Matioo̱ 7:6 - Xo̱jo̱n eén Néná

⁶ Ngata̱ boeꞌéjínjnúu̱ ni xi tsjie ńñaá, ti̱nde ngata̱ ki̱a̱jín fojmijnúu̱ to ixkìꞌ xi chjí kje̱n chi̱nga̱a̱, ngatꞌa̱ tsi tsja̱nié ka̱ma xi̱ kui nii̱, kó ngaskande jún skji̱ni̱e̱jnú kui cho̱o̱.

Matioo̱ 7:6 ပူးပေါင်းရင်းမြစ်များ

Énkjínkón 11:22

Ngo na̱ tsjakjiꞌi xi chi̱ni, xikónií tsi ngo ni ńtsó to̱nsinié xi tikoón ṉtjo̱n ngo chi̱nga.

Énkjínkón 23:9

Ngata̱ jmí kjo̱a̱botíxoma boeꞌéjíi̱n xota̱ xi kitikjo̱a̱a̱, ngatꞌa̱ ta̱ ko̱jno̱kie tsí én kjínkón xi kandokjo̱e̱je ji.

Énkjínkón 26:11

Xota̱ kitikjo̱a̱ xi ti̱ tsꞌén nginí ni kitikjo̱a̱ xi tsꞌén, xikónií ńñá xí kjinie nginí ni xi fosoó.

Énkjínkón 26:4

Ngata̱ nijanmájín ji nga ko̱ndókjo̱e̱tije̱ ji xota̱ kitikjo̱a̱a̱, ngatꞌa̱ tsájmi̱ xikó má kón kuí, bo̱a̱ má kón ka̱ma ji tsobo̱a̱.

Matioo̱ 15:26

Ta̱nga Kjisoo̱, bi̱ katsó: –Ndajínkjiꞌi nga chje̱ꞌéxiín paa̱n ndíjnú, sꞌe̱ ńñaá ko̱e̱ꞌéjnúu̱.

Matioo̱ 24:10

Kó kjiꞌá boá nga achichí kjín ka̱ma xota̱ xi tjimátji̱ngina xi ngiti̱ sꞌi̱jinjiín an, tjín xí sa̱ꞌínkꞌasꞌien xkjín, kó ja̱kꞌi̱e̱ ja̱ngaján ka̱ma chꞌoo̱ xkjín,

Matioo̱ 7:5

¡Jókje̱n! Tjón mára ꞌna̱xié ji yáxtió xi kjingi ndyikin ji, sꞌe̱ nda ka̱matsijeen, tsi̱ꞌe̱ nga xchi̱e̱ ji xtjié xí kjingi ndyi̱ko̱n ntsꞌie.

2 Xota̱ Korinto̱ 11:26

Achichí kjín ndi̱yà xi je kistsoꞌbá an ta̱jñàní, kuíni nga je kamábe an ndikoón ndejèꞌ, ndikoón xota̱chejé, ndikoón ngi̱jii̱n xota̱ nangina, ko̱jo ngi̱jii̱n xota̱ xi jundío̱jín, ndikoón ni xi ma ngi̱jii̱n na̱xi̱ńdáꞌniuú, ndikoón ni xi ma nínga jno̱o̱, ko̱jo ngi̱jin ndáchíkoón, ndikoón ngi̱jii̱n xota̱ ndiso xi ti̱xꞌi̱a̱n ntsꞌié ndyi̱tsó.

Xota̱ Filipo̱ 3:2

Chónjnú yojojnú kjo̱a̱a̱ kui xota̱ xi ndajiín kui xi xikoó ńñaá, ko̱jo kui xota̱ xi tsꞌén xá xi ndajiín, ko̱jo kui xota̱ xi mejeén nga si̱ꞌáa̱n yojoná sirkunsisio̱n xi jmí ni chjíjiín.

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.

Xota̱ Ebreo̱ 6:6

tsi kui xota̱ xi je kasakoo̱ kui nii̱, kó tsi ku̱i̱ꞌíjñámasien ni xi tsi̱ꞌe̱ Néná, ngiti̱ ka̱májín nga ingo ndi̱yà ka̱matja̱tsi̱e̱ya nginí tsi̱ꞌe̱ nga sa̱ꞌínkꞌoyà yojoo̱, ngatꞌa̱ kui xotaa̱, kuí boá xi ndyi̱bótꞌa nginí kro ndií Néná, kó ndyi̱tsjà ngindie nga ngayeje xotaa̱ ko̱jno̱kie.

2 Xo̱jo̱o̱n Peé 2:22

Ta̱nga kui jaá jè bo̱a̱ kamaá xikó tsó kui én xchá xí ja̱koxi̱i̱: “Ńñaá kjinie nginí ni xi fosoó, kó chi̱nga̱ xi je tsjiee̱ fí tsꞌén ndáse nginí yojoo̱ ngi̱jin ndásee̱.”

Ni xi akakoo̱ 22:15

Ta̱nga ndi̱tsén jàn kꞌuíndo ngayeje xota̱ xi ndajín, ko̱jo xi ndyi̱tsꞌèn kjo̱a̱tjiꞌe, kui xi ta̱xkiya ndyi̱tsꞌèntsjàjo̱ yojoo̱, xi ndyi̱tsꞌènkꞌién ini̱ma̱, xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo kui xi ndyi̱tsꞌèntjó ko̱jo xi ndyi̱tsꞌèn kjo̱a̱ndiso.