱maa̱, sꞌe̱ kje̱ꞌe xota̱ tsja̱á chjínangí kui ngi̱ndiee̱, xi ku̱i̱ꞌíchjií nga kjo̱chó ni̱xtjin xikó kjiꞌi ni xi tsoboaá.

Matioo̱ 24:31

kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 8:10

Nga tsintꞌié kuí nii̱ Kjisoo̱, achichí kijíndikoón, kó bi̱ katsoó xota̱ xi yajátji̱ngii̱: –Ja̱koxi̱ ni xi xiánjnúꞌun nga kji̱e̱ ngo nda̱ sakóna kꞌi̱e̱ Israee̱l xi bi̱ tsꞌén ꞌniú sꞌijii̱n.

Rkaa̱ 12:37

Achichíra̱tsjaa̱ moso̱ xi kjiꞌiféjín nga kjo̱chó ndi̱a̱a̱, ja̱koxi̱ nga ti̱ kuii̱ ndi̱a̱a̱ sa̱ꞌínkꞌijñátꞌa yámíxa̱, kó ti̱ kuii̱ sa̱ꞌínseén.

Rkaa̱ 16:22

Ti̱chaa̱n jachó ni̱xtjin nga kꞌien Laá, kó ndítsjiee̱ Néná kijíjo̱ ngi̱ndie nínga tikón Abraa̱n, kó ti̱ kꞌien nda̱ cho̱o̱n nga, kó akjanijín kuí.

Ni xi kamá 10:45

Kó kui xota̱ jundío̱ xi sꞌijii̱n Néná xi nijan jachójo̱ Peé achichí kijíndikoón nga ko̱jo kui xota̱ xi jundío̱jiín kisꞌijñajii̱n A̱si̱énni̱xtjii̱n Néná nga,

Ni xi kamá 11:18

Kó ngije tsintꞌié kuí nii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, xioó kisꞌińdo, kó katsjaá kjo̱a̱je Néná nga bi̱ katsó: –¡Ko̱jo kui xota̱ xi Israee̱ljín katsjaá Néná nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn tsi̱ꞌe̱ nga kꞌuieé kjo̱a̱mindyion!

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Ni xi kamá 14:27

Kó ngije jachó na̱xi̱ńdáꞌniú Antiokiya̱, ítikó xota̱ na̱ngo̱xi̱i̱, kó íni̱jmi̱ì ngayeje ni xi katsꞌén Néná ngi̱ya tsja kui jaá, ko̱jo nga Néná boá xi katsꞌén nga xota̱ xi jundío̱jiín je sꞌi̱jii̱n Kjisoo̱ nga.

1 Xota̱ Korinto̱ 15:20

Ta̱nga ngotꞌe̱ ꞌne̱ Kristoo̱ jè jaꞌáꞌyaá ngi̱jii̱n xota̱ xi je jesoón, kó kuí boá xi xikoó ngo cha̱n xi tjón xi niꞌánkꞌasꞌiee̱n Néná, ngatꞌa̱ kuí boá xi tjón jaꞌáꞌyaá ngi̱jii̱n xota̱ xi je jesoón.

1 Xota̱ Korinto̱ 6:9

A yàjínjnú nga xota̱ xi kixi̱jín síndo ngindyi̱ko̱n Néná, sa̱kójiín nga Néná xí ko̱tíxomaa̱. Ngata̱ chꞌíṉcha̱jojínjnú yojojnú, sa̱kójiín nga Néná xí ko̱tíxomaa̱, xota̱ xi tondo̱, xota̱ xi ndyi̱tsꞌéndíkón a̱sie̱én ngo ne xi tsꞌénda xotaa̱, xota̱ xi ndyi̱tsꞌèntꞌaa̱ kjo̱a̱ xkjín, já xí xonda, ko̱jo jáxíꞌín xi xi̱ꞌin xkjín foyojojo̱,

Xota̱ Éfeso̱ 3:6

Kó kuí bí ni xi índaa̱: Nga xota̱ xi jundío̱jiín, ko̱jo kui sa̱ko̱ó ni xi Néná tsjaá ndií, kó nga ta̱ ngo tsí yojoo̱ Kristoo̱ ka̱ma ñá, kó nga nga jó tjiín nga sa̱ko̱ó ni xi Néná katsóyàtjón nga tsja̱á xota̱ xi sꞌijii̱n éntjatsi̱e̱e̱ Kristo̱ Kjisoo̱.

Xota̱ Kolosa̱ 3:11

Ngi̱jii̱n kui xota̱ tja̱tsi̱e̱e̱ ngiti̱ jmíjín xota̱ xi ngriengo̱, ko̱jo tsi xota̱ jundío̱, tsi xi tjiín, ko̱jo tsi xi jmíjiín sirkunsisioo̱n, tsi kje̱ꞌe, ko̱jo tsi kje̱ꞌejín én chji̱a̱, tsi moso̱ xi kastiñá, ko̱jo tsi xota̱ xi ndé, ngatꞌa̱ Kristoo̱ boá xi ngayeje nii̱, kó kuí boá xi tikónjii̱n ngayeje ni xi tjiín.

2 Xota̱ Tesalónika̱ 1:5

Kuí nii̱ xi tsꞌénbokóná nga Néná kixi̱ tsꞌén skotsíjee̱n mí nii̱ xi nda ko̱jo tsi mí nii̱ xi ndajín xi ndyi̱tsꞌèn xotaa̱. Néná tsꞌénboaꞌaxki̱jnú nga kuí boá xi ko̱tíxomájnú jún, kuíni nga kjo̱a̱ni̱ma̱ ndyi̱bitjatiójnú.

Ni xi akakoo̱ 7:6

ko̱jo tiejó mi̱ tji̱e̱e̱ xota̱ xi chji̱a̱ni Asee̱r, ko̱jo tiejó mi̱ tji̱e̱e̱ xota̱ xi chji̱a̱ni Neftalii̱, ko̱jo tiejó mi̱ tji̱e̱e̱ xota̱ xi chji̱a̱ni Manasee̱,