Matioo̱ 7:2 - Xo̱jo̱n eén Néná

² Ngatꞌa̱ xikótsꞌèn ndyi̱nfongitaꞌínjnú jé ngo xota̱, ti̱ bo̱a̱ ti̱ tsꞌén kjongítaꞌínjnú jún ngo jé, kó ti̱ kuii̱ yáchi̱bo̱a̱ xi si̱ꞌankjiénjnú jún nga xꞌi̱chi̱bo̱a̱jnú, ti̱ kuii̱ xi si̱ꞌankjién nga xꞌi̱chi̱bo̱a̱jojnú jún.

Matioo̱ 7:2 ပူးပေါင်းရင်းမြစ်များ

Xo̱jo̱n Salmoo̱ 109:17

Kó nga achichí tsjá kamaá nga tsíchji̱a̱taꞌin, ¡ja̱ kui ngatꞌákanieé ni xi ndajiín tsobo̱a̱! Kó nga kamámejénjiín nga tjín xí sa̱ꞌínchikonñé, ¡ja̱ nga ngojín xi tsꞌénchíkonñé kuí! ¡Te̱ꞌéchjíi̱ nínga ꞌniú on ngase ka̱maa̱!

Éksondo̱ 21:24

tsi ngo ndyi̱ko̱n kꞌo̱xié, ti̱ chjiéngá ngo tsi̱ꞌe̱ ko̱ꞌna̱xié nga, kó tsi ngo ṉꞌni̱u̱ skjítꞌó, ti̱ chjiéngá ngo tsi̱ꞌe̱ chjátꞌó nga. Tsi ngo tsja skjítꞌó, ti̱ ngo chjátꞌó tsi̱ꞌe̱ nga, ko̱jo tsi ngo se skjítꞌó, ti̱ ngo chjátꞌó tsi̱ꞌe̱ nga,

Matioo̱ 6:14

Ngatꞌa̱ tsi si̱ꞌanjetakónjnúu̱ xota̱ xi chꞌo tjítsójnú, ti̱ bo̱a̱ ti̱ tsꞌén sa̱ꞌínjetakónjnú Na̱ꞌmijnú xi tikón ndiꞌakꞌajmii̱,

Markoo̱ 4:24

Kó Kjisoo̱, bi̱ katsó ngase: –Nda nda ma tasiénijónjnúu̱ ni xi ndyi̱ndaꞌyájnú, ngatꞌa̱ xikótsꞌèn nda ko̱si̱e̱nnijónjnú, bo̱a̱ tsꞌén tsie ngase ko̱e̱ꞌéjnú nga ka̱makjínjnú, kó ngaskande kjósón ngasee̱.

Rkaa̱ 6:38

Te̱ꞌéjnúu̱ ni xi ka̱machjieén ngo xota̱, kó Néná tsja̱ajnú ni xi ka̱machjiénjnú jún. Tsja̱ajnú ngo stsa chi̱bo̱a̱ xi sꞌi̱kitsie má nga ꞌniú xi̱ndyiá. Ngatꞌa̱ ti̱ kuii̱ yáchi̱bo̱a̱ xi si̱ꞌankjiénjnú nga xꞌi̱chi̱bo̱a̱jnú, ti̱ kuii̱ xi sa̱ꞌínkjién Néná nga kꞌo̱chi̱bo̱a̱jojnú jún.

2 Xota̱ Korinto̱ 9:6

Ngatjaꞌátsjienjnú kui nii̱: Xota̱ xi chiboa ꞌbítji̱e̱, chiboa cha̱n foaꞌátikó. Kó xota̱ xi tsie ꞌbítji̱e̱, tsie cha̱n foaꞌátikó.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.

Ni xi akakoo̱ 18:6

Te̱ꞌéjnúu̱ ti̱ kuii̱ ni xi katsjaá kje̱ꞌe, kó jó bo̱a̱ kjiꞌi tꞌíchjíjnúu̱ xikó kjiꞌi ni xi je katsꞌén, jó bo̱a̱ kjiꞌi ti̱ꞌankꞌájinjnúu̱ kui ni xi kꞌuí, xikó kjiꞌi katsꞌénkꞌájii̱n xi katsjaá kje̱ꞌe.