Matioo̱ 6:9 - Xo̱jo̱n eén Néná

⁹ Bi̱ tsꞌén ndókjo̱a̱jnúu̱ Néná: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n.

Matioo̱ 6:9 ပူးပေါင်းရင်းမြစ်များ

Xo̱jo̱n Salmoo̱ 111:9

Néná boá xi katsꞌéndé xota̱ na̱xi̱ńdaá, kó bo̱a̱ tsꞌén katsjá tsꞌoa nga ngatsjéni̱xtjin sa̱ꞌínkjatjosón ni xi índajo̱. ¡Achichí ngaꞌniú tjiín Nee̱ xota̱ Israee̱l, tsjie kuí Néná xí ngototoo̱!

Xo̱jo̱n Salmoo̱ 115:3

¡Ta̱nga ji ki̱a̱ tindyin ji nkꞌajmii̱, kó niꞌín ji ngayeje ni xi mejeén si̱ꞌin ji!

Xo̱jo̱n Salmoo̱ 72:18

¡Ngatamachikonñé Néná, kui xi Nee̱ xota̱ Israee̱l! Kui Néná xi ta̱kuítsí xi tsꞌén ni xi fíndikónná.

Lebitiko̱ 10:3

Kósꞌe̱ Moisee̱ bi̱ katsoó Aaroo̱n: —Kuí bí kui nii̱ xi íjinkon Néná nga bi̱ katsó: “Mejénna nga ku̱i̱ntꞌiéꞌénna chináꞌmina, kó nga ngayeje xota̱ na̱xi̱ńdaá xi ngatsꞌèntsjàna”. Kó nde ngo ni katsójín Aaroo̱n.

Matioo̱ 10:29

A ku̱i̱e̱je̱njiín ngo ndí to̱n ún ndí ni̱sie. Ta̱nga nde ngojín xi kꞌo̱ka tꞌanangii̱ tsi kuijín Néná xí Na̱ꞌmijnú xi tsja̱akjo̱a̱.

Matioo̱ 23:9

Kó ngata̱ ꞌyàjín xi na̱ꞌmi ꞌmíjnú kꞌi̱e̱ tꞌanangii̱, ngatꞌa̱ ngo tsí má xi Na̱ꞌmijnú, kó Néná boá, kó ndiꞌakꞌajmi jàn tikón.

Matioo̱ 26:29

Kó xiyàjnúꞌun nga ngotꞌe̱ ngiti̱ kꞌuijín an ndaá tostsi̱je̱è, ngaskande nga kꞌuíjo̱jnúꞌun xi tja̱tsi̱e̱e̱, nga ku̱i̱ndyión ngi̱ndie nínga botixómá Na̱ꞌmina.

Matioo̱ 26:42

Kó ti̱ kijí nginí Kjisoo̱ ingo ndi̱yà, ti̱ tsíchji̱a̱ nginií Néná, nga bi̱ katsó: –Na̱ꞌmi, tsi kjo̱a̱ꞌniútjínnií nga kjo̱a̱ꞌa an kui kjo̱a̱ni̱ma̱a̱, kjo̱a̱jiín, ngatama ni xi mejeén ji nga ka̱ma.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 5:48

Chjiéngá kixi̱ ngatamajnú xikó má tsꞌén kixi̱ Na̱ꞌmijnú xi tikón ndiꞌakꞌajmi jàn.

Matioo̱ 6:14

Ngatꞌa̱ tsi si̱ꞌanjetakónjnúu̱ xota̱ xi chꞌo tjítsójnú, ti̱ bo̱a̱ ti̱ tsꞌén sa̱ꞌínjetakónjnú Na̱ꞌmijnú xi tikón ndiꞌakꞌajmii̱,

Matioo̱ 6:6

Ta̱nga ji, kjiꞌanga ko̱ndókjoée̱ Néná, ngo ngi̱yaꞌma ti̱tjásꞌi̱n, tꞌíchjéꞌní jí nga̱ntjo̱a̱a̱, sꞌe̱ ndokjoée̱ Na̱ꞌmíi̱ xi tikón nínga ꞌmaa̱, kó kui Na̱ꞌmíi̱ xi be ni xi ꞌmaa̱, jè tikónndaa̱ ngo ni xi tsjaá jí.

Matioo̱ 7:11

Ngatꞌa̱ ndatsi jún ndajínjnú xota̱, kó májnú boeꞌéjnúu̱ ngo ni xi nda ndíjnú, akja̱ꞌmíra̱ nga tsja̱ajiín ngo ni xi nda Na̱ꞌmijnú xi tikón ndiꞌakꞌajmi jàn tsi tjín xí ku̱i̱ꞌaa̱.

