Matioo̱ 7:11 - Xo̱jo̱n eén Néná

¹¹ Ngatꞌa̱ ndatsi jún ndajínjnú xota̱, kó májnú boeꞌéjnúu̱ ngo ni xi nda ndíjnú, akja̱ꞌmíra̱ nga tsja̱ajiín ngo ni xi nda Na̱ꞌmijnú xi tikón ndiꞌakꞌajmi jàn tsi tjín xí ku̱i̱ꞌaa̱.

Matioo̱ 7:11 ပူးပေါင်းရင်းမြစ်များ

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Joo̱b 15:16

Akja̱ꞌmíra̱ xota̱ nga̱sondiee̱ ka̱maꞌniátakón, nga be nga ndajín ko̱jo nga chꞌo, nga xikoó tsi xíndaá nga ni xi ndajín mejeén sa̱ꞌín.

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Xo̱jo̱n Salmoo̱ 85:12

Néná nda sa̱ꞌínkꞌijñáná, kó tꞌananginá nda ni xi ka̱maxchaá,

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Matioo̱ 23:9

Kó ngata̱ ꞌyàjín xi na̱ꞌmi ꞌmíjnú kꞌi̱e̱ tꞌanangii̱, ngatꞌa̱ ngo tsí má xi Na̱ꞌmijnú, kó Néná boá, kó ndiꞌakꞌajmi jàn tikón.

Matioo̱ 7:10

Ko̱jo tsi ngo tji̱o̱ ku̱i̱ꞌa kó, a ngo ye̱ tsja̱á.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Xota̱ Roma̱ 3:19

Ta̱nga jè ya ñá ngayeje ni xi tsó kjo̱a̱kitii̱, nga tsi̱ꞌe̱ xota̱ xi Néná katsjaá kui kjo̱a̱kitii̱ boá, tsi̱ꞌe̱ nga ngayeje tsꞌoa xotaa̱ si̱chjá, kó ngayeje xotaa̱ kui nga̱sondiee̱ sa̱ꞌínkie yojoo̱ nga katsꞌénjé, kó kꞌuíndo ngi̱yaa̱ kjo̱a̱botíjeé Néná.

Xota̱ Roma̱ 3:9

Kó mí ni xi mejeén tsó ngayeje kui nii̱. A ꞌniú nda ngase ji̱n ta̱bo̱a̱jiín kui jaá. Jmí, ngatꞌa̱ je akakojne̱ nga xota̱ xi jundío̱ ko̱jo xota̱ xi jundío̱jiín ngayejee̱ nga ndyi̱tsꞌèn jé.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

Xota̱ Ngalasia̱ 3:22

Ta̱nga xo̱jo̱n eén Néná tsó, nga ngayeje xotaa̱ ngi̱yaa̱ jeé síndoyáꞌniú, tsi̱ꞌe̱ nga kui xi sꞌijii̱n Jesukristoo̱, Néná tsja̱á ni xi katsóyàtjón nga tsja̱á xi sꞌijii̱n kui.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

1 Xo̱jo̱o̱n Juaa̱ 4:10

Kuí bí kui nii̱ xi kjo̱a̱tjoó: Nga jmí tsi ñá xí kiniꞌántjó Néná, ta̱sá kjo̱a̱a̱ nga Néná boá xi katsꞌéntjóná ñá, kó katsangiyaná ndií xikoó ngo kjo̱a̱tjó xi niꞌánkꞌasꞌien tsi̱ꞌe̱ nga kiniꞌánjetakoón jéná.