Rkaa̱ 15:18

Ta̱sá kjuín ngiñá an ndiꞌana, kó bi̱ xiáa̱n na̱ꞌmina: Na̱ꞌmi, jè katsꞌenjé án kondraa̱ ndiꞌakꞌajmii̱, ko̱jo katsꞌenjé án ngindyikin ji.

Rkaa̱ 15:21

Kó kui nda̱a̱, bi̱ katsó: “Na̱ꞌmi, jè katsꞌenjé án kondraa̱ ndiꞌakꞌajmii̱, ko̱jo katsꞌenjé án ngindyikin ji, kó ngaskande ngiti̱ ka̱májín ndíi̱ sení.”

Rkaa̱ 2:14

¡Ngatꞌieé kjo̱a̱je Néná ndiꞌakꞌajmi jàn! ¡Kó ngatꞌieé kjo̱a̱xió kꞌi̱e̱ tꞌanangii̱ xota̱ xi ndyi̱tsꞌènkjátjosoón kjo̱a̱ndaa̱ Néná!

Juaa̱ 20:17

Kjisoo̱, bi̱ katsó: –Ngata̱ niꞌínje̱jínní, ngatꞌa̱ kji̱e̱ fikónjáa̱n Na̱ꞌmina, ta̱nga ta̱sá tꞌenchíi̱n ntsꞌié án, kó bi̱ tꞌíi̱n nga jè tsꞌénfikóo̱n Na̱ꞌmina xi Na̱ꞌmijnú nga, Néná xi Nejnú nga.

Xota̱ Roma̱ 1:7

Ngayejejnú xi tindyiónjnú na̱xi̱ńdá Roma̱, tsꞌéntsangiyajnúꞌun kui xo̱jo̱o̱n, jún xi jaꞌájinjnú Néná nga xota̱ tsjiee̱ kui ka̱majnú jún. Néná xí Na̱ꞌminá ko̱jo Ndi̱a̱ná Jesukristoo̱ nga tsja̱ajnú kjo̱a̱ndaa̱ ko̱jo kjo̱a̱xioó.

Xota̱ Roma̱ 8:15

Ngatꞌa̱ jmí tsi a̱siénni̱xtjin xi moso̱ tsꞌénná xi katseꞌéjnú tsi̱ꞌe̱ nga ko̱ndoko̱n nginíjnú, ngo a̱siénni̱xtjin xi ndií Néná tsꞌénná xí katseꞌéjnú, kuíni nga bi̱ ꞌmí: “¡Abba! ¡Na̱ꞌmi!”

Xota̱ Ngalasia̱ 1:1

Án boá xi ꞌmína Pabloo̱, nda̱ apostro̱ xi jmí tsi xotaa̱ xi katsangiya, ngatꞌa̱ Jesukristoo̱ ko̱jo Néná xí Na̱ꞌmi xi katsꞌénkjaꞌáꞌyaá kui, kuí xí katsjáxána.

Xota̱ Ngalasia̱ 4:6

Ngatꞌa̱ nga jè ndií Néná kamá ñá, Néná katsangiya ngi̱jin ini̱ma̱ná A̱si̱énni̱xtjii̱n ndií, kuí xí bi̱ tsó nga chji̱a̱: “¡Abba, Na̱ꞌmi!”

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.

Ni xi akakoo̱ 4:11

Ndi̱a̱ xi tsa̱ji̱n, jí xí sa̱ko̱ó nga chjábé jí ngayeje kjo̱a̱je, kjo̱a̱yandikón ko̱jo ngaꞌniú, ngatꞌa̱ jí xi kiniꞌínde ji ngayeje nii̱, ngatꞌa̱ ta̱ngatꞌanií nga ji xi bo̱a̱ tsꞌén mejeén nga tjínní kui nii̱, ko̱jo nga kamánda.

Ni xi akakoo̱ 5:12

kó ꞌniú tsíchji̱a̱ nga bi̱ katsó: ¡Kui cho̱tsa̱nga̱ xi je kiniꞌánkꞌieén, kuí boá xi tsoboaá nga si̱ꞌankꞌasꞌiee̱n ngaꞌniú nga ko̱tíxoma, ko̱jo kjo̱a̱cho̱n, ko̱jo kjo̱a̱kjínkón, ko̱jo ngaꞌniú, ko̱jo kjo̱a̱yandikón, ko̱jo kjo̱a̱je, ko̱jo kjo̱a̱niꞌántsjà!